Հեռակա ուսուցում իրականացնող բուհերում ընդունելությունը կատարվում է Հայաստանի Հանրապետության կրթության, գիտության, մշակույթի և սպորտի նախարարի հրամանով՝ ըստ մասնագիտությունների (կրթական ծրագրերի), տվյալ ուսումնական տարվա համար հաստատված՝ բակալավրի կրթական ծրագրով հեռակա ուսուցման ընդունելության տեղերի։
Հայաստանի Հանրապետության բուհեր հեռակա ուսուցմամբ հնարավորություն ունեն ընդունվելու առնվազն միջնակարգ, նախնական մասնագիտական կամ միջին մասնագիտական կրթություն ունեցող անձինք` առանց տարիքի սահմանափակման:
Մինչև դիմում-հայտ լրացնելը ԵՊՀ հեռակա ուսուցման դիմորդը այցելում է ԵՊՀ ընդունող հանձնաժողով սահմանված օրերին և ժամերին, ստանում է ԳԹԿ անձնական համար, որից հետո dimord.am կայքում գրանցվում և լրացնում է դիմում-հայտը:
ԳԹԿ անձնական համար ստանալու համար դիմորդը ԵՊՀ ընդունող հանձնաժողով պարտադիր ներկայացնում է անձը հաստատող փաստաթուղթը և քննություններին մասնակցելու համար վճարված գումարի անդորրագիրը (քննություններ հանձնելու դեպքում): Քննությունների համար սահմանված գումարից ազատված դիմորդները ներկայացնում են համապատասխան հիմքերը (կանոնների 41, 42 և 43-րդ կետեր):
ԵՊՀ հեռակա ուսուցման ընդունելության քննության և մասնագիտությունների հայտագրման դիմում-հայտը դիմորդները dimord.am կայքի միջոցով ԳԹԿ են ուղարկում էլեկտրոնային (առցանց) եղանակով՝ ս.թ. սեպտեմբերի 5-ից մինչև սեպտեմբերի 25-ը ներառյալ, սեպտեմբերի 25-ին՝ մինչև ժամը 18։00-ն։
Դիմում-հայտը լրացնելիս դիմորդը կարող է նշել մեկ բուհի մինչև երեք մասնագիտություն, ընդ որում առաջին հայտը գերակայություն ունի մյուս հայտերի նկատմամբ, իսկ մյուս հայտերի մրցույթին դիմորդը մասնակցում է միայն այդ մասնագիտություններում թափուր տեղերի առկայության դեպքում:
ԵՊՀ դիմորդները մասնագիտությունների լրացման հետ կապված խորհրդատվություն կարող են ստանալ հեռախոսազանգի միջոցով սահմանված օրերին և ժամերին (հեռ.՝ (+374 60) 710 777):
Հեռակա ուսուցման ընդունելության քննություններին մասնակցող դիմորդները պետք է յուրաքանչյուր քննության համար սահմանված 1500 դրամը վճարեն միայն ԳԹԿ հաշվեհամարին` նշելով ստորև ներկայացված տվյալները.
| Ստացող | «Գնահատման և թեստավորման կենտրոն» ՊՈԱԿ |
| Հաշվեհամար | 900018003401 |
| Նպատակ | Ընդունելության քննության վճար ՊԱՐՏԱԴԻՐ ՆՇԵԼ ՆԱԵՎ դիմորդի անուն-ազգանունը և հայրանունը |
ՈՒՇԱԴՐՈՒԹՅՈՒՆ
Վերոնշյալ տվյալների բացակայության դեպքում (հատկապես դիմորդի անուն-ազգանունը, հայրանունը), վճարման կտրոնը կհամարվի անվավեր:
Հեռակա ուսուցման ընդունելության միասնական քննությունները ԳԹԿ-ն կանցկացնի ս.թ. հոկտեմբերի 20-ից մինչև հոկտեմբերի 27-ն ընկած ժամանակահատվածում:
Քննության օրվա, ժամի և վայրի մասին տեղեկություններ կուղարկվեն դիմորդների էլեկտրոնային հասցեին: Այն պետք է տպել, և անձը հաստատող փաստաթղթով քննության օրը մոտենալ համապատասխան քննական կենտրոն:
Դիմորդը պետք է ուշադիր և հետևողական լինի դիմում-հայտում նշած իր էլեկտրոնային հասցեին։
Դիմում-հայտը լրացնելուց սկսած մինչև ընդունելության ցուցակների հրապարակումը, ցանկացած տեղեկատվություն դիմորդին տրամադրվելու է էլեկտրոնային փոստով, որը համարվում պաշտոնական տեղեկատվություն։
1. ավարտական փաստաթուղթ (ատեստատ կամ դիպլոմ` միջուկի հետ),
2. 1 լուսանկար (3x4 չափսի),
3. անձը հաստատող փաստաթուղթ,
4. հեռակա ուսուցման ընդունելության կանոնների 41-րդ, 42-րդ և 43-րդ կետերից օգտվող դիմորդները բնօրինակ համապատասխան փաստաթղթեր,
5. միասնական քննության դրական գնահատականը հավաստող փաստաթուղթ (ԳԹԿ վկայագիր):
ԿԵՏ 41-1
Անձնագիր
(բնօրինակի pdf տարբերակն ուղարկվում է dimord@ysu.am էլեկտրոնային փոստին, իսկ ընդունվելուց հետո բնօրինակը տարվում է համապատասխան գրասենյակ (դեկանատ))
Տեղեկանք 1-ին կամ 2-րդ խմբի հաշմանդամ, կամ մինչև 18 տարեկան մանկուց հաշմանդամ լինելու մասին
(բնօրինակի pdf տարբերակն ուղարկվում է dimord@ysu.am էլեկտրոնային փոստին, իսկ ընդունվելուց հետո բնօրինակը տարվում է համապատասխան գրասենյակ (դեկանատ))
ԿԵՏ 41-2
Անձնագիր և ծննդյան վկայական
(բնօրինակների pdf տարբերակներն ուղարկվում են dimord@ysu.am էլեկտրոնային փոստին, իսկ ընդունվելուց հետո բնօրինակները տարվում են համապատասխան գրասենյակ (դեկանատ))
Առանց ծնողական խնամքի մնալու մասին հաստատող փաստաթղթեր
(բնօրինակի pdf տարբերակն ուղարկվում է dimord@ysu.am էլեկտրոնային փոստին, իսկ ընդունվելուց հետո բնօրինակը տարվում է համապատասխան գրասենյակ (դեկանատ))
ԿԵՏ 42
Դիմորդի ծննդյան վկայականը
(բնօրինակի pdf տարբերակն ուղարկվում է dimord@ysu.am էլեկտրոնային փոստին է, իսկ ընդունվելուց հետո բնօրինակը տարվում է համապատասխան գրասենյակ (դեկանատ))
Սահմանված արտոնությունը հաստատող փաստաթղթերը
(բնօրինակի pdf տարբերակն ուղարկվում է dimord@ysu.am էլեկտրոնային փոստին, իսկ ընդունվելուց հետո բնօրինակը տարվում է համապատասխան գրասենյակ (դեկանատ))
ԿԵՏ 43
Զինվորական գրքույկ (եթե վերջին մեկ տարում է դիմորդը զորացրվել)
(բնօրինակի բոլոր լրացված էջերի pdf տարբերակը մեկ ֆայլով ուղարկվում է dimord@ysu.am էլեկտրոնային փոստին, իսկ ընդունվելուց հետո բնօրինակը տարվում է համապատասխան գրասենյակ (դեկանատ))
Բակալավրիատի հեռակա ուսուցման ԵՊՀ ընդունելության ցուցակները հոկտեմբերի 30-ին կտեղադրվեն ԵՊՀ ysu.am պաշտոնական կայքէջի «Ընդունելություն» բաժնի «Բակալավրիատ» ենթաբաժնի «Հեռակա ուսուցում» հատվածում: Հեռակա ուսուցմամբ ընդունված դիմորդները, հեռակա ուսուցման ընդունելության կանոնների 12-րդ կետի համաձայն, պահանջվող փաստաթղթերի բնօրինակները պետք է նոյեմբերի 11-ին ներկայացնեն համապատասխան գրասենյակ (դեկանատ)։
Հեռակա ուսուցմամբ 1-ին կուրս ընդունվածների դասերը սկսվում են նոյեմբերի 11-ից:
Այն դիմորդները, որոնք կընդունվեն ԵՊՀ հեռակա ուսուցմամբ և զորակոչված կլինեն ազգային բանակ, պետք է վերջինիս ընտանիքի որևէ անդամ ս.թ. նոյեմբերի 11-ից մինչև 20-ն այցելի համապատասխան գրասենյակ (դեկանատ)՝ ներկայացնելով պահանջվող փաստաթղթերը, ինչպես նաև ազգային բանակ մեկնելու մասին հավաստող փաստաթուղթը և ձևակերպի տարկետում, հակառակ դեպքում դիմորդը կկորցնի իր տեղը:
Հեռակա ուսուցման ընդունելության հարցերով ԵՊՀ ընդունող հանձնաժողովն աշխատում է սեպտեմբերի 5-ից մինչև սեպտեմբերի 25-ը ներառյալ՝ ժամը 10:00-17:00-ն, սեպտեմբերի 25-ին՝ մինչև ժամը 18։00-ն:
Ընդմիջում՝ ժամը 13:00-14:00
Հանգստյան օրեր` շաբաթ և կիրակի:
