Իրադարձություններ

Ս.թ. մայիսի 24-ին և 25-ին՝ ժամը 09։30-ին, ԵՊՀ գիտական խորհրդի նիստերի դահլիճում տեղի կունենա «Բազմալեզու և բազմամշակույթ կրթություն. քաղաքականություն և հմտություններ» («International Conference on Multilingual and Multicultural Learning: Policies and Practices») խորագրով միջազգային գիտաժողովը:

Ս․թ․ մայիսի 24-ին՝ ժամը 14։30-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում տեղի կունենա «ԳԵՈ ներգրավում-2024» եռօրյա մասնագիտական ճամբարի աշխատանքների ամփոփում։

Ս․թ․ մայիսի 24-ին՝ ժամը 13։00-ին, ԵՊՀ սոցիոլոգիայի ֆակուլտետում տեղի կունենա «Սիրող ընտանիք՝ յուրաքանչյուր երեխայի համար» խորագրով ցուցահանդես և ուսանողների հետ հանդիպում-քննարկում՝ նվիրված Ընտանիքի միջազգային օրվան։

Ս.թ. մայիսի 24 ին՝ ժամը 11։00-ին, ԵՊՀ միջազգային հարաբերությունների ֆակուլտետում (405 լսարան) տեղի կունենա Չինաստանի հեռուստաընկերության հայկական բաժնի ղեկավար, լրագրող Պարույր Սինյավսկիի հետ հանդիպում։

Ս.թ. մայիսի 23-ին և 24-ին ԵՊՀ պատմության ֆակուլտետում կանցկացվի միջազգային գիտաժողով՝ նվիրված 1920 թ․ թուրք-հայկական պատերազմի պատմությանը:

Ս․թ․ մայիսի 23-ին՝ ժամը 11:00-ին, ԵՊՀ Շառլ Ազնավուրի անվան մշակույթի կենտրոնում տեղի կունենա երաժշտագետ, հայազգի ջազ դաշնակահար Տիգրան Համասյանի «Ստեղծագործականություն և հետազոտություն» խորագրով հանդիպումը:

Ս․թ․ մայիսի 23-ին՝ ժամը 10։00-ին, ԵՊՀ իրավագիտության ֆակուլտետում (205 լսարան) պրոֆեսոր Լուկաս Ֆլյոթերը հանդես կգա դասախոսությամբ։

Ս․թ․ մայիսի 22-ին՝ ժամը 14։00-ին, ԵՊՀ պատմության ֆակուլտետի ընթերցասրահում (318 լսարան) տեղի կունենա հանդիպում Հալլե-Վիտտենբերգի Մարտին Լյութերի անվան համալսարանի աստվածաբանության ֆակուլտետի պրոֆեսորների և ուսանողների հետ։

Ս․թ․ մայիսի 21-ին՝ ժամը՝ 14։15-ին, ԵՊՀ եվրոպական ուսումնասիրությունների կենտրոնի Ռոբերտ Շումանի անվան սրահում ՀՀ ֆինանսների փոխնախարար Էդուարդ Հակոբյանը հանդես կգա «ՀՀ հարկաբյուջետային քաղաքականության ժամանակակից համակարգը և գործիքները» թեմայով բաց դասախոսությամբ։

Ս․թ․ մայիսի 20-ին՝ ժամը 14։30-ին, «YSU-Krisp AI Lab» գիտակրթական հետազոտական կենտրոնում «Ջրային ռեսուրսների կառավարման բարելավում» ծրագրի շրջանակում տեղի կունենա գիտական սեմինար։