Ֆարմացիա

• Պատրաստել ֆարմացիայի ոլորտի խոր և համակողմանի գիտելիքներով օժտված մասնագետներ, որոնք կլինեն առողջապահական թիմի անբաժանելի անդամ և պաատասխանատու կլինեն դեղորայքի ճիշտ օգտագործման ու բուժառուների անվտանգության համար:
• Ուսանողներին օժտել մասնագիտական կարողություններով՝ ֆարմացիայի ոլորտի տարբեր ուղղություններով (դեղանյութերի սինթեզի, կառուցվածքի հետազոտման և հավաստագրման, ազդեցության մեխանիզմների ուսումնասիրման, դեղանյութերից նոր դեղաձևերի ստացման և այլն) հետազոտական գործունեությամբ զբաղվելու համար:

Գիտելիք և իմացություն

Ծրագրի ավարտին ուսանողն ունակ կլինի․

• ներկայացնելու ֆարմացիայի վերջին նվաճումները, որոնք կիրառվում են աշխատանքում, ուսումնառության և հետազոտության գործընթացներում,
• ներկայացնելո ֆարմացիայի, առողջապահության և հարակից ոլորտների զարգացման ռազմավարական մոտեցումները, տեսությունները և առաջավոր սկզբունքները,
• ներկայացնելու գիտական հետազոտությունների, ինչպես նաև դասավանդման մեթոդների և դրանց առնչվող տեսությունների արդի մոտեցումները։

Հմտություններ

Ծրագրի ավարտին ուսանողն ունակ կլինի․

• ներկայացնելու առանցքային մասնագիտական հմտություններ, որոնք անհրաժեշտ են հետազոտական ու նորարարական գործունեություն իրականացնելիս՝ ֆարմացիայի, առողջապահության և հարակից ոլորտների գիտելիքը համակցելու և նոր գիտելիք ստեղծելու, ինչպես նաև նոր և անծանոթ իրավիճակներում ֆարմացիայի տեսական ու գործնական խնդիրներ լուծելու համար,
• ցուցաբերելու արդյունավետ հաղորդակցման հմտություններ բուժառուների, գործընկերների, առողջապահության ոլորտի այլ մասնագետների և հանրության շրջանում՝ ապահովելով խորհրդատվության տրամադրում և տեղեկատվության տարածում:

Կարողություններ

Ծրագրի ավարտին ուսանողն ունակ կլինի․

• հավաքելու, պահպանելու, մշակելու, վերլուծելու, գնահատելու, մեկնաբանելու և ներկայացնելու տեղեկատվությունը մասնագիտական բարդ խնդիրների լուծման նպատակով՝ վարժ կիրառելով համակարգչային մասնագիտացված արդի ծրագրերը,
• հետազոտելու, վերլուծելու և արժևորելու մասնագիտական ոլորտի հիմնախնդիրները, առաջադրելու դրանց լուծման գիտահենք արդիական մոտեցումներ, կանխատեսելու հնարավոր զարգացումները,
• մշակելու մասնագիտական ոլորտի գիտելիքի և պրակտիկայի ընդլայնմանը միտված նորարարական ու ստեղծագործական լուծումներ,
• ծավալելու մասնագիտական և գիտահետազոտական գործունեություն միջազգային ասպարեզում,
• ծավալելու լիարժեք և ինքնուրույն մասնագիտական գործունեություն ֆարմացիայի և առողջապահության ոլորտում՝ կիրառելով մասնագիտական խոր գիտելիքներ, կարողություններ, հմտություններ՝ դրսևորելով պատշաճ վարվելակերպ:

«Ֆարմացիա» մագիստրոսական ծրագրի շրջանավարտները կարող են աշխատանքի անցնել դեղագործության և դրան հարակից մասնագիտական ոլորտներում գործող կառույցներում` զբաղեցնելով ստորև թվարկված պաշտոնները։

Հանրային և հիվանդանոցային դեղատներ՝

• դեղագետ,

բժշկական հիմնարկներ՝

• կլինիկական դեղագետ,

դեղարտադրող ընկերություններ՝

• դեղարտադրության ոլորտի որակավորված անձ,
• դեղագետ-տեխնոլոգ,

ՀՀ առողջապահության նախարարության դեղային քաղաքականության և բժշկական տեխնոլոգիաների վարչություն՝

• գլխավոր մասնագետ,
• առաջատար մասնագետ,
• մասնագետ,

ՀՀ առողջապահական և աշխատանքի տեսչական մարմին՝

• դեղագետ-տեսուչ,

փորձագիտական կենտրոններ՝

• որակի հսկման և գնահատման փորձագետ,
• փորձագետ,

դեղերի մեծածախ իրացման կազմակերպություններ՝

• պատասխանատու դեղագետ,
• դեղագործական շուկայավարման մասնագետ,

արտասահմանյան դեղարտադրողների հայաստանյան ներկայացուցչություններ՝

• դեղագետ-ներկայացուցիչ,
• դեղերի առաջմղման մասնագետ․

գիտահետազոտական հաստատություններ՝

• հետազոտող-գիտաշխատող,

կթական հաստատություններ՝

դասախոս, ասիստենտ։

Ֆարմացիայի ինստիտուտում գործում են մասնագիտական ամբիոններ, որոնք հագեցած են դեղատնային և անալիտիկ ժամանակակից սարքավորումներով, կահավորված ուսումնական և ուսումնագիտական լաբորատորիաներով (դեղատնային և գործարանային տեխնոլոգիայի, դեղաբանության, դեղագրքային անալիզի, դեղագիտական քիմիայի և այլն) և աշխատասենյակներով:

Ֆարմացիայի ինստիտուտում գործող լաբորատորիաները

Դեղերի որակի հսկման և մոնիտորինգի գիտաուսումնական կենտրոնի լաբորատորիա

Ֆարմացիայի գիտահետազոտական կենտրոն

Ֆարմակագնոզիայի ուսումնական լաբորատորիա

Կենսատեխնոլոգիայի լաբորատորիա

Ընդհանուր հիգիենայի ուսումնական լաբորատորիա

Թունաբանական քիմիայի լաբորատորիա

Դեղերի արդյունաբերական արտադրության ուսումնական լաբորատորիա

Դեղերի ներդեղատնային պատրաստման ուսումնական լաբորատորիա

Ֆարմքիմիայի լաբորատորիա

Ֆարմտեխնոլոգիայի և ֆարմացիայի էկոնոմիկայի ու կառավարման ամբիոնի գիտաուսումնական լաբորատորիա

Ինստիտուտում առկա են համակարգիչներով հագեցած լսարաններ, որոնք հնարավորություն են տալիս կազմակերպելու դիդակտիկ նյութերով հագեցած դասախոսություններ, ինչպես նաև հեռուսուցմամբ առցանց դասախոսություններ:

Դասընթացների լիարժեք յուրացման համար ուսանողներին տրամադրվում են նաև էլեկտրոնային նյութեր և գրքեր, իսկ որոշ տպագիր գրքեր և ուսումնամեթոդական ձեռնարկներ ուսանողները հնարավորություն ունեն ձեռք բերելու ԵՊՀ գրադարանից և ֆարմացիայի ինստիտուտի գրասենյակից:

Ծրագրի ուսումնական պլանը հասանելի է այստեղ:

«Ֆարմացիա» մագիստրոսական կրթական ծրագրի տևողությունը 1 (մեկ) տարի է՝ 4 ենթակիսամյակներով: Ենթակիսամյակը տևում է 8 շաբաթ, ավարտվում է քննական շրջանով, իսկ վերջին եթակիսամյակը՝ մագիստրոսական թեզի պաշտպանությամբ:

Ծրագիրը կազմված է հիմնական մասնագիտական դասընթացներից, ներառում է նաև մասնագիտական պրակտիկա:

ՀՀ ԳԱԱ «Հայկենսատեխնոլոգիա ԳԱԿ» ՊՈԱԿ, ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոն, ՀՀ ԳԱԱ Լ․ Օրբելու անվան ֆիզիոլոգիայի ինստիտուտ, Կուրորտաբանության և ֆիզիկական բժշկության գիտահետազոտական ինստիտուտ, «Ակադեմիկոս Է. Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ և այլն:

Ծրագրի շրջանավարտները կարող են ուսումը շարունակել ինչպես Երևանի պետական համալսարանի ֆարմացիայի ինստիտուտի ամբիոնների, այնպես էլ Երևանի Մխիթար Հերացու անվան պետական բժշկական համալսարանի և ՀՀ գիտությունների ազգային ակադեմիայի մասնագիտական տարբեր ինստիտուտների ասպիրանտուրայում: