1.Ընդհանրական կարողություններ
Դասավանդման/մանկավարժական
·դասընթացի առարկայական ծրագիր և օրացուցային պլան կազմելու հմտություն,
·յուրաքանչյուր առարկայից ակնկալվող վերջնարդյունքին համապատասխան դասավանդման ժամանակակից մեթոդների (օրինակ՝ ուսանողակենտրոն դասավանդում, ինտերակտիվ մեթոդ, ակտիվ ուսուցման տեխնիկաներ և այլն) ընտրության կարողություն և կիրառման հմտություններ,
·էթիկայի կանոնների պահպանում, ուսանողների արժեքային բարձր համակարգի ձևավորման խթանում, ուսանողներից յուրաքանչյուրի հանդեպ հարգանքի դրսևորում, կրթական հավասար պայմանների ապահովում, գնահատման օբյեկտիվ մոտեցում,
·ուսանողների մասնագիտական կարողությունների ձևավորման հարցում աջակցության ցուցաբերում, նրանց ինքնուրույն աշխատանքի, գիտական և ստեղծագործական մտքի զարգացման խթանում՝ կանոնավոր խորհրդա­տվություններ, արտալսարանային հանդիպումներ կազմակերպելու միջոցով։

Հետազոտական
·տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
·գիտական աշխատանքի ղեկավարում և իրականացում. հոդվածների, մենագրության, դասագրքի, ձեռնարկի, ուղեցույցի հրատարակում (տարեկան առնվազն՝ 1 աշխատանք), գիտաժողովների մասնակցություն (նաև արտերկրում), հետազոտական նոր ծրագրերի մշակում, գիտական թեմատիկ սեմինարների վարում, մագիստրոսական և դիպլոմային աշխատանքների արդյունավետ ղեկավարում և այլն:
Հաղորդակցման
·լսարանի հետ արդյունավետ հաղորդակցում իրականացնելու կարողություն, համոզիչ խոսք, ուսանողին մոտիվացնելու կարողություն,
·համագործակցային կարողությունների դրսևորում։
ՏՀՏ կիրառություն
·տեղեկատվական տեխնոլոգիաների կիրառում կրթական գործընթացում՝ ըստ դասընթացից բխող անհրաժեշտության և ուսանողի ուսումնական կարիքների, լուսացուցադրություններ պատրաստելու և ներկայացնելու հմտություններ:

Այլ կարողություններ
·դասընթացի նպատակի, նյութերի, գրականության, հարցման կարգի, գնահատման համակարգի, ակնկալվող արդյունքի մասին տեղեկության ապահովում,
·անհրաժեշտ ռեսուրսները կիրառելու և ծրագրերը արդյունավետորեն իրականացնելու կարողություն,
·ժամանակային ռեսուրսների պլանավորման և կառավարման կարողություն:

2.Մասնագիտական կարողություններ
·բանասիրության բնագավառի արդի հիմնախնդիրների, զարգացման միտումների, միջգիտակարգային կապերի իմացության բարձր մակարդակ,
·անգլիական բանասիրության բնագավառի ուսումնասիրության մեթոդաբանության և գիտահետազոտական մեթոդների իմացություն, դրանց կիրառման և մասնագիտական փաստեր վերլուծելու կարողություն,
·գիտահետազոտական գործունեության արդյունքների ինտեգրում ուսումնական գործընթացի բովանդակության մեջ,
·հրապարակային ելույթներ պատրաստելու և իրականացնելու կարողություն
·անգլերենի իմացության բարձր աստիճան (առնվազն C 1 կամ միջազ­գայնորեն ընդունված քննության համարժեք արդյունք)։
3.Ընդհանուր պահանջներ
Գիտական աստիճան
·գիտական աստիճան և կոչում բանասիրության ոլորտում,
·վերջին 5 տարում առնվազն 5 գիտական և մեթոդական հրատարակու­թյունների առկայություն, մասնակցություն գիտաժողովների կամ գիտական քննարկումների։
Մանկավարժական փորձ
·մասնագիտական դասընթացների դասավանդման և/կամ վերապատրաս­տումներ (թրեյնինգներ) իրականացնելու փորձ,
·վերջին 5 տարվա ընթացքում մասնակցություն տեղական կամ միջազգային վերապատրաստումների և/կամ մասնագիտական որակավորման բարձրացման դասընթացների,
Պրակտիկ աշխատանքի փորձ
·7-10 տարվա մանկավարժական փորձ, պրակտիկ աշխատանքի փորձ ։
Այլ պահանջներ
·դասավանդման պորտֆոլիո՝ դասավանդվող առարկաների առնվազն 50%-ի առցանց նյութերի առկայություն,
·ուսանողական հարցման արդյունքներով ստացված գնահատականների միջինը՝ առնվազն 4,0 (գործող դասախոսների համար):