Քարտեզագրություն և կադաստրային գործ

Ընդունելության պահանջները

«Քարտեզագրություն և կադաստրային գործ» մասնագիտությամբ բակալավրի առկա և հեռակա ուսուցման համակարգում ընդունելությունը կատարվում է՝ համաձայն «Հայաստանի Հանրապետության բարձրագույն ուսումնական հաստատություններ ընդունելության (ըստ բակալավրի ու անընդհատ և ինտեգրացված կրթական ծրագրերի) կարգի»։

Դիմորդները պետք է քննություն հանձնեն «Աշխարհագրություն», «Մաթեմատիկա» կամ «Ֆիզիկա» և «Հայոց լեզու և գրականություն» (ոչ մրցութային) առարկաներից:

Ծրագրի նպատակը

Կրթական ծրագրի նպատակն է ուսանողներին տրամադրել ոլորտի վերաբերյալ հիմնարար գիտելիքներ՝ ապագա մասնագիտական գործունեությանը համապատասխան, նրանց ծանոթացնել այս ոլորտի տեսական, գործնական և մեթոդական մոտեցումներին, նպաստել նորագույն տեխնոլոգիաների կիրառմամբ (ArcMap, GIS, Auto Cad) կադաստրային քարտեզների և գեոինֆորմացիոն կարողությունների ձեռքբերմանը, զարգացնել վերլուծական, մոդելավորման, գնահատման և կարևոր այլ կարողություններ, որոնք կարող են օգտագործել շրջանավարտները մասնագիտական կարիերայի ընթացքում, խրախուսել ուսանողների ինքնուրույն և հետազոտական աշխատանքների կատարումը և գործնական փորձի վրա հիմնված ուսումնասիրությունները:  

Առավելությունները

Ծրագիրը պատրաստում է բազմապրոֆիլ մասնագետներ՝ տալով տեսական և գործնական գիտելիքներ՝ գեոդեզիայի և չափագրման, քարտեզագրության և գեոինֆորմացիոն տեխնոլոգիաների, անշարժ գույքի կադաստրի, հողային ռեսուրսների և դրանց առնչվող օրենքների մասին։

Կարիերայի հնարավորությունները

Ծրագրի շրջանավարտները դառնում են կադաստրային գործի, գեոդեզիայի և քարտեզագրության ոլորտի մասնագետներ, որոնք հնարավորություն ունեն աշխատելու ՀՀ կադաստրի կոմիտեում, ՀՀ ԳԱԱ երկրաբանական գիտությունների ինստիտուտում, ՀՀ շրջակա միջավայրի նախարարությունում, «Հիդրոօդերևութաբանության և մոնիթորինգի պետական ծառայություն» ՊՈԱԿ-ում, ՀՀ պաշտպանության նախարարությունում, «Գեոկոսմոս» ՓԲԸ-ում, «Հայջրնախագիծ ինստիտուտ» ՓԲԸ-ում, «Հայանտառ» ՊՈԱԿ-ում, ՀՀ ՊՆ Վ. Սարգսյանի անվան ռազմական համալսարանում, ՀՀ վիճակագրական կոմիտեում, չափագրման գրասենյակներում, անշարժ գույքի գործակալություններում, հեռազննման և ԱՏՀ ոլորտում և այլն։