Թյուրքական պատմաբանասիրություն

«Թյուրքական պատմաբանասիրություն» կրթական ծրագիրը բաղկացած է բացառապես նեղ մասնագիտական դասընթացներից, որոնց շնորհիվ ուսանողները ձեռք են բերելու անհրաժեշտ գիտելիքներ և գործնական հմտություններ՝ աշխատաշուկայում պահանջված ու մրցունակ մասնագետ լինելու համար: Կրթական ծրագիրը բաղկացած է ընդհանուր, մասնագիտական պարտադիր և կամընտրական դասընթացներից: Մասնագիտական պարտադիր և կամընտրական դասընթացների բովանդակությունը վերաբերում է տարածաշրջանային արդի հիմնախնդիրների վերլուծության, թյուրքագիտության, քաղաքագիտության, լեզվաբանության և մշակութաբանության հիմնահարցերին: Կրթական ծրագրի շրջանակում դասավանդում են ոլորտի լավագույն մասնագետները, որոնք համագործակցում են նաև միջազգային լավագույն կրթական հաստատությունների հետ։

Կրթական ծրագրի տևողությունը 2 տարի է։

Կրթական ծրագրի ուսման վարձը յուրաքանչյուր տարվա համար կազմում է 800 000 (ութ հարյուր հազար) ՀՀ դրամ։

Ընդունելության քննության անցկացման ձևաչափը՝ բանավոր։

Ընդունելության քննության

ՀԱՐՑԱՇԱՐ

1. Թյուրքական ցեղերի ներթափանցումը Փոքր Ասիա. Փոքր Ասիայի Սելջուկյան պետությունը
    
2. Օսմանյան պետության հիմնումը
    
3. Մոնղոլական արշավանքները և դինաստիական պայքարը Օսմանյան կայսրությունում 15-րդ դարի սկզբին
    
4. Մեհմեթ 2-րդի գահակալումը և օսմանյան նվաճումները Արևելքում ու Արևմուտքում
    
5. Օսմանյան կայսրությունը Սելիմ Առաջինի և Սուլեյման Քանունիի օրոք
    
6. Օսմանյան կայսրության թուլացման նախանշանները 16-րդ դարի վերջին և 17-րդ դարի կեսերին
    
7. Արևմտականացման գործընթացները և բարեփոխումները Օսմանյան կայսրությունում 18-րդ դարի վերջին. Սելիմ 3-րդ
    
8. Թանզիմաթյան բարեփոխումները. Մահմութ 2-րդի և Աբդուլ Մեջիդ 1-ինի գահակալում
    
9. Ռուս-թուրքական պատերազմները 19-րդ դարի 2-րդ կեսին (Ղրիմ, 1877-1878 թթ.)
    
10. «Նոր օսմաններ»-ի գործունեությունը և սահմանադրական շարժումը
     
11. Աբդուլ Համիդ Երկրորդի գահակալումը, Զուլումի ռեժիմը
     
12. Երիտթուրքական շարժման ձևավորումը և 1908 թ. հեղաշրջումը
     
13. Օսմանյան կայսրությունը Առաջին համաշխարհային պատերազմի տարիներին
     
14. Օսմանյան կայսրության փլուզումը և քեմալական ազգայնամոլական շարժման հաղթանակը (1918-1922 թթ.)
     
15. Թուրքիան Մուսթաֆա Քեմալի նախագահության տարիներին (1923-1938 թթ.). ավտորիտար վարչակարգի հաստատումը և ազգային քաղաքականությունը
     
16. Թուրքիան Երկրորդ աշխարհամարտի շրջանում. ներքին ու արտաքին քաղաքական վիճակը
     
17. Թուրքիայի արտաքին քաղաքականությունը Երկրորդ աշխարհամարտից հետո. Հայկական հարցի վերադարձը միջազգային քաղաքական օրակարգ
     
18. Ժողովրդավարական կուսակցության կառավարման տարիները (1950-1960 թթ.). իսլամի դերի բարձրացումը և քաղաքականացումը
     
19. 1960 թ. մայիսի 27-ի ռազմական հեղաշրջումը և հետագա զարգացումները
     
20. 1971 թ. մարտի 12-ի ռազմական միջամտությունը. ահաբեկչության աճը 1970-ական թթ.
     
21. 1980-1990-ական թթ. սոցիալ-տնտեսական բարեփոխումների առանձնահատկությունները և քաղաքական վիճակը. Թուրգութ Օզալ
     
22. Ջելալեդդին Ռումի. կյանքը և ստեղծագործությունները
     
23. Անատոլիական սուֆիական գրականություն. Յունուս Էմրե
     
24. Նամըք Քեմալի կյանքն ու գրական գործունեությունը
     
25. Սերվեթ-ի Ֆյունունի գործունեությունը. Թևֆիք Ֆիքրեթ
     
26. Թյուրքականության գաղափարախոսությունը և Զիյա Գյոքալփը
     
27. Սոցիալական թեմատիկան 20-րդ դարի առաջին կեսի թուրք գրականության մեջ. Սաբահադդին Ալի
     
28. Գաղթյալ բանվորների (Gastarbayter) թեմատիկան թուրք գրականության մեջ
     
29. 20-րդ դարի թուրքական պոեզիայի առանձնահատկությունները. Նազըմ Հիքմեթ
     
30. Պոստմոդեռնիզմի ուղղությունը թուրք գրականության մեջ. Օրհան Փամուք
     
31. Հայկական թեմատիկան 20-րդ դարի թուրքական հուշագրական գրականության մեջ. Ֆեթհիյե Չեթին
     
32. Հայկական թեմատիկան թուրքական պոստմոդեռնիստական գրականության մեջ. Էլիֆ Շաֆաք
     
33. Ժամանակակից թուրքերենի տիպաբանական առանձնահատկությունները
     
34. Թուրքերենի զարգացման փուլերը
     
35. Ժամանակակից թուրքերենի հնչյունական առանձնահատկությունները
     
36. Թուրքերենի հոլովական համակարգը
     
37. Բայի սեռը թուրքերենում
     
38. Գոյականների կապակցության ձևերը թուրքերենում
     
39. Հետադրությունները թուրքերենում
     
40. Dık և acak գործողության անունները

Գրականության ցանկ

1. Սաֆարյան Ա., Սողոմոնյան Ա., Լոքմագյոզյան Տ., Թուրքերենի դասագիրք․ Գիրք Ա․ Վեցերորդ լրամշակված հրատարակություն (երաշխավորվել է ՀՀ ԿԳՆ կողմից, որպես դասագիրք բուհերի ուսանողների համար), Երևան, «Տիգրան Մեծ» հրատ., 2015:
    
2. Մելքոնյան Ռ., Թուրքական գրականության պատմություն (XX դարի 20-ական թթ.-XXI դարի սկիզբ) (երաշխավորվել է ՀՀ ԿԳՆ կողմից՝ որպես դասագիրք բուհերի ուսանողների համար), Երևան, «ՎՄՎ-ՊՐԻՆՏ», 2017:
    
3. Բայբուրդյան Վ., Օսմանյան կայսրության պատմություն, Երևան, ԵՊՀ հրատ., 2011:
    
4. Սաֆրաստյան Ռ., Մելքոնյան Ռ., Տեր-Մաթևոսյան Վ. և ուրիշներ, Թուրքիայի Հանրապետության պատմություն, (երաշխավորվել է ՀՀ ԿԳՆ կողմից՝ որպես դասագիրք բուհերի ուսանողների համար), Երևան, ԵՊՀ հրատ., 2018:

Հետադարձ կապի համար՝

Դեկան` պ.գ.դ., պրոֆեսոր Ռուբեն Մելքոնյան

Ֆակուլտետի գրասենյակ`

Հեռ․՝ (+374 60) 710 573, (+374 60) 710 574, (ներքին՝ 55-73, 55-74)

Էլհասցե՝ orient@ysu.am