Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Ներկայացնելու մշակույթն ուսումնասիրող գիտակարգերը, մշակույթի տեսության և պատմության հիմնահարցերը։
   2. Ներկայացնելու մշակույթի ուսումնասիրման ոլորտում գիտական մտքի զարգացման ընթացքը։
   3. Մեկնաբանելու մշակույթի և հարակից ոլորտների փոխկապակցվածությունը և փոխազդեցությունները:
   4. Սահմանելու մշակութային գործընթացների ուսումնասիրման սկզբունքները, հիմնաձևերը և գործիքակազմը, բնութագրելու մշակույթի կառավարման սկզբունքները և պրակտիկաները:
   5. Ներկայացնելու մշակույթի առանձին ոլորտների զարգացման պատմությունը և ընթացքը։
   6. Բնութագրելու տարածաշրջանային և հայ մշակույթների պատմության, Հայաստանի հարևան երկրներում ընթացող ժամանակակից մշակութային գործընթացները։
   7. Ներկայացնելու հայ մշակույթի պատմության և ժամանակակից հայ մշակույթի զարգացման միտումները:
2. Գործնական մասնագիտական կարողություններ
   1. Հանրահռչակելու հայոց և համաշխարհային մշակույթի պատմությանը և մշակութային ժառանգությանը վերաբերող գիտական, պրակտիկ ու քաղաքական հնչեղություն ունեցող հարցերը։
   2. Գնահատելու և վերլուծելու ժամանակակից մշակութային գործընթացները, փոխազդեցությունները, հայ մշակութային ժառանգության դրսևորումները։
   3. Մշակութային քաղաքականության համատեքստում առաջարկելու մշակութային ժառանգության պահպանությանն ու հանրահռչակմանն առնչվող խնդիրների լուծումներ։
   4. Մասնագիտական գիտելիքները կիրառելու աշխատանքային տարբեր բնագավառներում և հասարակական դիսկուրսներում։
   5. Վերլուծելու հայ և համաշխարհային մշակույթների պատմական զարգացումների օրինաչափությունները։
   6. Իրականացնելու հետազոտական աշխատանք, կազմելու հարցարաններ, անցկացնելու հարցազրույցներ, վերծանելու և վերլուծելու հավաքագրած նյութերը, աշխատելու հետազոտություններ իրականացնող թիմում։
   7. Հավաքագրելու, մշակելու, վերլուծելու և մեկնաբանելու մասնագիտական ոլորտին առնչվող քանակական և որակական տվյալներ ՝ հիմնավորված դատողություններ անելու համար։
   8. Մասնագիտական և ոչ մասնագիտական հանրությանը ներկայացնելու և բացատրելու մշակութաբանությանն առնչվող տեղեկատվությունը, փաստարկները, գաղափարները, խնդիրները և դրանց լուծումները։
3. Ընդհանրական (փոխանցելի) կարողություններ
   1. Օգտվելու մշակույթին վերաբերող տարատեսակ աղբյուրներից (համացանցային ռեսուրսներ, էլեկտրոնային գրադարաններ, գիտական աշխատանքներ և այլն)։
   2. Պատրաստելու և ներկայացնելու գիտաուսումնական և գիտական տեքստեր, վարելու բանավեճեր՝ պահպանելով մասնագիտական էթիկայի կանոնները:
   3. Հաղորդակցվելու, ձևակերպելու ու ներկայացնելու մայրենի և օտար լեզուներով բանավոր ու գրավոր տրամաբանված խոսք:
   4. Ընթերցելու, մեկնաբանելու ու թարգմանելու օտար լեզուներով գրված մասնագիտական տեքստեր:
   5. Կողմնորոշվել արտակարգ իրավիճակներում և անհրաժեշտության դեպքում ցուցաբերել առաջին բուժօգնություն: