Հայոց պատմություն

Ծրագրի ավարտին ուսանողը ունակ կլինի.

• վերլուծել և մեկնաբանել հայոց պատմության վիճահարույց իրադարձությունները և կատարել ինքնուրույն եզրահանգումներ,
• զարգացնել մասնագիտական կարողություններ և հմտություններ հայոց պատմության ոլորտում հետազոտություններ կատարելու նպատակով,
• կիրառել միջգիտակարգային մոտեցման մեթոդաբանական առանձնահատկությունները, ինչը հնարավորություն կտա հայագիտության համակարգի մասնավոր գիտակարգերի հենքային գիտելիքներից անցում կատարելու համակարգային գիտելիքների ասպարեզ:

Ծրագրի ուսումնական կառուցամասը բաղկացած է ընդհանուր, մասնագիտական և մասնագիտացման դասընթացների կրթամասերից։ Վերջինս պարունակում է ինչպես պարտադիր, այնպես էլ կամընտրական դասընթացներ։ Ընդհանուր կրթամասը ծառայում է մագիստրոսի որակավորման աստիճանի ընդհանուր հենքի (ընդհանրական գիտելիքներ և կարողություններ) ապահովմանը կամ համալրմանը, մասնագիտական կրթամասը կոչված է տվյալ մասնագիտության շրջանակում ապահովելու պահանջվող ընդհանուր գիտելիքներն ու կարողությունները, իսկ մասնագիտացման կրթամասը ծրագրի անհատականացված ուսուցման մասն է, որը նախատեսված է զարգացնելու խորացված գիտելիքներ, կարողություններ և հմտություններ մասնագիտության որևէ նեղ ասպարեզում։

բանավոր