«Հնդկաստանի հա­յա­հոծ բնակավայրերի վիմագրերը» գրքի շնորհանդեսը և «Հնդկաստան. հայկական հետքերով» ֆիլմի պրեմիերան ԵՊՀ պատմության ֆակուլտետում

Ս․թ. նոյեմբերի 21-ին՝ ժամը 14։00-ին, ԵՊՀ 6-րդ մասնաշենքի ընթերցասրահում  Պատմության ֆակուլտետի և Հայկական ճարտարապետությունն ուսումնասիրող հիմնադրամի համատեղ նախաձեռնությամբ տեղի կունենա միջոցառում՝ նվիրված Հայկական ճարտարապետությունն ուսումնասիրող հիմնադրամի 55-ամյակին։

 

Հիմնադրամի վարչությունը Պատմության ֆակուլտետի գրադարանին կնվիրաբերի հիմնադրամի հրատարակությունների ամբողջական հավաքածուն: Այն մեծապես կնպաստի ֆակուլտետում հայագիտական ուղղվածության ուսումնասիրությունների ակտիվացմանը։

 

Հանդիպման ընթացքում տեղի կունենան հիմնադրամի հրատարակած «Գիտական ուսումնասիրություններ» գրքաշարի «Հնդկաստանի հայահոծ բնակավայրերի վիմագրերը» գրքի (21-րդ հատոր) շնորհանդեսը և «Հնդկաստան. հայկական հետքերով» ֆիլմի պրեմիերան։

 

Հանդիպման բանախոսներն են՝

Միքայել Հովհաննիսյան - ԵՊՀ զարգացման և նորարարությունների գծով պրոռեկտոր,
Մխիթար Գաբրիելյան - ԵՊՀ պատմության ֆակուլտետի դեկան, 

Րաֆֆի Քորթոշյան - Հայկական ճարտարապետությունն ուսումնասիրող հիմնադրամի վարչական հարցերի և հրատարակությունների գծով համատնօրեն,
Արսեն Հարությունյան - վիմագրագետ, ձեռագրագետ, ԵՊՀ հնագիտության և ազգագրության ամբիոնի դասախոս։