Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. դասակարգելու և մատնանշելու հանրային քաղաքականության և հանրային կառավարման մասնագիտական ոլորտների գործառութային և հայեցակարգային փոխկապակցվածության ձևերը.
   2. ներկայացնելու ընդհանուր մենեջմենթի հիմնադրույթները և հանրային կառավարման համակարգի բարեփոխումների առանցքային հետագծերը.
   3. քննարկելու առաջնորդության և հանրային ռեսուրսների ռազմավարական կառավարման տեսական հիմքերը և ընթացակարգերը, մեկնաբանելու մարդկային կապիտալի և գիտելիքի նորարարական կառավարման հայեցակարգերը.
   4. ձևակերպելու ուրբանիզացման և համայնքային զարգացման արդի հիմնախնդիրները, ուրվագծելու տնտեսական աճի և կայուն զարգացման հայեցակարգի շրջանակները՝ քաղաքականության և կառավարչական գործառույթների համատեքստում.
   5. սահմանազատելու հանրային կառավարման համակարգի և հանրային քաղաքականության օրենսդրական կարգավորման հիմնական ոլորտները.
   6. նկարագրելու և բացատրելու հանրային քաղաքականության մենեջերիալ մոտեցումները` մասնավորապես` տնտեսական ասպեկտի հիմնական բովանդակային թեզերը.
   7. հիմնավորելու վիճակագրական վերլուծության, ռիսկերի կառավարման և գնահատման կարևորությունը հանրային քաղաքականության մշակման, վերլուծության և իրականացման գործընթացներում:
2. Գործնական մասնագիտական կարողություններ
   1. մեկնաբանելու հանրային քաղաքականության տնտեսական, քաղաքական, վարչական, իրավական և էթիկական ասպեկտները.
   2. բացահայտելու և կառուցավորելու հանրային և շահույթ չհետապնդող կազմակերպությունների ֆինանսական կառավարման և կայունության հիմնախնդիրները.
   3. նախագծելու և ձևակերպելու միջազգային հարաբերությունների հիմնական դերակատարների արտաքին քաղաքականության գործընթացային, կառուցվածքային և ժամանակագրական չափումները.
   4. տարբերակելու կառավարչական հիմնական մոդելները և քաղաքականության հայեցակարգային բաղադրիչները՝ գործնական քաղաքականության մշակման համար.
   5. համեմատելու և վերլուծելու պետական կարգավորիչ քաղաքականությունները տարբեր քաղաքական համակարգերի և սահմանադրական կարգերի դիտանկյունից, քննարկելու ՀՀ-ում հանրային կյանքի առանձին ոլորտներում տարվող պետական քաղաքականությունների առանձնահատկությունները.
   6. կառուցելու և կիրառելու սոցիալական մոդելավորման տարբեր եղանակներ, հետազոտելու և վերլուծելու սոցիալական երևույթների և գործընթացների մոդելներ, մոդելավորելու կազմակերպչական-կառավարչական որոշումների ընդունման գործընթացներ.
   7. գործնականում իրականացնելու համալիր (միջգերատեսչական/միջոլորտային) բնույթ կրող քաղաքականության ծրագրերի համակարգում և կառավարում:
3. Ընդհանրական (փոխանցելի) կարողություններ
   1. փորձարկելու մասնագիտական (նաև օտարալեզու) հաղորդակցման տարատեսակ եղանակներն ու տեխնիկաները՝ հանրային, ոչ պետական և մասնավոր հատվածների գլխավոր շահակիցների հետ փոխգործակցության մեջ.
   2. կիրառելու տեղեկատվական-հաղորդակցական տեխնոլոգիաներ, տվյալների մշակման և վերլուծության խնդիրների լուծման տարբեր եղանակներ.
   3. դուրս բերելու հետազոտական հիմնահարցեր` հանրային քաղաքականության ուսումնասիրման և հիփոթեզների մշակման նպատակով, գործնականում մասնագիտորեն կիրառելու հետազոտության որակական և քանակական մեթոդները.
   4. կազմելու հանրային՝ պետական և ոչ պետական/հասարակական հատվածի կազմակերպությունների ներքին և արտաքին ֆինանսական հաշվետվություններ: