Ռեստորանային բիզնեսի կառավարման գործնական առանձնահատկությունների շուրջ ԵՊՀ տնտեսագիտության և կառավարման ֆակուլտետում դասախոսություն կարդաց «MBG Hospitality» ցանցի հիմնադիր, գործարար Կարեն Մարգարյանը:
«MBG» հիմնադիրը կառավարման հոսքի ուսանողներին ներկայացրեց «HoReCa» ոլորտում իր փորձառությունը և Հայաստանի տնտեսության զարգացման հնարավորությունները: Հանդիպման շրջանակում նա ուսանողներին ներկայացրեց «HoReCa» ոլորտում ռեստորատոր դառնալու, Հայաստանում կոնցեպտուալ ռեստորանների ցանց ստեղծելու մոդելներն ու դրանց համակարգման գործընթացների առանձնահատկությունները: Քննարկման շրջանակում հատուկ անդրադարձ կատարվեց հայկական խոհանոցի նորովի բրենդավորման և դրա առաջմղման իրագործման հնարավորություններին:
Հանդիպումը անցկացվեց ինտերակտիվ ձևաչափով: Ավարտին Կարեն Մարգարյանը ամենահետաքրքիր հարցի հեղինակին նվիրեց պրոֆեսոր Էրին Մեյերի «Աշխարհի մշակույթների քարտեզը» գիրքը:
Ձեռք բերվեց նաև նախնական պայմանավորվածություն՝ ֆակուլտետի ուսանողների մասնագիտական պրակիտիկան կազմակերպելու «MBG Hospitality»-ում:
