Կառավարում

Ուսման տևողությունը առկա ուսուցման համակարգում՝ 4 տարի։

Շնորհվող որակավորումը՝ կառավարման բակալավր։

Ընդունելության պահանջները

Ընդունելությունը կատարվում է «ՀՀ պետական և ոչ պետական բարձրագույն ուսումնական հաստատություններ ընդունելության (ըստ բակալավրի կրթական ծրագրի) կարգը հաստատելու և ՀՀ  Կառավարության՝ 2011 թվականի ապրիլի 28-ի N 686-Ն որոշումն ուժը կորցրած ճանաչելու մասին» ՀՀ Կառավարության՝ 2012 թվականի ապրիլի 26-ի N 597-Ն որոշման համաձայն:

Մանրամասները՝ «Ընդունելություն» բաժնում:

Ծրագրի նպատակը

«Կառավարում» բակալավրի կրթական ծրագրի նպատակն է պատրաստել կառավարման ոլորտի բարձրորակ մասնագետներ տնտեսության տարբեր ոլորտներում տնտեսական գործունեություն իրականացնող կազմակերպությունների, ֆինանսաբանկային ոլորտի, արտադրական և սոցիալական ենթակառուցվածքների, պետական կառավարման և տեղական ինքնակառավարման համակարգերի տարբեր օղակների համար:

Առավելությունները

«Կառավարում» կրթական ծրագիրը տալիս է համապարփակ գիտելիք և հմտություններ բիզնեսի ստեղծումից մինչև կայացում հաջորդական բոլոր գործընթացների կառավարման վերաբերյալ՝ բիզնես գաղափարի ձևավորումից մինչև կազմակերպության գրանցում, գործունեության պլանավորում, մարդկային ռեսուրսների կառավարում, մարքեթինգային ռազմավարության մշակում, կազմակերպության գործունեության վերաբերյալ հաշվետվությունների պատրաստում, կազմակերպության ֆինանսական վերլուծություն, կազմակերպության գործունեությանը բնորոշ ռիսկերի բացահայտում և կառավարում, վերահսկողություն, արդյունավետ կառավարչական որոշումների ընդունում։

Այս ծրագրի հաջող ավարտին ուսանողն ունակ կլինի նկարագրելու արտադրության, բաշխման, փոխանակության և սպառման ոլորտներում ձևավորվող տնտեսական երևույթներն ու գործընթացները, ներկայացնելու գործարարության համար անհրաժեշտ տեխնիկատնտեսական հաշվարկների կատարման՝ գոյություն ունեցող հիմնական մոտեցումները, ռեսուրսների օպտիմալ պլանավորման և կառավարման ժամանակակից տեխնոլոգիաները, ներկայացնելու կազմակերպությունների գործունեության արդյունքների հաշվառման, վերլուծության և կանխատեսման մոտեցումները, ինչպես նաև բացատրելու կազմակերպության ռազմավարության մշակմանը, իրա­գործմանը և կառավարմանն առնչվող խնդիրները, ներկայացնելու տնտեսության տարբեր ոլորտների և դրանց կառավարման առանձնահատկությունները, ինչպես նաև պետական կառավարման և տեղական ինքնակառավարման կանոնակարգերն ու մոտեցումները, ներկայացնել ժամանակակից հավանականային, օպտիմիզացիոն, վիճակագրական, էկոնոմետրիկ և այլ մեթոդների կիրառության առավել լայնորեն տարածված ուղղությունները, ներկայացնելու առավել լայն տարածում գտած մասնագիտացված համակարգչային ծրագրերը, ինչպես նաև տնտեսագիտական վերլուծության և կառավարման համար դրանց կիրառության հիմնական ուղղությունները, մեկնաբանելու միկրո- և մակրոտնտեսագիտության, գլոբալ և լոկալ շուկաների հիմնախնդիրները։

Ծրագրի ավարտին ուսանողը օժտված կլինի գործնական մասնագիտական կարողություններով և կկարողանա կատարել գործարարության համար անհրաժեշտ տեխնիկատնտեսական հաշվարկներ և ներկայացնել հաշվետվություններ, գնահատել կազմակերպության գործունեության տնտեսական արդյունա­վետությունը, մշակել գործարար ծրագրեր և մասնակցել դրանց կենսագործմանը՝ կազմակերպելով աշխատանքը թե՛ որպես խմբի անդամ, թե՛ որպես խմբի ղեկավար, ինչպես նաև ընտրել տարատեսակ ռազմավարություններ, գործիքներ՝ նպաստելով կայացվող կառավարչական որոշումների արդյունավետության բարձրացմանը, կիրառել առավել լայն տարածում գտած մասնագիտացված ծրագրային փաթեթները, նախագծել կազմակերպության արդյունավետ կառավարման համակարգ՝ բարձրացնելով բոլոր ռեսուրսների կառավարման արդյունավետությունը, բացահայտել ինչպես տնտեսության առանձին ոլորտների, այնպես էլ ամբողջ տնտեսության կառավարման առանձնահատկությունները և իրականացման մեխանիզմները։

«Կառավարում» կրթական ծրագիրը պարբերաբար լրամշակվում է և համապատասխանեցվում ժամանակակից պահանջներին՝ տրամադրելով նաև նախագծերի կառավարման (project manager), թվային բիզնեսի, ռազմավարական կառավարման, լոգիստիկայի, որակի կառավարման համակարգերի և ժամանակակից այլ մասնագիտացումների վերաբերյալ գիտելիք ու հմտություններ։

Կարիերայի հնարավորությունները

Ծրագրի շրջանավարտները հնարավորություն ունեն ստեղծելու սեփական բիզնեսը: 

Ծրագրի շրջանավարտները բուհն ավարտելուց անմիջապես հետո կարող են զբաղեցնել հետևյալ պաշտոնները` կառավարման ցածր և միջին օղակների, ստորաբաժանումների ղեկավարներ, վերլուծաբաններ, խորհրդականներ: 

Ծրագրի շրջանավարտներն հնարավորություն կունենան աշխատելու պետական կառավարման համակարգում՝ կառավարությունում, նախարարություններում, պետական այլ գերատեսչություններում, տեղական ինքնակառավարման մարմիններում, մասնավոր հատվածում՝ արտադրական, ֆինանսաբանկային, ծառայություն­ների մատուցման, առևտրիոլորտների կազմակերպություններում, միջազգային կառույցներում։