Կենսաֆիզիկայի ամբիոն

Կենսաֆիզիկայի ամբիոնը կազմավորվել է 1963 թ., իսկ 1964 թ. ամբիոնի հենքի վրա ստեղծվել է Կենսաֆիզիկայի բաժինը: Ամբիոնի հիմնադիր վարիչն է եղել պրոֆեսոր Գերասիմ Փանոսյանը, որը շուրջ 28 տարի ղեկավարել է ամբիոնը: Այնուհետև 1984-1988 թթ. ամբիոնի վարիչ է եղել կենսաբանական գիտությունների դոկտոր, պրոֆեսոր Սերգեյ Մարտիրոսովը: 1994-2000 թթ. ամբիոնը ղեկավարել է ՀՀ ԳԱԱ թղթակից անդամ, կենսաբանական գիտությունների դոկտոր, պրոֆեսոր Էմիլ Գևորգյանը: 2001 թվականից Կենսաֆիզիկայի ամբիոնի վարիչն է կենսաբանական գիտությունների դոկտոր, պրոֆեսոր Պողոս Վարդևանյանը:

Հիմնադրման օրվանից ամբիոնում կատարվել են գիտահետազոտական աշխատանքներ տարբեր ուղղություններով, մասնավորապես ուսումնասիրվել են տարբեր կենսահամակարգերում գերթույլ լուսարձակումը և ազատ ռադիկալային պրոցեսները։ Ամբիոնի աշխատակիցները նաև կատարել և կատարում են կառուցվածքային գործառնական փոխհարաբերությունների, նուկլեինաթթուների հետ կենսաբանորեն ակտիվ միացությունների փոխազդեցության մեխանիզմների ուսումնասիրություններ ենթաբջջային մակարդակում, իսկ բջջային մակարդակում հետազոտում են մանրէների, բուսական և կենդանական բջջի թաղանթների գործառնական առանձնահատկությունները բնականոն և ախտաբանական վիճակներում: 

ԵՊՀ կենսաբանության ֆակուլտետի կենսաֆիզիկայի ամբիոնի հենքի վրա 2002 թ․ ֆակուլտետում ներդրվել է «Կենսաինֆորմատիկա» բաժինը, որը հնարավորություն է տալիս ուսանողներին մասնագիտանալու կենսաֆիզիկայի, առողջապահության և այլ բնագավառներում:

Կենսաֆիզիկայի ամբիոնն իրականացնում է «Կենսաֆիզիկա և կենսաինֆորմատիկա» բակալավրիատական և «Կեսաֆիզիկա», «Կենսաինֆորմատիկա» մագիստրոսական կրթական ծրագրերը։