Գենոմիկա և բժշկական բջջագենետիկա

Կրթական ծրագրի տևողությունը 2 տարի է, ուսման վարձի չափը՝ 550 000 ՀՀ դրամ, ուսուցման ձևը՝ առկա, շնորհվող որակավորումը՝ կենսաբանության մագիստրոս։

Ընդունելության պահանջները

Ընդունելության քննության անցկացման ձևաչափը՝ բանավոր: Հարցաշարը՝ «Ընդունելություն» բաժնում։

Ծրագրի նպատակը

«Գենոմիկա և բժշկական բջջագենետիկա» ծրագրի նպատակն է մասնագիտական խոր գիտելիքներ տալ գենետիկայի և գենոմիկայի հիմնարար և կիրառական ասպարեզներում ժամանակակից ձեռքբերումների, ինչպես նաև նոր մեթոդների և տեխնոլոգիաների վերաբերյալ, պատրաստել գիտական ուսումնասիրություններ կատարելու ունակ մասնագետներ, որոնք իրենց տեսական և գործնական հմտություններով կհամապատասխանեն աշխատաշուկայի ժամանակակից պահանջներին, ունակ կլինեն գործնականում կիրառելու գենետիկայի ժամանակակից մեթոդները, մանկավարժական գործունեություն ծավալելու դպրոցներում և բարձրագույն ուսումնական հաստատություններում:

Առավելությունները

Ծրագիրը բաղկացած է ընդհանուր, մասնագիտական պարտադիր և կամընտրական դասընթացներից:

Մագիստրատուրայում ուսուցումն իրականացվում է ինչպես ավանդական (դասախոսություններ, լաբորատոր աշխատանքներ և սեմինարներ), այնպես էլ դասավանդման ժամանակակից (ինտերակտիվ) մեթոդներով:

ԵՊՀ-ի և Ենայի Ֆրիդրիխ Շիլլերի անվան համալսարանի միջև կնքված պայմանագրով լավագույն ուսանողները գործուղվում են Գերմանիա:

Կրթական ծրագրի ուսանողները պրակտիկա են անցնում ԵՊՀ կենսաբանության ֆակուլտետում, ՀՀ ԳԱԱ մոլեկուլային կենսաբանության ինստիտուտի բջջային տեխնոլոգիաների, մանրէների գենոմիկայի, մարդու գենոմիկայի լաբորատորիաներում, Վերարտադրողականության «Fertility center» կենտրոնում, «Դավիդյանց Լաբորատորիաներում»:

Կարիերայի հնարավորությունները

«Գենոմիկա և բժշկական բջջագենետիկա» կրթական ծրագրի շրջանավարտը պատրաստ է կրթությունը շարունակելու ԵՊՀ և այլ բուհերի (այդ թվում՝ օտարերկրյա) ասպիրանտուրայում:

Շրջանավարտները կկարողանան հաջողությամբ աշխատել ուսումնական և հետազոտական կառույցներում։