Աշխարհագրական ալիաս

   Խաղի կանոնները գրեթե համընկնում էին նույնանուն խաղի կանոններին, հիմնական տարբերությունը՝ բառերի մասնագիտական լինելը, աշխարհագրական ուղղվածություն ունենալն էր։

    Խաղը բաղկացած էր 3 փուլից: Յուրաքանչյուր փուլ ուներ իր առանձնահատկությունը, ըստ որի՝ առաջին փուլում ներառված էին բառեր՝ ֆիզիկական և սոցիալ-տնտեսական աշխարհագրությունից,  իսկ երկրորդ փուլում ներառված բառերը վերաբերում էին, մասնավորապես, Հայաստանի աշխարհագրությանը: Առաջին և երկրորդ փուլերի ժամանակ մասնակիցները բացատրելու և գուշակելու համար ունեին 60 վայրկյան ժամանակ: 
Երրորդ՝ եզրափակիչ փուլում մասնակիցներին տրվում էր 30 վայրկյան ժամանակ, որի ընթացքում պետք է բացատրվեր ընդամենը 1 աշխարհագրական հասկացություն, որը գուշակելու դեպքում թիմին տրվում էր 2 միավոր: 

    Խաղին կարող էին մասնակցել 2-4 հոգուց բաղկացած, առավելագույնը 10 խմբեր։

   Հաղթող ճանաչվեցին «Իմպուլս» թիմը ներկայացնող՝ Քարտեզագրության և կադաստրային գործ բաժնի 2-րդ կուրսի ուսանողները:

 Ուսանողների ներգրավվածությունն ու խաղի հանդեպ ունեցած մեծ ոգևորությունն երկու կառույցների նախագահների մոտ առիթ դարձավ մտածելու, որ նմանատիպ   համագործակցությունները՝ ինտելեկտուալ և տրամաբանական խաղերի կազմակերպումը, պետք է հաճախակի դարձնել:

Հեղինակ` Արմինե Թովմասյան