ԵՊՀ արհեստակցական կազմակերպության նոր նախագահն է Էդգար Չախոյանը

Էդգար Չախոյանը ԵՊՀ միջազգային հարաբերությունների ֆակուլտետի բակալավրիատի և մագիստրատուրայի շրջանավարտ է: Ուսումնառությունն ավարտելուց հետո՝ 2014 թվականից, աշխատում է ԵՊՀ արհեստակցական կազմակերպությունում՝ որպես նախագահի օգնական, այնուհետև՝ տեղակալ: Աշխատանքային 9 տարիների գործունեության ընթացքում մասնակցել է արտերկրում և ՀՀ-ում կազմակերպված վերապատրաստման դասընթացների, մասնագիտացված դպրոցների կրթական ծրագրերի՝ շարունակաբար կատարելագործելով մասնագիտական հմտություններն ու գիտելիքները:

Անդրադառնալով ԵՊՀ արհեստակցական կազմակերպության գործունեության կարևորությանը՝ Էդգար Չախոյանը նշեց. «Բոլորիս նպատակը նույնն է՝ զարգացնել Երևանի պետական համալսարանը, որին ի նպաստ Արհեստակցական կազմակերպությունը կշարունակի պաշտպանել ԵՊՀ աշխատակիցների իրավունքները, ներկայացնել նրանց շահերը, ինչպես նաև օրենքի շրջանակում ապահովել համերաշխ և կայուն միջավայրում գործունեությունը»:

Նշենք, որ Արհեստակցական կազմակերպությունը ԵՊՀ-ում գործում է 1946 թվականից։ 2006 թվականից մինչ այժմ կազմակերպությունը նախագահում էր Արմեն Ավետիսյանը, որը նաև Հայաստանի բուհերի արհմիության նախագահն է: