ԵՊՀ պատվիրակությունը պաշտոնական այցով մեկնել է Ինդոնեզիայի Հանրապետություն
ԵՊՀ ռեկտոր Հովհաննես Հովհաննիսյանը, ԵՊՀ արաբագիտության ամբիոնի վարիչ Հայկ Քոչարյանը և նույն ամբիոնի ասիստենտ Նաիրա Սահակյանն աշխատանքային այցով գտնվում են Ինդոնեզիայի Հանրապետությունում, որտեղ մասնակցել են «Իսլամը և քրիստոնեությունը Եվրոպայում և Հարավարևելյան Ասիայում. Հայաստանի և Ինդոնեզիայի դեպքերը» խորագրով միջազգային գիտաժողովին։
![](/sites/default/files/styles/large_slide/public/2024-03/velkom.jpg?h=2d96a024&itok=0Ab3oaeV)
Գիտաժողովի շրջանակում ԵՊՀ ռեկտորը և Ինդոնեզիայի Հանրապետությունում ՀՀ արտակարգ և լիազոր դեսպան Սերոբ Բեջանյանը հանդես են եկել բացման խոսքով, իսկ համալսարանականները ներկայացրել են մասնագիտական թեմաներով զեկուցումներ։ Միջոցառմանը ներկա էին ինչպես գիտական, այնպես էլ դիվանագիտական և հասարակական հանրույթի ներկայացուցիչներ։
Այցի շրջանակում Ինդոնեզիայի միջազգային իսլամական համալսարանի և Երևանի պետական համալսարանի միջև ստորագրվել է համագործակցության հուշագիր՝ հաստատելու գործակցային հարաբերություններ և իրագործելու համատեղ ծրագրեր։
Աշխատանքային այցի շրջանակում նախատեսված են հանդիպումներ տարբեր ոլորտների գործիչների հետ՝ քննարկելու և ընդլայնելու հայ-ինդոնեզական կրթագիտական հարաբերությունները։