ՀԱՅԱԶԳԻ ԳԻՏՆԱԿԱՆԸ՝ ՆՈԲԵԼՅԱՆ ՄՐՑԱՆԱԿԱԿԻՐ

Ինչպես նշվում է Նոբելյան մրցանակի պաշտոնական կայքում, գիտնականներն այս մրցանակին արժանացել են  ջերմաստիճանի և հպման ռեցեպտորների հայտնաբերման համար։

Կատարված ուսումնասիրությունների արդյունքում գիտնականները կարողացել են պարզել, թե կոնկրետ ինչ ընկալիչներ են փոխանցում համապատասխան նյարդային ազդակները, որոնք թույլ են տալիս մարդուն զգալ ջերմաստիճանի փոփոխությունը և ճնշումը մարմնի վրա։

Նոբելյան կոմիտեի հրապարակման մեջ նշվում է, որ այս գիտական բացահայտումները սկիզբ են դրել հետազոտական ակտիվ գործունեության, որոնք կօգնեն ըմբռնել, թե ինչպես է մեր նյարդային համակարգն ընկալում ջերմությունը, ցուրտն ու մեխանիկական գրգռիչները:

Մեծ ուրախությամբ ուզում ենք տեղեկացնել, որ ԵՊՀ-ն հստակ քայլեր է պատրաստվում ձեռնարկել մեծարգո գիտնականներին հյուրընկալելու Մայր բուհի ջերմ պատերից ներս և ստեղծելու հարթակ համագործակցության համար: