ԵՊՀ ԾԱՂԿԱՁՈՐԻ «ՀԱՄԱԼՍԱՐԱՆ» ՈՒՍՈՒՄՆԱԱՐՏԱԴՐԱԿԱՆ ԲԱԶԱՆ ՇՈՒՏՈՎ ԿՐԿԻՆ ԿԲԱՑԻ ԻՐ ԴՌՆԵՐԸ

Գրեթե երկու ամիս տևած դադարից հետո «Համալսարան» ուսումնաարտադրական բազան պատրաստվում է հանգստյան սեզոնի մեկնարկին: Այստեղ կատարվել են մաքրման և ախտահանման մանրակրկիտ աշխատանքներ:

Մաքրման և ախտահանման աշխատանքներն իրականացվել են «Կրիստալ Քլինինգ» մաքրման ծառայության  կողմից: Ըստ ծառայության տնօրեն Գարիկ Ղազարյանի՝ հյուրատունը լիովին պատրաստ է հյուր ընդունելու:

Նա նշեց, որ տարածքը մաքրվել է բարձրորակ նյութերով ու միջոցներով: Մաքրման ծառայության հետ համագործակցել է նաև Ծաղկաձորի «Համալսարան» ուսումնաարտադրական բազայի անձնակազմը՝ աշխատանքներն ավելի արդյունավետ կատարելու համար:

ԵՊՀ Ծաղկաձորի «Համալսարան» ուսումնաարտադրական բազայի բացման մասին կտրվի լրացուցիչ տեղեկատվություն:

Մարինա Առաքելյան