ԴԱՇՏԱՅԻՆ ՈՒՍՈՒՄՆԱՍԻՐՈՒԹՅՈՒՆՆԵՐԻ ՀՆԱՐԱՎՈՐՈՒԹՅՈՒՆ. ԳԻՏԱՐՇԱՎ ԴԵՊԻ ՍՏԵՓԱՆԱՎԱՆԻ ԴԵՆԴՐՈԱՅԳԻ

Այս տարվա հոկտեմբերին ստեղծված «Բնության հետքերով» ակումբի նպատակն է ուսանողներին ներգրավել կենդանաբանական հետազոտություններում, դաշտային աշխատանքներում, ինչպես նաև նրանց ծանոթացնել կենդանաբանության արդի հիմնախնդիրներին:

Ակումբի կողմից կազմակերպված արշավին մասնակցում էին ԵՊՀ կենսաբանության ֆակուլտետի առաջին, երրորդ և չորրորդ կուրսի ուսանողները, ինչպես նաև ՀՊՄՀ համալսարանի ԿՔԱ ֆակուլտետի ուսանողները, որոնք նույնպես «Բնության հետքերով» ակումբի անդամներ են:

Գիտարշավի նպատակն էր ուսումնասիրել վայրի կենդանիների կենսագործունեության հետքերը, բները և թաքստոցները: Արշավի ընթացքում մասնակիցները շրջայց են կատարել դենդրոայգում և իրականացրել դաշտային ուսումնասիրություններ, որոնց արդյունքում գրանցել են որոշ կաթնասունների կենսագործունեության հետքեր:

Պատրաստեց Քնար Միսակյանը