ԵՊՀ-ՈՒՄ ԱՆՑԿԱՑՎԵՑ «ՔԱՂԱՔԱԿԱՆ PR» ԽՈՐԱԳՐՈՎ ՍԵՄԻՆԱՐ-ՔՆՆԱՐԿՈՒՄ
Մասնագիտական գիտելիքներն ընդլայնելու նպատակով կազմակերպված սեմինար-քննարկումը վարում էր սոցիոլոգիական գիտությունների թեկնածու, դոցենտ Նվարդ Մելքոնյանը:
ԵՊՀ ֆիզիկայի ֆակուլտետի կոնֆերենց դահլիճում տեղի ունեցավ «Քաղաքական PR» խորագրով սեմինար-քննարկում, որի ընթացքում ներկայացվեցին քաղաքական PR–ի պատմությունը, զարգացումն ու ներկայիս պահանջարկը: Բանախոսը ներկայացրեց քաղաքական PR–ի տեսակները և տեխնոլոգիաները:
Ն. Մելքոնյանն իր խոսքում ընդգծեց. «Քաղաքական PR–ը մարքեթինգից, քարոզչությունից, մանիպուլյացիայից տարբերվում է «feedback»–ի կարևորությամբ: Հենց երկխոսության առկայությունն է առանձնահատուկ դարձնում այս մասնագիտությունը»:
Հանդիպման վերջում ծավալվեց ակտիվ քննարկում: