ԵՊՀ ուսանողները ծանոթացան կուտակային կենսաթոշակային ֆոնդի միջոցների կառավարման առանձնահատկություններին ԵՊՀ ուսանողների համար կազմակերպվեց դասընթաց Հայաստանում գործող կուտակային կենսաթոշակային համակարգի վերաբերյալ։ Դասընթացն անցկացրեց «Ցե-Կվադրատ Ամպեգա Ասեթ Մենեջմենթ Արմենիա» ընկերության ռիսկերի կառավարիչ Իգնատ Ֆրանգյանը՝ ներկայացնելով կուտակային կենսաթոշակային համակարգի, ինչպես նաև ընկերության կողմից կառավարվող ֆոնդերի, դրանց կառուցվածքի, ռիսկերի կառավարման մեթոդների առանձնահատկությունները։
«Հայոց հին շրջանի պատմության հիմնահարցերը». գիտաժողով՝ նվիրված պ.գ.դ., պրոֆեսոր Արտակ Մովսիսյանի հիշատակին ԵՊՀ պատմության ֆակուլտետի ՈՒԳԸ-ի և ՀՀ ԳԱԱ պատմության ինստիտուտի ջանքերով անցկացվեց հանրապետական գիտաժողով, որի շրջանակում զեկուցողները ներկայացրին պատմաբան Արտակ Մովսիսյանի կյանքն ու գործունեությունը՝ անդրադառնալով նրա գիտական հետաքրքրություններին և ժառանգությանը:
Ֆինանսական միջոցներ կտրամադրվեն գիտական աշխատանքների հրատարակության համար․ նոր կարգ ՀՀ ԿԳՄՍ նախարարի հրամանով հաստատվել է միջազգային գիտատեղեկատվական շտեմարաններում ներառված առաջատար ամսագրերում կամ հրատարակչություններում հրատարակությունների ծախսերը փոխհատուցելու համար մրցույթ կազմակերպելու և ֆինանսական միջոցներ տրամադրելու կարգը։
Հուշ-ցերեկույթ՝ նվիրված մեծանուն լեզվաբան Ալեքսանդր Մարգարյանի 100-ամյակին ԵՊՀ հայ բանասիրության ֆակուլտետում տեղի ունեցավ հուշ-ցերեկույթ՝ նվիրված մեծանուն լեզվաբան Ալեքսանդր Մարգարյանի 100-ամյակին: Հոբելյանական միջոցառումը նպատակ ուներ վերարժևորելու մեծ լեզվաբանի գիտական ժառանգությունը, հարգանքի տուրք մատուցելու մեծ գիտնականին:
«Ասորագիտությունը Եվրոպայում. անցյալ և ներկա». դասախոսություն ԵՊՀ-ում Զալցբուրգի համալսարանի ասորական նախագծի ղեկավար, դասախոս, դոկտոր Ահո Շեմունկաշոն ԵՊՀ-ում կայացած հանդիպման շրջանակում դասախոսություն ներկայացրեց Եվրոպայում ասորագիտության հիմնադրման և զարգացման մասին: Հանդիպման նպատակն էր նպաստել ուսանողների շրջանում ասորերենի նկատմամբ հետաքրքրության առաջացմանը՝ ուղենշելով գործակցության հնարավոր նոր ուղիներ:
ԵՊՀ այցելեց ՀՀ-ում Բրազիլիայի արտակարգ և լիազոր դեսպանը Նպատակ ունենալով ամրապնդելու գործընկերային կապերը, նպաստելու միջմշակութային հաղորդակցությանը՝ ԵՊՀ Պալեանների անվան դահլիճում անցկացվեց հանդիպում ՀՀ-ում Բրազիլիայի արտակարգ և լիազոր դեսպան Ֆաբիո Վազ Պիտալուգայի հետ: Հանդիպման ժամանակ Բրազիլիայի դեսպանը դասախոսություն կարդաց ԵՊՀ ուսանողների և պրոֆեսորադասախոսական կազմի համար:
Վիեննայի բժշկական համալսարանի պրոֆեսորը՝ ԵՊՀ-ում. ամրապնդվում են գործընկերային կապերը ԵՊՀ-ում «Մոլեկուլյար գենետիկական գործիքակազմի կիրառումը մակաբուծության մեջ» թեմայով դասախոսություն ներկայացրեց Վիեննայի բժշկական համալսարանի պրոֆեսոր Յուլիա Վալոչնիկը: Նա ԵՊՀ այցելեց բարձրագույն կրթության և հետազոտությունների զարգացմանն ուղղված գործընկերության ծրագրի (APPEAR) շրջանակում:
ԵՊՀ-ի և ՀՀ ԳԱԱ Ա․ Թախտաջյանի անվան բուսաբանության ինստիտուտի միջև կնքվել է համագործակցության համաձայնագիր ԵՊՀ ռեկտոր Հովհաննես Հովհաննիսյանը և ՀՀ ԳԱԱ Ա․ Թախտաջյանի անվան բուսաբանության ինստիտուտի տնօրեն Արսեն Գասպարյանը, նպատակ ունենալով համատեղ ուժերով նպաստելու գիտական ու կրթական ոլորտների զարգացմանը, ինչպես նաև երիտասարդ մասնագետների և ուսանողների համար ստեղծելու տեսական ու գործնական գիտելիքների ամրապնդման և խորացման հնարավորություններ, ստորագրել են երկու կառույցների միջև համագործակցության համաձայնագիր։
Դասախոսությունների շարք՝ նվիրված թաթերենին. ԵՊՀ-ում է Սորբոնի համալսարանի պրոֆեսոր Ժիլ Օտյեն ԵՊՀ արևելագիտության ֆակուլտետի իրանագիտության ամբիոնում դասախոսություններ է անցկացնում Սորբոնի համալսարանի պրոֆեսոր, Բարձրագույն հետազոտությունների գործնական դպրոցի (Փարիզ) Կովկասի լեզուների և բանասիրության բաժնի դոկտոր Ժիլ Օտյեն: Պրոֆեսորը ներկայացնում է Ադրբեջանում խոսվող կովկասյան պարսկերենի (թաթերենի) բարբառներին նվիրված դասախոսություններ:
Գիտական հրապարակումները՝ հետազոտողի արդյունավետ աշխատանքի վկայություն Գերկարճ իմպուլսների կիրառություններն այսօր արդեն չեն սահմանափակվում ֆեմտոկենսաբանությամբ, ֆեմտոքիմիայով կամ ֆոտոնիկայով։ Դրանք ընդգրկում են ժամանակակից գիտության և տեխնիկայի բազմաթիվ ոլորտներ՝ նյութագիտություն, բժշկություն, հաղորդակցություն, արտադրություն։ Գերկարճ ալիքների ուսումնասիրությունը ԵՊՀ ֆիզիկայի ինստիտուտի օպտիկայի ամբիոնի դոցենտ Աղավնի Կուտուզյանի հետազոտության առանցքում է:
