«ՀԱՄԱԼՍԱՐԱՆՆ ԷԱՊԵՍ ՆՊԱՍՏՈՒՄ Է ԵՐԻՏԱՍԱՐԴ ԳԻՏՆԱԿԱՆՆԵՐԻ ՆՈՐ ԳԱՂԱՓԱՐՆԵՐԻ ԻՐԱԳՈՐԾՄԱՆԸ». ՏԱԹԵՎ ՆԱԶԱՐՅԱՆ ԵՊՀ կենսաբանության ֆակուլտետի ուսանող Տաթև Նազարյանը նպատակ ունի գաստրոթափոնների օգտագործմամբ զգալիորեն նվազեցնելու բնական ռեսուրսների ծախսը: Տաթևի պատմությունը հնարավորություն կտա պարզելու, թե ինչպես կարելի է վերամշակող արդյունաբերությունից ստացվող արտադրանքով նպաստել երկրի տնտեսության զարգացմանը, ինչպես նաև պատկերացում կտա էկոկաշի ստանալու, այդ հարցում ԵՊՀ դերի և համալսարանում երիտասարդ գիտնականների նոր գաղափարների կյանքի կոչման մասին:
ՆԱԽԱՏՈՆԱԿԱՆ ՀԱՄԵՐԳ ԵՊՀ-ՈՒՄ ԵՊՀ Շառլ Ազնավուրի անվան մշակույթի կենտրոնի նախաձեռնությամբ այսօր տեղի ունեցավ տոնական համերգ՝ նվիրված Ամանորին և Սուրբ Ծննդյան տոնին։
ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԻ ԵՐԵՔ ՈՒՍԱՆՈՂՆԵՐ ՍՏԱՑԱՆ ԿՐԹԱՄՐՑԱՆԱԿՆԵՐ ԵՊՀ ժուռնալիստիկայի ֆակուլտետում տեղի ունեցավ ֆակուլտետի շրջանավարտ, Արցախյան 44-օրյա պատերազմի հերոս, գրող, հրապարակախոս Վաչագան Մանուկյանի անվան կրթամրցանակի համար հայտարարված մրցույթի արդյունքների ամփոփումը։ Ֆակուլտետի ուսանողները ստացան դրամական պարգևներ և այլ մրցանակներ։
ՀԵՂԻՆԱԿԱՎՈՐ «WORLD SCIENTIFIC» ՀՐԱՏԱՐԱԿՉՈՒԹՅՈՒՆԸ ԼՈՒՅՍ Է ԸՆԾԱՅԵԼ ԵՊՀ ՊՐՈՖԵՍՈՐԻ ՄԱԹԵՄԱՏԻԿԱԿԱՆ ՄԵՆԱԳՐՈՒԹՅՈՒՆԸ ԵՊՀ հանրահաշվի և երկրաչափության ամբիոնի պատվավոր վարիչ, ֆ.մ. գ.դ., պրոֆեսոր, Հայկական մաթեմատիկական միության (ՀՄՄ) նախագահ Յուրի Մովսիսյանի «Գերնույնություններ, բուլյան և Դե Մորգանի կառուցվածքներ» («Hyperidentities: Boolean and De Morgan Structures») անգլերենով մենագրությունը տպագրել է «World Scientific» հրատարակչությունը։
«ԱՆՁԵՌՆՄԽԵԼԻ ԿԱՊԻՏԱԼՈՎ ՀԻՄՆԱԴՐԱՄՆԵՐԻ ՄԱՍԻՆ» ՀՀ ՕՐԵՆՔԻ ՎԵՐԱԲԵՐՅԱԼ ՔՆՆԱՐԿՈՒՄ ԵՊՀ-ՈՒՄ Դեկտեմբերի 22-ին ԵՊՀ-ում կայացավ անձեռնմխելի կապիտալով հիմնադրամներին նվիրված քննարկում, որի ընթացքում Սանկտ Պետերբուրգի եվրոպական համալսարանի անձեռնմխելի կապիտալով հիմնադրամի տնօրեն Սվետլանա Լավրովան ներկայացրեց ռուսաստանյան փորձի առանձնահատկությունները, իսկ ԱԺ-ում շրջանառվող օրենքի նախագծի համահեղինակ Արտակ Մանուկյանը ներկայացրեց օրենքի առանձնահատկությունները և այն ակնկալիքները, որ հայաստանյան կրթական, գիտական, սպորտային, մշակութային և այլ հաստատություններ կարող են ունենալ նման հիմնադրամներից։
ԵՊՀ-Ն ԻՐ ՆԵՐՈՒԺՈՎ ՊԱՏՐԱՍՏ Է ՆՊԱՍՏԵԼՈՒ ՍԱՀՄԱՆԱԴՐԱԿԱՆ ԲԱՐԵՓՈԽՈՒՄՆԵՐԻ ԳՈՐԾԸՆԹԱՑԻՆ Պետության էկոլոգիական գործառույթի, էկոլոգիական անվտանգության, մարդու էկոլոգիական իրավունքների ամրագրման և պաշտպանության հարցերը մշտապես եղել են ԵՊՀ իրավագիտության ֆակուլտետի Ա. Իսկոյանի անվան էկոլոգիական իրավունքի գիտաուսումնական կենտրոնի ուշադրության կենտրոնում։
ԵՐԿՐՆԵՐԻ ՀԱՂՈՐԴԱԿՑՄԱՆ ՀԱՅԵՑԱԿԱՐԳԵՐԻ ՎԵՐԱԲԵՐՅԱԼ ԴԱՍԱԽՈՍՈՒԹՅՈՒՆ ԵՊՀ-ՈՒՄ ԵՊՀ ռուսական կենտրոնում դասախոսությամբ հանդես եկավ Մոսկվայի հաղորդակցության զարգացման ազգային հետազոտական ինստիտուտի գիտական աշխատանքների գծով փոխտնօրեն, սոցիոլոգիական գիտությունների դոկտոր, պրոֆեսոր Վալենտինա Կոմլևան։
«ԵՊՀ ՏՎԱԾ ԿՐԹՈՒԹՅՈՒՆՆ ՕԺԱՆԴԱԿՈՒՄ Է ԻՐԱՎԱԿԱՆ ՊԵՏՈՒԹՅԱՆ ԶԱՐԳԱՑՄԱՆ ԳՈՐԾԸՆԹԱՑԻՆ». ՄԵՐԻ ՄԱԹԵՎՈՍՅԱՆ ԵՊՀ ռեկտոր Հովհաննես Հովհաննիսյանը «Հոդված 3․ լրագրողները՝ հանուն իրավունքների» ամենամյա մրցանակաբաշխությանը հատուկ մրցանակ է շնորհել համալսարանի ժուռնալիստիկայի ֆակուլտետի «PR և հաղորդակցային տեխնոլոգիաներ» մագիստրոսական ծրագրի ուսանող Մերի Մաթևոսյանին: Մերիի հետ զրուցել ենք մասնագիտության ընտրության, մրցույթի ժամանակ ներկայացրած թեմայի կարևորության, ինչպես նաև իրավական պետության զարգացման գործում լրագրողների դերի մասին:
ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏՈՒՄ ՄԵԾ ԵՐԱԽՏԱԳԻՏՈՒԹՅԱՄԲ ԵՆ ՀԻՇՈՒՄ ԱՆՎԱՆԻ ԳԻՏՆԱԿԱՆԻՆ ԵՊՀ դատական նիստերի դահլիճում պետության և իրավունքի տեսության ու պատմության ամբիոնի նախաձեռնությամբ տեղի է ունեցել գիտաժողով՝ նվիրված ԵՊՀ իրավագիտության ֆակուլտետի վաստակաշատ դասախոս, դոցենտ Գևորգ Հովսեփյանի հիշատակին:
ԱՐԱԲԵՐԵՆԻ ՄԻՋԱԶԳԱՅԻՆ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄ ԵՊՀ-ՈՒՄ ԵՊՀ արաբագիտության ամբիոնը կազմակերպել էր Արաբերենի միջազգային օրվան նվիրված միջոցառում, որի ժամանակ ուսանողները ներկայացրին վերջին տարիներին ԵՊՀ արևելագիտության ֆակուլտետի արաբագիտության ամբիոնի կատարած աշխատանքները՝ մատնանշելով դրանց նշանակալի դերն իրենց գիտահետազոտական գործունեության ընթացքում։
