Կիսահաղորդիչների ֆիզիկա և միկրոէլեկտրոնիկա

Ընդունելության պահանջները

Ընդունվելու համար դիմորդը հանձնում է մրցութային քննություններ «Կիսահաղորդչային ֆիզիկա» (բանավոր) և «Ֆիզիկա» (բանավոր) առարկաներից։

Ծրագրի նպատակը

Կրթական ծրագրի նպատակն է պատրաստել կիսահաղորդիչների ֆիզիկայի, միկրոէլեկտրոնիկայի, ինտեգրալ սխեմաների նախագծման, գազային և կենսաքիմիական սենսորների բնագավառներում արդի գիտության նվաճումները յուրացրած որակյալ կադրեր՝ ունակ ըմբռնելու դրանց զարգացման հեռանկարները, տալ նանոֆիզիկայի և նանոտեխնոլոգիաների ոլորտում հիմնարար գիտելիքներ, կրթել մասնագետների, որոնք ունակ կլինեն հետազոտելու, պատրաստելու և աշխատելու նանոչափային նյութերի, կառուցվածքների, կոմպոզիտային նյութերի և դրանց հիման վրա պատրաստված սարքերի հետ:

Առավելությունները

Կրթական ծրագրի ուսանողները ձեռք են բերում խոր գիտելիքներ և ունակություններ մասնավորապես միկրոէլեկտրոնիկայի և նյութագիտության ոլորտներում։ Այս ոլորտների համադրումը պայմանավորված է մասնավոր ընկերությունների և գիտահետազոտական կազմակերպությունների խնդիրներով։

Կարիերայի հնարավորությունները

Շրջանավարտները հնարավորություն ունեն աշխատելու «National Instruments»-ի և ՀՀ ՏՏ ոլորտի ձեռնարկություններում և այդ ոլորտի արտասահմանյան ձեռնարկությունների մասնաճյուղերում, «Synopsys» և «Cisco» ընկերություններում, ԵՊՀ ֆիզիկայի ինստիտուտի գիտահետազոտական լաբորատորիաներում, ՀՀ ԳԱԱ ռադիոֆիզիկայի և էլեկտրոնիկայի, ֆիզիկական հետազոտությունների, Երևանի ֆիզիկայի ինստիտուտներում: