Կիրառական հոգեբանություն

Մագիստրոսական ծրագրի ուսուցման տևողությունը 2,5 տարի է, ուսվարձը՝ տարեկան 560․000 ՀՀ դրամ է։ Կրթական ծրագրի ավարտին ուսանողին շնորհվում է հոգեբանության մագիստրոսի որակավորում՝ կիրառական հոգեբանություն մասնագիտացմամբ։

Ընդունելության պահանջները

Ընդունելության քննությունն անցկացվում է բանավոր, մասնագիտական հարցերով տոմսերով՝ ըստ նախապես կազմված հարցաշարի, որը տեղադրված է «Ընդունելություն» բաժնում։

Ծրագրի նպատակը

Ծրագրի նպատակն է զարգացնել ուսանողների մասնագիտական կարողությունները` տրամադրելով գիտելիքներ և հմտություններ կառավարման և զարգացման հոգեբանության արդի հիմնախնդիրների, դրանց լուծման ժամանակակից մոտեցումների վերաբերյալ, ձևավորել ուսանողների մոտ մասնագիտական այնպիսի գիտելիքներ և կարողություններ, որոնք անհրաժեշտ են անձի զարգացման տարբեր փուլերում հոգեախտորոշիչ, խորհրդատվական, հոգեթերապևտիկ, լուսավորչական և զարգացնող աշխատանք իրականացնելու համար, իրականացնել կազմակերպություններում առաջացող հոգեբանական խնդիրների գնահատում, կանխատեսում, վերլուծություն, մարդկային ռեսուրսների կառավարում, կազմակերպել և ուղղորդել կազմակերպության գործունեության հոգեբանական խորհրդատվության միջոցով, նպաստել ուսանողների՝ մասնագիտական գիտելիքների և կարողությունների զարգացմանը, կառավարման, կազմակերպական, կրթության (այդ թվում ներառական կրթության), առողջապահության և հոգեբանական ծառայության ոլորտներում մասնագիտական գործունեություն ծավալելու համար:

Առավելությունները

Ծրագիրը կազմված է  ընդհանուր և մասնագիտական (պարտադիր և կամընտրական) դասընթացներից, և հետազոտական կառուցամասից։ Ընդհանուր կառուցամասում ուսանողն ուսումնասիրում է օտար լեզուն և տեղեկատվական տեխնոլոգիաները մասնագիտական ոլորտում, սովորում հետազոտություն կազմակերպելու հմտություններն ու գործիքները։ Իսկ մասնագիտական կառուցամասում ուսանողն ուսումնասիրում է հոգեբանությանն առնչվող տարբեր բնագավառներ, ինչպես անձի, մանկան, կազմակերպչական, կլինիկական հոգեբանության, այնպես էլ հոգեթերապիայի դասական և ժամանակակից տարբեր ուղղություններ՝ ձեռք բերելով տեսական ու գործնական գիտելիքներ և հմտություններ։ Հետազոտական մասը բաղկացած է պրակտիկայից և մագիստրոսական թեզից։

Տվյալ մագիստրոսական ծրագրի ուսանողների պրակտիկան գիտահետազոտական և գործնական բնույթի ունի և տալիս է լայն հնարավորություն՝ ձեռք բերելու համապատասխան գիտելիքներ և մարզելու իրենց մասնագիտական հմտություններն ու կարողությունները: Պրակտիկան նախատեսվում է անցկացնել տարբեր հաստատություններում՝ վերականգնողական, հոգեբանական, բժշկական, կրթական և գիտահետազոտական։

Կարիերայի հնարավորությունները

Ծրագրի շրջանավարտները կարող են շարունակել իրենց ուսումը ԵՊՀ փիլիսոփայության և հոգեբանության ֆակուլտետի ասպիրանտուրայում, կատարել գիտահետազոտական ուսումնասիրություններ, ինչպես նաև աշխատել կրթական, վերականգնողական, հոգեբանական աջակցման կենտրոններում:

«Կառավարման հոգեբանություն» ծրագրի շրջանավարտները հնարավորություն ունեն աշխատանքի անցնելու պետական և ոչ պետական հաստատություններում (ՀՀ բանկեր, ՏՏ ոլորտի ՄՌԿ բաժին, գովազդային գործակալություններ, կրթական և սոցիալական ծրագրեր իրականացնող միջազգային կազմակերպություններ, հեռուստատեսություն, առևտրային, ձեռնարկատիրական, արտադրական կազմակերպությունների համապատասխան ենթակառուցվածքներ)` զբաղեցնելով հետևյալ պաշտոնները.

• հոգեբան-խորհրդատու,
• հասարակայնության հետ կապերի ենթակառուցվածքի հոգեբան,
• մարդկային ռեսուրսների կառավարման մասնագետ,
• գիտակրթական ծրագրերի համակարգող,
• սոցիալ-հոգեբանական ծրագրերի համակարգող,
• ուսումնական (կրթական) կենտրոնի հոգեբան,
• զարգացման կենտրոնի հոգեբան
• թրեյնինգային ծրագրերի պատասխանատու: