Միջմշակութային հաղորդակցություն և թարգմանություն (ռուսերեն)
Բակալավրի կրթական ծրագիր
Ծրագրի նպատակը
Ծրագրի նպատակն է.
- ձևավորել ռուսերեն և հայերեն տարաբնույթ տեքստեր թարգմանելու համար անհրաժեշտ հմտություններ,
- պատրաստել մասնագետներ, որոնք ունակ են կատարելու տվյալ լեզուների հետ կապված սրբագրական և խմբագրական աշխատանքներ,
- ծանոթացնել միջմշակութային հաղորդակցության և թարգմանության արդի հիմնարար սկզբունքներին,
- վերլուծել լեզուները (մասնավորապես՝ ռուսերենը և հայերենը) մշակութային համատեքստում,
- պատրաստել մասնագետներ, որոնք կարող են տարբերակել և վերլուծել միջմշակութային հաղորդակցության տեսակները, ձևերը և կառուցվածքային կաղապարները:
Ծրագրի մրցակցային դիրքը
Աշխատաշուկայի ուսումնասիրությունները ցույց են տալիս, որ ՀՀ-ում կա տարբեր ոլորտներում հայերենից ռուսերեն որակյալ թարգմանիչների, ինչպես նաև միջմշակութային հաղորդակցության մասնագետների և հաղորդակցային ու մշակութային կոմպետենցիաներին տիրապետող որակյալ մասնագետների մեծ պահանջարկ։ Ֆակուլտետում դասախոսում են ռուսաց լեզվի և ռուս գրականության լավագույն մասնագետները, որոնք զբաղվում են գիտական ակտիվ գործունեությամբ։
Շրջանավարտների կարիերայի հնարավորությունները
Ծրագրի շրջանավարտները հնարավորություն ունեն աշխատելու.
- ԶԼՄ-ում (օրաթերթերի և հանդեսների խմբագրություններում),
- տեղեկատվական գործակալություններում, հրատարակչություններում,
- կրթական հաստատություններում (միջնակարգ կրթական հաստատություններում),
- տուրիստական գործակալություններում,
- միջազգային կազմակերպություններում և բոլոր այն կազմակերպություններում, որտեղ պահանջվում են հայերենի և ռուսերենի լավ իմացություն և թարգմանչական հմտություններ: