Հիմնարար և կիրառական ֆիզիոլոգիա

Կրթական ծրագրի ուսուցման ձևը առկա է, ուսումնառության տևողությունը՝ 2 տարի, ուսման վարձի չափը՝ 550 000 ՀՀ դրամ, շնորհվող որակավորումը՝ կենսաբանության մագիստրոս։

«Հիմնարար և կիրառական ֆիզիոլոգիա» մագիստրոսական ծրագիրը բաղկացած է 2 հիմնական կառուցամասերից` ուսումնական և հետազոտական, որոնցից յուրաքանչյուրով նախատեսված աշխատանքները կատարվում են ուսումնական և հետազոտական կառուցամասերի համամասնությամբ։

Ընդունելության պահանջները

 Ընդունելության քննության անցկացման ձևաչափը՝ բանավոր։

Հարցաշարը՝ «Ընդունելություն» բաժնում։

Ծրագրի նպատակը

Կրթական ծրագրի նպատակն է զարգացնել ուսանողների մասնագիտական կարողությունները ախտաբանական ֆիզիոլոգիայի, հյուսվածքաբանության, իմունոլոգիայի, հոգեֆիզիոլոգիայի, նյարդաֆիզիոլոգիայի, արյունաբանության, մարդու սաղմնաբանության, բարձրագույն նյարդային գործունեության ֆիզիոլոգիայի բնագավառներում՝ հետազոտական և լաբորատոր աշխատանքներ կատարելու համար, օժտել ուսանողներին ախտաբանական ֆիզիոլոգիայի, անատոմիայի, հյուսվածքաբանության, իմունոլոգիայի, մարդու սաղմնաբանության, հոգեֆիզիոլոգիայի, նյարդաֆիզիոլոգիայի, արյունաբանության, բարձրագույն նյարդային գործունեության ֆիզիոլոգիայի բնագավառում համապատասխան գիտելիքներով և հմտություններով, զարգացնել հետազոտական աշխատանքներ կատարելկու հմտությունները, ուսանողներին ունակ դարձնել առաջարկելու միջոցներ, որոնք կարող են շտկել տարբեր ծայրահեղ գործոններով հրահրված ախտաբանական իրավիճակները:

Առավելությունները

Այս ծրագրի ավարտին ուսանողն ունակ կլինի ներկայացնելու և հիմնավորելու մարդու և կենդանիների օրգանիզմների և օրգան համակարգերի ախտաբանական գործընթացների հիմնախնդիրները, լուսաբանելու ընդհանուր և մասնավոր ախտաբանական կազմաբանության հիմնական խնդիրները, ներկայացնելու և հիմնավորելու արյան, արյունամակարդման, արյունաստեղծ համակարգերի գործառույթները, ճանաչելու և նկարագրելու արյան հիվանդությունները և դրանց ծագման մեխանիզմները, բա­ցատ­րելու հոգեֆիզիո­լո­­գիա­կան գործ­ըն­թաց­ների և վարքագծի ձևավոր­ման, զարգացման և ուղեղային ապա­հով­ման մեխանիզմները, քննարկելու հոգեկան առողջության գլխավոր չափա­նիշները և հոգեկան գործունեության ախտաբանու­թյան հիմնական դրույթ­ները, հոգեկանի ծագման հիմ­նական սկզբունք­ները, հոգեկան հիվան­դությունների մեխանիզմները:

Ուսանողը կկարողանա ճանաչել լուսային մանրադիտակի տակ մարդու և տարբեր կենդանիների հյուսվածքները և օրգանները, նրանց բա­ղադրիչ տարրերը, տարբերել սաղմնային և հետսաղմնային զարգացման փուլերը, բացատրել օրգանիզմների բնական ռեզիստենտության և ձեռքբերովի իմունիտետների տեսակները, իմունային համակարգի օրգանային, բջջային և մոլեկուլային կազմավորվածության առանձնահատկությունները, բջջային և հումորալ իմունային ռեակցիաների օրինաչափությունները, ձեռքբերովի իմունիտետի ձևավորման հիմնական բոլոր մեխանիզմները, գնահատել oնտոգենեզի կայունության և բջջային հոմեոստազի աստիճանը տարբեր էքստրեմալ իրավիճակներում:

Կարիերայի հնարավորությունները

«Հիմնարար և կիրառական ֆիզիոլոգիա» ծրագրի շրջանակում փոխկապակցվում են տեսական և գործնական բաղադրիչները՝ մասնագիտական ոլորտում շրջանավարտների գործունեություն ծավալելու պատրաստվածությունն ապահովելու նպատակով: «Հիմնարար և կիրառական ֆիզիոլոգիա» ծրագրի շրջանավարտները կարող են իրենց հետագա մասնագիտական գործունեությունը ծավալել բժշկական ախտորոշիչ լաբորատորիաներում, գիտահետազոտական ինստիտուտներում, միջին և բարձրագույն մասնագիտական ուսումնական հաստատություններում, շարունակել իրենց ուսումը բարձրագույն կրթության երրորդ մակարդակում՝ կենսաբանության և բժշկակենսաբանության բնագավառում:

Ծրագրի շրջանավարտները կարող են իրենց ուսումը շարունակել «Կլինիկական լաբորատոր ախտորոշում» և «Մարդու սաղմնաբանություն» մասնագիտությամբ օրդինատուրայում և հետագա մասնագիտական գործունեությունը ծավալել բժշկական ախտորոշիչ լաբորատորիաներում, գիտահետազոտական ինստիտուտներում, միջին և բարձրագույն մասնագիտական ուսումնական հաստատություններում և այլն: