ԵՊՀ ԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՈՒՍԱՆՈՂՆԵՐԸ ԶԱՐԳԱՑՆՈՒՄ ԵՆ ԳՈՐԾՆԱԿԱՆ ՀՄՏՈՒԹՅՈՒՆՆԵՐԸ

Գրասենյակի բանիմաց և պրոֆեսիոնալ մասնագետներն ուսանողներին ներկայացրին գրասենյակի գործունեության հիմնական ուղղությունները, գրասենյակ դիմելու հիմքերն ու կարգը, դիմումների քննության ընթացքը, գրասենյակում քննվող գործերի տարեկան վիճակագրությունները և ընթացիկ պատկերը։ Այցի առանցքային մասն էր կազմում «Ֆինանսական համակարգի հաշտարար»-ի որոշումները չեղյալ ճանաչելու վերաբերյալ դատական գործերի ուսումնասիրությունը:

Հանդիպման բանախոսներն էին գրասենյակի՝ ռազմավարության մշակման և ֆինանսական կրթման մասնագետ Հասմիկ Մակարյանը և իրավական սպասարկման մասնագետ Ահարոն Ստեփանյանը:

Վ. Եսայանն ուսանողներին մատուցված նյութն առավել հետաքրքրական և ընկալելի դարձնելու համար առաջարկեց քննարկել ներկայացված թեմաների վերաբերյալ տարբեր իրավիճակներ՝ հիմնավորելով ու մեկնաբանելով հնչած կարծիքները:

Սույն թեմային առնչվող հիմնախնդիրների քննարկման շնորհիվ ուսանողները ձեռք բերեցին հստակ գիտելիքներ «Ֆինանսական համակարգի հաշտարար»-ի որոշումները չեղյալ ճանաչելու հիմքերի վերաբերյալ, ծանոթացան ոլորտին վերաբերող ՀՀ Սահմանադրական դատարանի և ՀՀ վճռաբեկ դատարանի մի շարք որոշումներին: