ԵՊՀ ՈՒՍԱՆՈՂՆԵՐԸ՝ «ACM-ICPC» ԾՐԱԳՐԱՎՈՐՄԱՆ ՀԵՂԻՆԱԿԱՎՈՐ ՄԻՋԱԶԳԱՅԻՆ ՕԼԻՄՊԻԱԴԱՅԻ ՄԱՍՆԱԿԻՑ

Համալսարանը ներկայանում են  Ինֆորմատիկայի և կիրառական մաթեմատիկայի ֆակուլտետի երեք թիմերը:  

«Այս մրցույթը մեզ համար շատ կարևոր մրցույթ է, որովհետև հնարավորություն ունենք մեր ուժերը չափելու  ծրագրավորման միջազգային հարթակում և հասկանալու, թե որքանով ենք մրցունակ աշխարհի լավագույն համալսարանների հետ «մենամարտելիս»»,- մեզ հետ զրույցում ասաց  ԵՊՀ ինֆորմատիկայի և կիրառական մաթեմատիկայի ֆակուլտետի դեկան, «ACM-ICPC»-ի հայաստանյան մրցույթի տնօրեն  Վահրամ Դումանյանը` նշելով, որ ԵՊՀ-ն 2000 թ.-ից մասնակցել է այս օլիմպիադային, իսկ 2016 թվականին գրանցել իր լավագույն ցուցանիշը՝ հասնելով եզրափակիչ:

«ACM-ICPC» ծրագրավորման միջազգային օլիմպիադայի ուժեղ թիմերը սովորաբար աշխարհի առաջատար բուհերից են:

«Իհարկե, մենք գիտենք, որ գործ ունենք ուժեղ մրցակիցների հետ, բայց հավատում ենք մեր ուսանողների մեծ ներուժին»,- եզրափակելով իր խոսքը՝ ասաց Վահրամ Դումանյանը և շարունակեց հետևել օլիմպիադային:

Օլիմպիադայի ընթացքի մասին մանրամասն տեղեկություններ ստանալու համար կարող եք այցելել հետևյալ վեբ-կայք: 

Անի Պողոսյան