ԵՊՀ ՄՇԱԿՈՒՅԹԻ ԿԵՆՏՐՈՆԻ ՏՆՕՐԵՆԸ՝ «GOLDEN VOICE-2021» ՄՐՑՈՒՅԹԻ ՄԻՋԱԶԳԱՅԻՆ ԺՅՈՒՐԻԻ ԿԱԶՄՈՒՄ
Նոյեմբերի 10-ին «Վիվալդի Հոլ» հանդիսությունների սրահում տեղի է ունեցել «Golden voice-2021» վոկալի միջազգային մրցույթը, որի ժյուրիի կազմում էր նաև ԵՊՀ մշակույթի կենտրոնի տնօրեն Կարինե Դավթյանը։
![Golden-voice-2021](/sites/default/files/styles/large_slide/public/migrated/images/tqMRJUXxVTotLlsR7amCE3XWpa.jpg?h=bccd1fa5&itok=LNUWeshz)
«Golden voice»-ը պատանի երաժիշտ-կատարողների ամենամյա մրցույթ-փառատոն է, որին մասնակցում է գրեթե 80 կատարող աշխարհի տարբեր երկրներից։
ԵՊՀ մշակույթի կենտրոնի տնօրեն Կարինե Դավթյանը մեզ հետ զրույցում ասաց, որ ուրախ է լինել միջազգային ժյուրիի կազմում, սակայն շատ դժվար է տաղանդավոր մարդկանց հոծ բազմությունից ընտրել միայն մեկ հաղթողի։
Հավելենք, որ գալահամերգի բացումն իրականացրել է ԵՊՀ մշակույթի կենտրոնի աղջիկների պարային համույթը (գեղ. ղեկավար՝ Անի Հարոյան)՝ հանդես գալով «Ծաղկեփունջ» ժողովրդական պարով: