«ՖԻԶԻԿԱՆ ԿԱՐԵԼԻ Է ՀԱՎԵՐԺ ԲԱՑԱՀԱՅՏԵԼ». ԱՇԱԿԵՐՏՆԵՐԸ ՖԻԶԻԿԱՅԻ ՖԱԿՈՒԼՏԵՏՈՒՄ
Մինչհամալսարանական կրթության վարչության նախաձեռնությամբ այսօր ԵՊՀ ֆիզիկայի ֆակուլտետում հյուրընկալվել էին Արմավիրի N 1 ավագ դպրոցի 11 և 12-րդ դասարանների աշակերտները:
![High-school-pupils-visited-faculty-of-Physics](/sites/default/files/styles/large_slide/public/migrated/images/s7qC9w6MROxui25sJm7sWjQ5pF.jpg?h=bccd1fa5&itok=yl-CMoX-)
Աշակերտներին դիմավորեց Ֆիզիկայի ֆակուլտետի դեկան Ռաֆիկ Հակոբյանը և ծանոթացրեց ֆակուլտետի կառուցվածքին:
Տեսական գիտելիքներն ամրապնդելու և մասնագիտական առանձնահատկություններին մանրամասն ծանոթանալու նպատակով աշակերտները շրջեցին ուսումնական լաբորատորիաներով:
Պինդ մարմնի, Օպտիկայի, Ընդհանուր ֆիզիկայի, Աստղաֆիզիկայի ուսումնական լաբորատորիաներում աշակերտները ստացան համապարփակ տեղեկատվություն դրանց գործունեության ու պատմության վերաբերյալ: Նրանցից շատերն արդեն կողմնորոշված էին մասնագիտության ընտրության հարցում:
12-րդ դասարանների աշակերտ Արտակ Մելքոնյանը նշեց, որ ֆիզիկան մշտապես եղել է իր հետարքրքությունների կենտրոնում. «Ֆիզիկան կարելի է հավերժ բացահայտել»:
Անգին Խաչատրյան