ԵՐԻՏԱՍԱՐԴ ԿԵՆՍԱԲԱՆՆԵՐԻ ՄԻՋԱԶԳԱՅԻՆ ԳԻՏԱԺՈՂՈՎ ԾԱՂԿԱՁՈՐՈՒՄ

Այս մասին մեզ հետ զրույցում ասաց Կենսաբանության ֆակուլտետի բուսաբանության և սնկաբանության ամբիոնի կրտսեր գիտաշխատող, գիտաժողովի  կազմակերպչական խմբի անդամ Լուսինե Մարգարյանը:

Նշենք, որ գիտաժողովը կազմակերպվել էր Երևանի պետական համալսարանի, ՀՀ ԳԱԱ  բուսաբանության ինստիտուտի,  ՀՀ ԳԱԱ կենդանաբանության և հիդրոէկոլոգիայի գիտական կենտրոնի համատեղ ջանքերով:

Գիտաժողովին մասնակցել են 40 հայ և Հնդկաստանից, Իրանից, Ռուսաստանից, Շվեյցարիայից, Գերմանիայից և Սլովակիայից շուրջ 37 անվանի և երիտասարդ գիտնականներ:

Նրա խոսքով, միջազգային գիտաժողովը համախմբել էր աշխարհի տարբեր երկրներից հետազոտություններ իրականացնող գիտնականների, ովքեր զբաղվում են բույսերի, սնկերի և կենդանիների կենսաբազմազանության ուսումնասիրության և պահպանության խնդիրներով:

Լուսինե Մարգարյանը պատմեց, որ երիտասարդ գիտնականները հետաքրքիր զեկուցումներով ներկայացրել են իրենց գիտական հետազոտությունների արդյունքները, իսկ այդ  հետազոտությունների արդյունքներն ամփոփվել են  թեզիսների ժողովածուում:

Գիտաժողովի  կազմակերպչական խմբի անդամի կարծիքով, նմանօրինակ երիտասարդական միջազգային գիտաժողովները նպաստում են կենսաբազմազանության ուսումնասիրությանն ու պահպանությանը, ինչը շատ կարևոր է և ամբողջ աշխարհում համարվում  է առաջնային խնդիր. «Այսպիսի գիտաժողովները փորձի փոխանակման լավ հարթակ են, ինչպես նաև մեծ դեր են  ունենում Հայաստանում բնապահպանական մի շարք միջոցառումների իրականացման համար»:

Նադեժդա Տեր-Աբրահամյան