«ՈՒԽ-Ն ԻՆՁ ՀԱՄԱՐ ԸՆՏԱՆԻՔ Է, ՈՐՏԵՂ ԲՈԼՈՐՍ ՄԻՄՅԱՆՑ ՀԵՏ ԿԱՊՎԱԾ ԵՆՔ ԱՄՈՒՐ ԿԱՊՈՎ». ՄԱՐԳԱՐԻՏԱ ՈՍԿԱՆՅԱՆ

Բուհի ընտրությունը՝ ճակատագիր…

Ի սկզբանե չեմ երկմտել Երևանի պետական համալսարանի ընտրության հարցում: Վստահ եմ՝ իմ ստացած գիտելիքները, կարողություններն ու հմտությունները կկարողանամ լավագույնս կիրառել աշխատանքում:

ՈՒԽ-ում ստեղծվում են հիշողություններ, որոնք ամբողջ կյանքում ուղեկից են դառնում:

Խորհուրդ եմ տալիս բոլոր ուսանողներին կարևորել համալսարանում անցկացրած յուրաքանչյուր պահը, ապրեն ուսանողական ակտիվ կյանքով՝ անդամակցելով Ուսանողական խորհրդին:

ՈՒԽ-ն ընձեռում է ինքնադրսևորվելու, կայանալու, նոր ընկերներ ձեռք բերելու հնարավորություն:

Չնայած բակալավրիատն ավարտեցի, սակայն ՈՒԽ-ի հետ կապը պահելու եմ, որովհետև այն ինձ համար ընտանիք է, որտեղ բոլորս միմյանց հետ կապված ենք ամուր կապով: Այս կառույցում ստեղծվում են արժեքներ, և դու դառնում ես դրանց կրողն ու տարածողը:

Այս օրը խորհրդանշական էր…

Հենց համալսարան ընդունվելու օրվանից պատկերացնում էի այս օրը: Այն անցավ հենց իմ պատկերացրածի նման՝ ուրախ, ջերմ և հուզառատ:

Կրթությունս շարունակելու եմ մագիստրատուրայում:

Նպատակ ունեմ հետագայում նաև ասպիրանտուրա ընդունվելու, որովհետև կարծում եմ, որ կրթական համակարգը ներկայումս այն կարևոր բնագավառն է, որի զարգացմամբ պիտի կարողանանք շենացնել մեր հայրենիքը:

Կարինե Հովհաննիսյան