«ՍՈՎՈՐԵԼԸ ՉԻ ԱՎԱՐՏՎՈՒՄ ՀԱՄԱԼՍԱՐԱՆՈՎ. ՍՈՎՈՐԵԼԸ, ՄՏԱԾԵԼՆ ՈՒ ԱՐԱՐԵԼՆ ԱՄԲՈՂՋ ԿՅԱՆՔԻՆ ԵՆ ՎԵՐԱԲԵՐՈՒՄ». ՎԱԶՐԻԿ ԲԱԶԻԼ

- Ինչպիսի՞ PR մասնագետների կարիք ունի Հայաստանը:

- PR մասնագետները պետք է տիրապետեն բնագավառի տեսական ու գործնական գիտելիքներին, լինեն փորձառու, ստեղծագործ ու հնարամիտ։

Բայց ամենակարևորն այն է, որ Հայաստանում կատարվեն հանրային կապերի վերաբերյալ հետազոտական աշխատանքներ, որոնց ընթացքում կհամակցվեն գործնականն ու տեսականը:

- Լավ PR մասնագետին անհրաժեշտ է….

- Ոլորտում հաջողակ մասնագետ լինելու համար պետք է.

կառուցվածքային մտածելու, հարցի իմաստը կռահելու, բանաձևելու ու հստակ բացատրելու ունակություն,

որոշումներ կայացնելու և դրանք իրագործելու ձիրք,

հետաքրքրություն երկրի քաղաքական, տնտեսական և մշակութային հարցերի նկատմամբ։ 

Եվ ընդհանրապես, սովորելը չի ավարտվում համալսարանով։ Սովորելը, մտածելն ու արարելն ամբողջ կյանքին են վերաբերում։ 

- Որո՞նք են լավ ճառագրի հատկությունները:

- Լսելու ու գրելու ունակություն,

կառուցվածքային մտածողություն,

լայն մտահորիզոն,

դիմացինի սպասելիքները հասկանալու և դրանք արդարացնելու կարողություն,

ճկունություն,

հարցի կորիզն արագ կռահելու հմտություն:

Անի Պողոսյան