Հունվար 21, 2022 | 13:17
Հասարակություն

ՇԱՐՈՒՆԱԿՎՈՒՄ ԵՆ ՖԻԶԻԿԱՅԻ ՖԱԿՈՒԼՏԵՏԻ ԴԱՍԱԽՈՍՆԵՐԻ ԱՅՑԵՐԸ ԴՊՐՈՑՆԵՐ

ԵՊՀ ֆիզիկայի ֆակուլտետի և Մինչհամալսարանական կրթության վարչության նախաձեռնությամբ մասնագիտական կողմնորոշմանը միտված փոխայցելություններն ու հանդիպումները շարունակվում են:
at-184-school

Նախաձեռնության շրջանակում այսօր թիվ 184 ավագ դպրոց էր այցելել Ֆիզիկայի ֆակուլտետի ակ. Վ. Համբարձումյանի անվան ընդհանուր ֆիզիկայի և աստղաֆիզիկայի ամբիոնի դոցենտ, ֆիզմաթ. գիտ. թեկնածու Պետիկ Պետրոսյանը:

Աշակերտների առաջարկով ԵՊՀ դոցենտը նրանց համար հանդես է եկել «Էլեկտրամագնիսական երևույթներ» թեմայով դասախոսությամբ՝ խոսելով երևույթի առաջացման պատմության, էլեկտրամագնիսական դաշտի տեսության, ալիքների մասին:

«Աշակերտները հետաքրքրված էին զենքի ու դրա ստեղծման հետ կապված տարբեր հարցերով, ես էլ ներկայացրի, թե ֆակուլտետում այդ ուղղությամբ ինչ աշխատանքներ են տարվում: Նրանք նաև ցանկանում են ներկա լինել մեր լաբորատորիաներում կատարվող աշխատանքներին, և առաջիկայում հավանաբար հանդիպում կկազմակերպվի արդեն ֆակուլտետում»,- մեզ հետ զրույցում ասաց Պ. Պետիկյանը: 

ԵՊՀ դոցենտը վստահ է՝ նմանատիպ հանդիպումներն արդյունավետ են և նպաստում են դիմորդների մասնագիտական կողմնորոշմանը:

FacebookTelegram
Հասցե` ՀՀ, ք. Երևան, 0025, Ալեք Մանուկյան 1 (+37460) 710000 info@ysu.am