ԵՊՀ ԱՇԽԱՏԱԿԻՑՆԵՐԻ ԵՐԵԽԱՆԵՐԻ ՀԱՄԱՐ ԱՅՍՕՐ ՄԵԿՆԱՐԿԵԼ ԵՆ ՕՏԱՐ ԼԵԶՎԻ ԴԱՍԸՆԹԱՑՆԵՐԸ
ԵՊՀ լեզուների ուսուցման և թեստավորման կենտրոնը ԵՊՀ արհեստակցական կազմակերպության հետ համալսարանի աշխատակիցների երեխաների համար կազմակերպում է օտար լեզվի դասընթացներ:
![course-for-children](/sites/default/files/styles/large_slide/public/migrated/images/iar82Hr24rjCSkmBinO0LhIPaW.jpg?h=bccd1fa5&itok=k1aFqLt_)
Այսօր մեկնարկած դասընթացին դիմել են համալսարանականների ավելի քան 30 երեխաներ:
Կենտրոնի ղեկավար, ԵՊՀ եվրոպական լեզուների և հաղորդակցության ֆակուլտետի անգլերենի թիվ 1 ամբիոնի վարիչ, պրոֆեսոր Մարգարիտա Ապրեսյանը նշեց, որ կարևորում է այս համագործակցությունը, որի շնորհիվ երեխաները հնարավորություն կունենան զարգացնելու իրենց օտար լեզվի իմացությունը:
«2019 թվականին հիմնադրված կենտրոնը ժամանակակից չափորոշիչներին համապատասխան բազմամակարդակ լեզուների ուսուցման և թեստավորման կենտրոն է, որտեղ դասավանդում են հարուստ փորձ ունեցող մասնագետներ՝ կիրառելով ժամանակակից մեթոդներ և նորագույն տեխնոլոգիաներ»,- փաստեց Մ. Ապրեսյանը և հավելեց, որ կորոնավիրուսային համավարակի սահմանափակումներից հետո կենտրոնը վերսկսելու է իր ակտիվ գործունեությունը:
Մասնակից երեխաներին այսօր ներկայացվեց ժամանակակից մոտեցումներով կազմված ուսումնական ծրագիրը: