Եվս մեկ հաջողություն միջազգային ասպարեզում․ ԵՊՀ ուսանողները՝ «Համաշխարհային տնտեսություն» օլիմպիադայի հաղթողներ ԵՊՀ տնտեսագիտության և կառավարման ֆակուլտետի չորս ուսանողներ մասնակցել են Թուրքմենստանի տնտեսագիտության և կառավարման պետական ինստիտուտի կազմակերպած միջազգային հեռավար օլիմպիադային: «Համաշխարհային տնտեսություն» խորագրով միջազգային օլիմպիադայի ամփոփիչ արդյունքներով ԵՊՀ ուսանողները զբաղեցրել են առաջին և երկրորդ հորիզոնականները:
«Միջազգային շաբաթ» ծրագրից գիտական հոդվածի տպագրություն. ԵՊՀ դասախոսը Գերմանիայում էր Միջազգային հարաբերությունների ամրապնդման, փորձի փոխանակման, ինչպես նաև նոր գաղափարների ուսումնասիրման նպատակով ԵՊՀ տնտեսագիտության և կառավարման ֆակուլտետի տնտեսագիտության և միջազգային տնտեսական հարաբերությունների ամբիոնի վարիչ, տ.գ.թ., դոցենտ Գրիգոր Հայրապետյանը մասնակցել է Աալենի կիրառական գիտությունների համալսարանում (Գերմանիա) կազմակերպված «Միջազգային շաբաթ» ծրագրին («The first Qⁿ International Week»):
Ամփոփվել է միջմասնագիտական մագիստրոսական թեզերի կատարման համար կրթաթոշակի հատկացման մրցույթը ԵՊՀ-ն միջմասնագիտական հետազոտական թեզերի կատարումը խրախուսելու նպատակով մագիստրատուրայի ուսանողներին տրամադրում է հետազոտական կրթաթոշակներ: 2023-2024 ուսումնական տարում միջմասնագիտական մագիստրոսական թեզերի կատարման համար կրթաթոշակ է տրամադրվել 8 ուսանողների։
Ֆարմացիայի ինստիտուտում կանցկացվի վերապատրաստման նոր դասընթաց ԵՊՀ ֆարմացիայի ինստիտուտում կանցկացվի «Որակի վերահսկման անալիտիկ մեթոդների (ԲԱՀՔ, ԳՔ, ՄՍ) տեսական և գործնական հիմունքները» թեմայով վերապատրաստման դասընթաց ոլորտի մասնագետների համար։
ԵՊՀ ՍԹԵՄ ավագ դպրոցի աշակերտները՝ Կիրառական կենսաբանության միջազգային 4-րդ օլիմպիադայի մեդալակիրներ Կիրառական կենսաբանության միջազգային 4-րդ օլիմպիադայում (IABO) ԵՊՀ ՍԹԵՄ ավագ դպրոցի աշակերտները նվաճել են ոսկե և արծաթե մեդալներ․ Մարիամ Գալստյանը նվաճել է ոսկե մեդալ, իսկ Նանե Անանիկյանը՝ արծաթե մեդալ։
ԵՊՀ ԳԽ-ն հաստատեց ամբիոնների վարիչների ընտրությունների վերաբերյալ որոշումները Օրակարգային 4 հարցով անցկացվեց ԵՊՀ գիտական խորհրդի նիստը, որի ընթացքում բավարարվեցին դոցենտի գիտական կոչում շնորհելու համար ներկայացված հայցերը, հաստատվեցին ԵՊՀ ամբիոնների վարիչների ընտրությունների արդյունքները, հրատարակության երաշխավորվեցին ԵՊՀ գրահրատարակչական խորհրդում քննարկված աշխատությունները։ ԵՊՀ գիտական խորհուրդը «ԵՊՀ պատվավոր վարիչի» կոչում շնորհեց բազմավաստակ գիտնական, իրավ․ գիտ․ դոկտոր, պրոֆեսոր Արա Գաբուզյանին։
Հնագիտությունն ու ազգաբանությունը՝ Հայաստանը հանրահռչակելու ուղի ԵՊՀ պատմության ֆակուլտետի «Հնագիտություն և ազգաբանություն» մագիստրոսական կրթական ծրագիրն ուսանողներին հնարավորություն է ընձեռում աշխատելու ՀՀ ԳԱԱ հնագիտության և ազգագրության ինստիտուտում, ինչպես նաև մասնակցելու արտերկրից ժամանած հնագիտական արշավախմբերի աշխատանքներին։ Միջազգային հնագիտական արշավախմբերի կատարած պեղումների ժամանակ ուսանողները ծանոթանում են նորագույն տեխնոլոգիաների կիրառության մեթոդներին, դառնում հայտնաբերվող հուշարձանների համահեղինակ։
ԵՊՀ գիտնականը՝ «Elsevier» հրատարակչությունում տպագրված գրքի համախմբագիր ԵՊՀ կենսաբանության ֆակուլտետի կենսաքիմիայի, մանրէաբանության և կենսատեխնոլոգիայի ամբիոնի դոցենտ Հովիկ Փանոսյանը, համագործակցելով արտասահմանցի գործընկերների հետ, «Elsevier» հեղինակավոր հրատարակչությունում հրատարակել է «Մանրէների էականությունը՝ արտադրական հեռանկարները» («MICROBIAL ESSENTIALISM։ An Industrial Prospective») գիրքը: Նրա հետ զրուցել ենք նոր տպագրված գրքի, գիտության և ապագա ծրագրերի մասին:
ԵՊՀ-ում էր Միչիգան-Դիրբոռնի համալսարանի պրոֆեսոր Արա Սանջյանը ԵՊՀ պատմության ֆակուլտետում դասախոսությունների շարքով հանդես եկավ Միչիգան-Դիրբոռնի համալսարանի հայկական հետազոտությունների կենտրոնի տնօրեն, պ․գ․դ․ Արա Սանջյանը։ Դասախոսությունների շրջանակում նա մեկնաբանեց «Սփյուռք» և «Սփյուռքի պատմություն» հասկացությունները, անդրադարձավ սփյուռքահայության անցյալի ուսումնասիրության անհրաժեշտությանը։
Սփյուռքագիտության զարգացումը՝ պետության առջև ծառացած մարտահրավերներին դիմակայելու ուղի ԵՊՀ պատմության ֆակուլտետի «Սփյուռքագիտություն» մագիստրոսական կրթական ծրագիրը պատրաստում է մասնագետներ, որոնք տեղեկացված կլինեն հայկական սփյուռքից, նրա տեսական հիմնախնդիրներից, հիմնական գործառույթներից, այլ երկրների սփյուռքներից, ինչպես նաև ունակ կլինեն ապահովելու Հայաստան-Սփյուռք կապը։
