Ֆինանսահաշվային ամբիոն

Ֆինանսահաշվային ամբիոնը ստեղծվել է 2001 թ․: Տարբեր տարիների ամբիոնը ղեկավարել են ճանաչված գիտնական, պետական և հասարակական գործիչ, տնտեսագիտության թեկնածու, դոցենտ Լևոն Դավթյանը, տնտեսագիտության դոկտոր, պրոֆեսոր Վարդան Բոստանջյանը։

2008-2022 թթ. ամբիոնը ղեկավարել է տնտեսագիտության դոկտոր, պրոֆեսոր Հայկ Մնացականյանը:

Ամբիոնի ստեղծման օրից տարվել և տարվում են աշխատանքներ հետևյալ ուղղություններով․

• բարձր որակավորում ունեցող պրոֆեսորադասախոսական անձնակազմի ձևավորում,
• գիտամանկավարժական պահանջվող մակարդակի ապահովում,
• կրթական և մասնագիտական ծրագրերի մշակում և ներդրում,
• կրթական գործընթացում ժամանակակից տեխնոլոգիաների կիրառում,
• ուսումնական գործընթացի արդյունավետության շարունակական բարձրացում,
• գիտահետազոտական ակտիվ գործունեություն։

Ամբիոնում առկա են բոլոր այն պայմանները, որոնք անհրաժեշտ են հանրապետության կրթահամակարգի բոլոր մակարդակներում գիտամանկավարժական և գիտահետազոտական արդյունավետ գործունեություն ծավալելու համար: 

Ֆինանսահաշվային ամբիոնի աշխատանքներում հիմնական դասախոսների հետ միասին ընդգրկված են նաև ՀՀ բանկային, հարկային, մաքսային և տնտեսության այլ ոլորտների փորձառու մասնագետները:

Ամբիոնն իրականացնում է «Ֆինանսներ, դրամաշրջանառություն և վարկ», «Հաշվապահական հաշվառում և աուդիտ» (հեռակա) մագիստրոսական կրթական ծրագրերը: