Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. լուսաբանել իրավական ընդհանուր (սահմանադրական) քաղաքականության իրականացման ոլորտում ՀՀ և այլ երկրների մոտեցումները,
   2. բացատրել սահմանադրական կարգավորման համակարգը և հասարակական հարաբերությունների սահմանադրականացման հիմնախնդիրները,
   3. հիմնավորել սահմանադրական, վարչական, մաքսային, հարկային, ընտրական օրենսդրության և ինստիտուցիոնալ համակարգի կատարելագործման հիմնական ուղղությունները, այդ թվում՝ ազգային անվտանգության կտրվածքով,
   4. ներկայացնել օրինաստեղծ, իրավակիրառական տեխնիկայի հիմունքները, կանոնները, բացատրել սահմանադրական, վարչական, մաքսային, հարկային, ընտրական օրենսդրության ոլորտներում դրանց կիրառման առանձնահատկությունները,
   5. նկարագրել սահմանադրական, վարչական, մաքսային, հարկային, ընտրական իրավունքի ոլորտում հետազոտությունների իրականացման մեթոդները, պետաիրավական երևույթների ընդհանուր օրինաչափությունները, իրավագիտության մեթոդաբանական, փիլիսոփայական, հիմունքները, պետաիրավական երևույթների նկատմամբ սոցոլոգիական մոտեցումները,
   6. ներկայացնել մարդու իրավունքների պաշտպանության ներպետական և միջազգային մեխանիզմները, փախստականների և միգրանտների իրավունքների իրականացման ու պաշտպանության ոլորտի հիմնախնդիրները, գնահատել միջազգային մարդասիրական իրավունքի դերը մարդու իրավունքների պաշտպանության համակարգում։
2. Գործնական մասնագիտական կարողություններ
   1. կատարել իրավաստեղծ աշխատանք, նորմատիվ ակտերի հաշվառում, գրանցում, պահպանում, փորձաքննություն, տալ իրավական եզրակացություններ, գնահատել օրենքի որակը,
   2. առաջարկել ՀՀ օրենսդրության կատարելագործման, ՀՀ օրենսդիր, գործադիր և դատական մարմինների գործունեության արդյունավետության բարձրացման նախաձեռնություններ, նախագծել ՀՀ սահմանադրական և վարչական կարգավորման կատարելագործման ու զարգացման ռազմավարություն, այդ թվում՝ ազգային անվտանգության դոկտրինի տեսանկյունից,
   3. համեմատել ՀՀ և արտասահմանյան երկրների պետաիրավական, այդ թվում` սահմանադրաիրավական համակարգերն ու օրենսդրությունները, անհրաժեշտության դեպքում ինքնուրույն հավաքելով, վերլուծելով, դասակարգելով, համակարգված և համակողմանի փաստարկներով մեկնաբանելով նաև օտարալեզու տեղեկատվությունը,
   4. կիրառել սահմանադրական, վարչական, մաքսային, հարկային, ընտրական իրավունքի ոլորտներում իրականացվող հետազոտության մեթոդները,
   5. պատրաստել դիմումներ` ուղղված ՀՀ սահմանադրական դատարանին, Մարդու իրավունքների եվրոպական դատարանին և այլ միջազգային կառույցներին, պատրաստել դիմումներ` ուղղված ՀՀ սահմանադրական դատարանին, Մարդու իրավունքների եվրոպական դատարանին և այլ միջազգային կառույցներին,
   6. վերլուծել և գնահատել ՀՀ իրավունքի համակարգում միջազգային մարդասիրական իրավունքի կիրարկման մեխանիզմները և առաջարկել դրանց կատարելագործման ուղիներ,
   7. կատարել մասնագիտական ոլորտի (սահմանադրական, վարչական, մաքսային, հարկային, միջազգային մարդասիրական, փախստականների և միգրանտների իրավունքների ոլորտի) օրենսդրության դրույթների մեկնաբանում, վերլուծում, իրավական գործի փաստական հանգամանքների հետազոտություն՝ ելնելով իրավակիրառման տեսակից, իրականացնել արարքի ճիշտ որակում, անհատական իրավական ակտի նախագծի մշակում։
3. Ընդհանրական (փոխանցելի) կարողություններ
   1. օգտվելու տեղեկատվության տարատեսակ աղբյուրներից (էլեկտրոնային և ոչ էլեկտրոնային),
   2. արդյունավետորեն պլանավորելու ժամանակն ու առաջադրված խնդիրների լուծման համար անհրաժեշտ ռեսուրսները ինչպես անհատական մակարդակում, այնպես էլ խմբի կազմում, այդ թվում՝ բազմամշակութային միջավայրում, գործունեություն ծավալելիս,
   3. ներկայացնելու զեկուցումներ, հետազոտությունների արդյունքներ, մասնագիտական և ոչ մասնագիտական հանրությանը համակողմանիորեն և փաստարկված կերպով ներկայացնել, բացատրել, ինչպես նաև՝ ստանալ իրավագիտության ոլորտին առնչվող տեղեկատվություն, գաղափարներ, փաստարկված հիմնավորելու իր տեսակետները, այդ թվում՝ գիտական բանավեճերի ընթացքում,
   4. ազատ հաղորդակցվել սոցիալական տարբեր խմբերի և դրանց ներկայացուցիչների հետ, այդ թվում՝ օտար լեզվով։ Պահպանել մասնագիտական էթիկայի կանոնները: