ԵՊՀ մագիստրանտը՝ աշխարհի խոշորագույն գիտաժողովներից մեկի մասնակից Երբ երիտասարդ գիտնականը հնարավորություն է ստանում մասնակցելու աշխարհի խոշորագույն գիտաժողովներից մեկին, դա ոչ միայն անձնական, այլև համալսարանի գիտական համայնքի համար կարևոր ձեռքբերում է։ ԵՊՀ ֆիզիկայի ինստիտուտի մագիստրատուրայի 2-րդ կուրսի ուսանող, Օպտոէլեկտրոնիկայի և ֆոտոնիկայի գիտահետազոտական լաբորատորիայի ճարտարագետ Գոռ Չալյանը առաջին մագիստրանտն է Հայաստանից, որը մասնակցել է այդօրինակ գիտաժողովի։
Ինչպե՞ս հաղթահարել ուսանողական կյանքի դժվարությունները. հոգեբանի խորհուրդները Հաճախ ուսանողների կյանքում ծագած կրթական և սոցիալական խնդիրները, դժվարությունները կարող են որոշակի ազդեցություն ունենալ նրանց հոգեբանական բարեկեցության, ուսանողական առաջադիմության վրա։ ԵՊՀ փիլիսոփայության և հոգեբանության ֆակուլտետի անձի հոգեբանության ամբիոնի վարիչ Նարինե Խաչատրյանի հետ քննարկել ենք, թե ինչպիսի խնդիրներ են ուղեկցում ուսանողներին, և ինչպիսի քայլեր պետք է ձեռնարկեն երիտասարդները՝ հաղթահարելու այդ դժվարությունները։
Բացահայտելով նոր հորիզոններ. ուսանողները «կոտրում են» մասնագիտական սահմանները Կրթական համակարգը մշտապես փոփոխվում է՝ համահունչ դառնալով ժամանակի պահանջներին։ Ներկայում ուսանողները չեն սահմանափակվում միայն մասնագիտական գիտելիքներ ստանալով, այլև ձգտում են հնարավորինս ընդլայնելու իրենց մտահորիզոնը։ Հայաստանում առաջին անգամ ներդրված «Շարժունության պատուհան» ծրագիրը հնարավորություն է տալիս ուսանողներին դուրս գալու դասական կրթական «սահմաններից»՝ հարակից կրթական ծրագրերից ընտրելով ցանկացած դասընթաց իրենց հետաքրքրությունների շրջանակում։
ԵՊՀ հետազոտողների ուսումնասիրության տիրույթում են խմորասնկերի միջոցով նպատակային նյութերի արտադրության հնարավորությունները Կենսաբանության ֆակուլտետի ավագ լաբորանտ Լիանա Անիկյանը և Կենսաբանության գիտահետազոտական ինստիտուտի տնօրեն Կարեն Թռչունյանը ուսումնասիրում են, թե Saccharomyces cerevisiae (S. cerevisiae) խմորասնկերը որ միջավայրում կարող են կենսագործվել և արդյունավետ բազմանալ: Այս հետազոտության արդյունքում խմորասնկերի աճի օպտիմալ պայմանների բացահայտումը կնպաստի նպատակային նյութերի, օրինակ՝ կենսաէթանոլի (հանածո վառելիքի այլընտրանք) արտադրության բարձրացմանը: S. cerevisiae խմորասնկերի շտամները ԵՊՀ-ն գնել է մի քանի տարի առաջ, և այժմ դրանց ուսումնասիրությունները կատարվում են Կենսաբանության գիտահետազոտական ինստիտուտում:
Արտերկրում ուսանելը` նոր աշխարհայացք. ուսանողները` ԵՊՀ-ի և Լիլի համալսարանի առանձնահատկությունների մասին ԵՊՀ աշխարհագրության և երկրաբանության ֆակուլտետի ուսանողներն իրենց մասնագիտական կրթությունը «Էրազմուս+» ծրագրի շրջանակում շարունակել են Լիլի համալսարանում (Ֆրանսիա)՝ առավել խորացնելով երկրաբանության ոլորտի վերաբերյալ գիտելիքները: Նրանք պատմել են կրթությունն արտասահմանում շարունակելու շարժառիթների, ԵՊՀ-ի և Լիլի համալսարանի կրթության կազմակերպման, ուսանող-դասախոս փոխհարաբերությունների տարբերությունների մասին:
Համագործակցությունը՝ ԵՊՀ առաջընթացի հիմքում. համալսարանը հիմնում է «Գործընկերների ակումբ» Համագործակցությունների խորացումը ԵՊՀ ռազմավարական կարևոր նպատակներից է՝ որպես կրթության և գիտության ոլորտներում կայուն առաջընթացի հիմնաքար: ԵՊՀ-ն ակտիվորեն համագործակցում է տարբեր կառույցների հետ՝ ներառելով ոչ միայն ուսումնական ու գիտական ոլորտներ, այլև պետական ու մասնավոր հատվածներ։ Հավատարիմ մնալով բուհ-աշխատաշուկա կապերի ամրապնդման համար բարենպաստ պայմաններ ապահովելու առաքելությանն ու գործընկերներին միավորելու հանձնառությանը՝ ԵՊՀ-ն ստեղծում է «Գործընկերների ակումբ»՝ նպատակաուղղված արդյունավետ համագործակցության զարգացմանը։
Ներառական կրթություն, անվտանգ միջավայր, խելամիտ լուծումներով լսարաններ. արդիականացված միջավայր՝ ի նպաստ բարձրորակ կրթության ԵՊՀ-ում, կրթական ծրագրերը ժամանակակից պահանջներին համապատասխանեցնելուն ու աշխատաշուկայում ուսանողների համար առավել մրցունակ դիրք ապահովելուն զուգընթաց, կատարվում են նաև շենքային պայմանների արդիականացմանն ու ենթակառուցվածքների լավարկմանն ուղղված աշխատանքներ՝ խելամիտ լուծումներով: Ներառական կրթություն, անվտանգ միջավայր, նոր սերնդի սարքավորումներով հագեցած լաբորատորիաներ, նորովի վերանորոգված ու կահավորված լսարաններ. այս աշխատանքների մեծ մասն արված է, իսկ առջևում լայնամասշտաբ ծրագրերն են:
Սեմինարների շարք ԵՊՀ-ի և Մասաչուսեթսի տեխնոլոգիական ինստիտուտի համագործակցության շրջանակում Երևանի պետական համալսարանի և Մասաչուսեթսի տեխնոլոգիական ինստիտուտի (MIT, ԱՄՆ) համագործակցությամբ իրականացվող նախագծի շրջանակում ԵՊՀ տեղեկատվական տեխնոլոգիաների կրթական և հետազոտական կենտրոնում սեմինարներ է անցկացնում Մասաչուսեթսի տեխնոլոգիական ինստիտուտի ներկայացուցիչ Դանիել Օդենթալին։
ԿԳՄՍ նախարարը հանձնեց միջազգային հավատարմագրում ստացած ԵՊՀ կրթական ծրագրերի հավաստագրերը ԵՊՀ-ում այսօր հյուրընկալվեցին ՀՀ կրթության, գիտության, մշակույթի և սպորտի (ԿԳՄՍ) նախարար Ժաննա Անդրեասյանը և Բարձրագույն կրթության և գիտության կոմիտեի նախագահի տեղակալ Արտուր Մովսիսյանը՝ հանձնելու ԵՊՀ կրթական ծրագրերի միջազգային հավատարմագրման հավաստագրերը: Այցի ընթացքում կատարվեց շրջայց ԵՊՀ գիտահետազոտական և ուսումնական լաբորատորիաներում, քննարկվեցին համալսարանի զարգացմանն ուղղված տարբեր նախաձեռնություններն ու համագործակցության նոր հնարավորություններ, որոնք նպատակ ունեն բարելավելու կրթական միջավայրը և լավարկելու բարձրագույն կրթության որակը ՀՀ-ում։
Նոր մոտեցումներ պոլիկաթնաթթվի արտադրության ոլորտում. գիտական խումբը հաղթել է մրցույթում Հայաստանի գիտական համայնքի «Ամենամյա ամփոփիչ գիտաժողով-2024»-ի շրջանակում անցկացված միջգիտակարգային նախագծերի մրցույթում գիտական խմբի առաջարկած նախագիծը ճանաչվել է լավագույնը՝ զբաղեցնելով առաջին հորիզոնականը։ «Կաթնաթթվից պոլիկաթնաթթու՝ արտադրության արդյունավետության բարձրացումից մինչև լազերային մշակում» թեմայով նախագիծն ուղղված է պոլիկաթնաթթվի արտադրության արդյունավետության բարձրացմանը և կիրառման շրջանակի ընդլայնմանը։
