Որակի ապահովման կենտրոնը Երևանի պետական համալսարանի ինքնուրույն կառուցվածքային ստորաբաժանում է, որի առաքելությունն է համալսարանում գործադրել որակի ներքին ապահովման մեխանիզմներ և խթանել որակի շարունակական բարելավման մշակույթը:

Երևանի պետական համալսարանի որակի ապահովման կենտրոնի (ՈԱԿ) կանոնադրությունը հաստատել է ԵՊՀ գիտական խորհուրդը 2012 թ․ սեպտեմբերի 27-ի № 1 նիստում (որոշում Զ)։

ՈԱԿ-ը սույն կանոնադրությամբ սահմանված խնդիրների լուծման նպատակով համագործակցում է ԵՊՀ կառուցվածքային այլ ստորաբաժանումների և արտահամալսարանական տարբեր կազմակերպությունների հետ և կատարում իր առջև դրված հիմնական գործառույթները։

Երևանի պետական համալսարանի որակի ապահովման հայեցակարգը հաստատել է ԵՊՀ գիտական խորհուրդը 2012 թ․ սեպտեմբերի 27-ի № 1 նիստում։

ԵՊՀ որակի ապահովման հայեցակարգի հիմքում համալսարանի ՈԱ համակարգի առաքելությունն է, այն է` նպաստել համալսարանի գործունեության հիմնական ոլորտներում (կրթություն, գիտություն և հանրային ծառայություններ) վստահության ամրապնդմանը և հավաստել, որ համալսարանի շնորհած որակավորումների որակն ու գործող չափորոշիչները պահպանվում, շարունակաբար բարելավվում և արդյունավետ կառավարվում են։

Կենտրոնի խնդիրներն են.

1. ԵՊՀ որակի ապահովման (ՈԱ) քաղաքականության և ռազմավարության մշակում և պարբերական վերանայում, վարչական աջակցություն դրանց իրագործմանը բոլոր մակարդակներում,
2. որակի միասնական չափանիշների պահպանում, ՈԱ գործընթացների ներդաշնակեցում և իրականացում ԵՊՀ գործունեության բոլոր հիմնական ոլորտներում,
3. կրթության որակի համար ԵՊՀ հաշվետվողականության ապահովում ներքին (ուսանողներ, դասախոսական և վարչական կազմ) և արտաքին (դիմորդներ, շրջանավարտներ, գործատուներ, պետություն և հասարակություն) շահեկիցների առջև,
4. կանոնակարգային և կազմակերպական հենքի ստեղծում և վարչական օժանդակություն` համալսարանի և նրա կրթական ծրագրերի որակի արտաքին գնահատման և հավատարմագրման համար, որակի ներքին և արտաքին գնահատման գործընթացների միջև կապի ապահովում,
5. ազգային, տարածաշրջանային և միջազգային ՈԱ գործակալությունների և համալսարանների ՈԱ կենտրոնների հետ կապերի հաստատում և ամրապնդում:

Կենտրոնի գործառույթներն են․

1. որակի ներքին ապահովման գործընթացների մշակում, իրականացում և մշտապես բարելավում, դրանց արդյունքների մասին զեկուցում, որակի ներքին չափանիշների և չափորոշիչների սահմանում` եվրոպական ընդունված պահանջներին համապատասխան,
2. ԵՊՀ ՈԱ կանոնակարգային, ընթացակարգային և չափորոշիչ փաստաթղթերի մշակում,
3. ԵՊՀ բոլոր ստորաբաժանումներում ՈԱ գործընթացների իրականացմանը վարչական աջակցության տրամադրում, համակարգում և վերահսկում,
4. ՈԱ գործընթացների և ընթացակարգերի թափանցիկության, դրանցում ուսանողների, շրջանավարտների, հիմնական գործատուների և արտաքին փորձագետների գործուն մասնակցության ապահովում,
5. ԵՊՀ ինստիտուցիոնալ հավատարմագրման ինքնագնահատման գործընթացի կազմակերպում, համապատասխան զեկույցի պատրաստում և հաջորդող գործողությունների պլանավորում ու վերահսկում,
6. հավատարմագրող մարմինների փորձագիտական այցերի ժամանակ համալսարանի ստորաբաժանումների աշխատանքի համակարգում,
7. «ՀՀ մասնագիտական կրթության որակի ապահովման ազգային կենտրոն» հիմնադրամի հետ համագործակցություն,
8. կրթական ծրագրերի մշակման և իրականացման որակի հսկողության ապահովում և դրանց՝ սահմանված չափորոշիչներին համապատասխանության ստուգում,
9. կրթական ծրագրերի մշակման, հաստատման, ընթացիկ մշտադիտարկման և պարբերական վերանայման համար ՈԱ ընթացակարգերի պատրաստում, համակարգում և աջակցություն ԵՊՀ բոլոր ստորաբաժանումներում դրանց իրականացմանը,
10. կրթական ծրագրերի պարբերական վերանայման գործընթացների կազմակերպում` ՈԱ ընթացակարգերին համապատասխան, նոր և վերանայված կրթական ծրագրերի փաստաթղթային փաթեթների ստուգում,
11. ԵՊՀ կրթական ծրագրերի որակի ինքնագնահատման համակարգում և դրանց արտաքին գնահատման և հավատարմագրման գործընթացներին օժանդակություն,
12. դասավանդման, ուսումնառության և ուսանողների գնահատման ՈԱ գործիքակազմի (հարցումներ, ֆոկուս-խմբեր և այլն) և ընթացակարգերի մշակում և իրականացում,
13. ԵՊՀ գիտական խորհրդի և ֆակուլտետների գիտական խորհուրդների ՈԱ մշտական հանձնաժողովների հետ համագործակցություն և աջակցություն նրանց աշխատանքներին:

Որակի ապահովման և շարունակական բարելավման ձեռնարկ

Որակի ապահովման և շարունակական բարելավման ձեռնարկը հասանելի է այստեղ:

Տնօրեն` տ.գ.թ., դոցենտ Արմեն Բուդաղյան

Հեռ․՝ (+374 10) 570 677 (ներքին` 11-21)
էլհասցե` abudaghyan@ysu.am

Փոխտնօրեն՝ ասիստենտ Մարի Սանթուրջյան

Հեռ. (+374 60) 710 014 (ներքին` 10-14)
էլհասցե` santmary@ysu.am

Գլխավոր մասնագետ՝ բ.գ.թ., դոցենտ Անահիտ Բրուտյան

Հեռ. (+374 60) 710 015 (ներքին` 10-15)
էլհասցե` anahitbrutyan@ysu.am

Մասնագետներ`

Նելլի Սարգսյան
Հեռ. (+374 60) 710 015 (ներքին` 10-15)
էլհասցե` nelly.sargsyan@ysu.am
Տաթևիկ Սաֆարյան
Հեռ. (+374 60) 710 014 (ներքին` 10-14)
էլհասցե` tateviksafaryan@ysu.am