ՈԱ գործընթացներ
ԵՊՀ-ում 2002 թվականից ներդրվել է դասավանդման որակի և արդյունավետության վերաբերյալ ուսանողական հարցումների համակարգը:
Ուսանողական հարցումներն անցկացվում են «Կրթության մասին» Հայաստանի Հանրապետության օրենքի և ԵՊՀ կանոնադրության պահանջների համաձայն և համարվում են ԵՊՀ ուսանողների ուսուցման որակն ապահովող գործառույթներին մասնակցելու և դասախոսական կազմի գործունեության արդյունավետությունը գնահատելու իրավունքի դրսևորում:
Երևանի պետական համալսարանը (ԵՊՀ) կարևոր նշանակություն է տալիս ուսանողական կարծիքների ուսումնասիրմանը՝ կրթական գործընթացի որակի բարելավման համար։ Ամեն կիսամյակ անցկացվող ուսանողական հարցումները հնարավորություն են տալիս պարզելու ուսանողների բավարարվածության մակարդակը, բարձրացնելու կրթական ծրագրերի արդյունավետությունը և բարելավելու համալսարանի կառավարման գործընթացը։
Հարցումների անցկացումը կանոնակարգվում է՝ համաձայն «ԵՊՀ-ում դասավանդման որակի և արդյունավետության վերաբերյալ ուսանողների հարցման» կանոնակարգի (նոր խմբագրությամբ հաստատվել է ԵՊՀ գիտական խորհրդի՝ 2017 թ. հունվարի 26-ի նիստի № 4/2 որոշմամբ)։
Սկսած 2017 թվականից՝ հարցումներն անցկացվում են յուրաքանչյուր կիսամյակի քննաշրջանից հետո առցանց եղանակով: Ուսանողը հնարավորություն ունի հարցմանը մասնակցելու ցանկացած վայրից՝ օգտվելով ԵՊՀ ուսանողական անհատական վիրտուալ տիրույթից, մուտք գործելով իր համալսարանական էլհասցե: Հարցումն անցկացվում է 1-5 միավորանոց գնահատման սանդղակով:
Անաչառություն ապահովելու նպատակով հարցումները և տվյալների մշակումն իրականացվում են կենտրոնացված, հարցման անցկացման պայմանների և արդյունքների վերլուծության միասնական չափանիշների հիման վրա։ Հարցման արդյունքները քննարկվում են ամբիոնների, ֆակուլտետների գիտական խորհուրդների, այնուհետև ԵՊՀ ԳԽ նիստերում:
Հարցումները ԵՊՀ-ում ունեն ոչ միայն գնահատողական, այլև բարեփոխիչ դերակատարում։ Ուսանողները ստանում են հնարավորություն ակտիվ մասնակցելու համալսարանի զարգացման գործընթացին՝ առաջարկելով նորարարական լուծումներ և քննադատական դիտարկումներ։
ԵՊՀ-ն շարունակելու է ամրապնդել ուսանողների հետ կապը, լսել նրանց կարծիքները և ձեռնարկել անհրաժեշտ բարեփոխումները՝ ապահովելով որակյալ կրթություն և ուսումնառության հարմարավետ միջավայր։
ԵՊՀ կրթական ծրագրերի արդյունավետության գնահատման գործող մեխանիզմներից են ԵՊՀ-ում ստացած կրթությունից շրջանավարտների բավարարվածության վերաբերյալ տարեկան պարբերականությամբ իրականացվող հարցումները, որոնք անցկացվում են 2009 թվականից։
Հարցումներն իրականացնելու համար կիրառվում են համապատասխան հարցաթերթ և կարգ, որոնք վերանայվել են մի քանի անգամ։ ԵՊՀ-ում ստացած կրթությունից շրջանավարտների բավարարվածության վերաբերյալ հարցումների կազմակերպման կարգը վերջին անգամ (նոր խմբագրությամբ) հաստատվել է ԵՊՀ գիտական խորհրդի՝ 2017 թ․ հոկտեմբերի 12-ի №1 նիստում:
ԵՊՀ-ում ստացած կրթությունից շրջանավարտների բավարարվածության վերաբերյալ հարցումը ԵՊՀ որակի ապահովման ներքին համակարգի կարևորագույն բաղադրիչներից է և անցկացվում է առցանց եղանակով: Հարցմանը մասնակցում են ԵՊՀ բակալավրիատի ու մագիստրատուրայի առկա և հեռակա ուսուցման համակարգի բոլոր շրջանավարտները:
Հարցումների կազմակերպման կարգը սահմանում է դրանց անցկացման, արդյունքների մշակման և օգտագործման պայմանները, իսկ հարցաթերթը պարունակում է համապատասխան բաժին, որտեղ շրջանավարտները գնահատում են իրենց բավարարվածությունը կրթական ծրագրերի բովանդակությունից և ուսուցման մեթոդաբանությունից։ Հարցումների արդյունքներն ամփոփվում, վերլուծվում և հրապարակվում են համապատասխան տարեկան զեկույցում, որը քննարկվում է ԵՊՀ գիտական խորհրդի նիստում։
2019/2020 ուստարվա շրջանավարտների բավարարվածության վերաբերյալ հարցման արդյունքների ամփոփում
ԵՊՀ կրթական ծրագրերի որակի և արդիականության արտաքին գնահատման նպատակով ԵՊՀ-ն 2012 թ․ մշակել է ԵՊՀ շրջանավարտների մասնագիտական հմտություններով և կարողություններով գործատուների բավարարվածության հարցումների ընթացակարգը և իրականացրել մի շարք պիլոտային հարցումներ տարբեր բնագավառներում, ինչպիսիք են իրավագիտությունը, տնտեսագիտությունը, ինֆորմատիկան, ռադիոֆիզիկան, սոցիալական աշխատանքը, դեղագործությունը և ժուռնալիստիկան: Հարցումների հաշվետվությունները հասանելի են ԵՊՀ համապատասխան ֆակուլտետների ամբիոնների համար և կիրառվելու են կրթական ծրագրերի վերանայման գործընթացներում:
ԵՊՀ հիմնական գործատուները ներգրավված են նոր մշակվող կրթական ծրագրերի փորձագիտական գնահատման գործընթացում՝ համաձայն ԵՊՀ կրթական ծրագրերի հաստատման կարգի 3.4. կետի:
Բացի դրանից՝ ԵՊՀ կրթական ստորաբաժանումները (ֆակուլտետները, ինստիտուտները և կենտրոնները) պարբերաբար անցկացնում են իրենց շրջանավարտների մասնագիտական հմտություններից և կարողություններից հիմնական գործատու կազմակերպությունների բավարարվածության հարցումներ:
Երևանի պետական համալսարանում (ԵՊՀ) կրթական ծրագրերի հաստատման գործընթացը հիմնված է բարձրագույն կրթության որակի ապահովման միջազգային և ազգային չափանիշների վրա։ Կրթական ծրագրերի մշակման, գնահատման և հաստատման համակարգված կարգավորումը նպատակ ունի ապահովելու ծրագրերի արդիականությունը, աշխատաշուկայի պահանջներին համապատասխանությունը և ուսանողների մասնագիտական հմտությունների զարգացումը։
Կրթական ծրագրերի մշակումը կատարվում է ԵՊՀ համապատասխան ֆակուլտետների կողմից՝ ներառելով ակադեմիական անձնակազմը, ոլորտային մասնագետներին և կրթական փորձագետներին։ Մշակման փուլում հաշվի են առնվում հետևյալ գործոնները․
Հայաստանի Հանրապետության կրթության օրենսդրությունը և որակի ապահովման պետական չափանիշները,
աշխատաշուկայի պահանջները և միջազգային լավագույն փորձը,
ոլորտային մասնագետների, գործատուների և ուսանողների կարծիքները,
նորագույն գիտական ձեռքբերումները և տեխնոլոգիական զարգացումները։
Հաստատված ծրագրերը ներդրվում են ԵՊՀ ուսումնական գործընթացում՝ համապատասխան ֆակուլտետների միջոցով։ Ծրագրի իրագործման ընթացքում կատարվում է շարունակական մոնիթորինգ՝ ուսանողների, դասախոսների և գործատուների հետադարձ կապի հիման վրա։ ԵՊՀ-ն պարբերաբար վերանայում և թարմացնում է իր կրթական ծրագրերը՝ ապահովելով ժամանակակից պահանջներին համապատասխան բարձրագույն կրթություն։
Երևանի պետական համալսարանում (ԵՊՀ) կրթական ծրագրերի որակի բարձրացման կարևոր գործիքներից մեկը դրանց մշտադիտարկումն (մոնիթորինգը) և վերանայման գործընթացն է։ Այս համակարգված մոտեցումը հնարավորություն է տալիս ապահովելու ուսուցման արդիականությունը, գիտության և տեխնոլոգիաների զարգացումներին համընթաց առաջընթացը, ինչպես նաև աշխատաշուկայի պահանջներին համապատասխան մասնագետների պատրաստումը։
ԵՊՀ կրթական ծրագրերի մշտադիտարկման (մոնիթորինգի) և վերանայման կարգը (այսուհետ` կարգ) կանոնակարգում է բակալավրի ու մագիստրոսի կրթական ծրագրերի ընթացիկ մշտադիտարկման և պարբերական վերանայման գործընթացները։ ԵՊՀ կրթական ծրագրերի ընթացիկ մշտադիտարկման և պարբերական վերանայման գործընթացները կրթական ծրագրերի իրականացման փուլում դրանց որակի վերահսկման, ապահովման ու շարունակական բարելավման հիմնական մեխանիզմներից են: Կարգը սահմանում է ԵՊՀ կրթական ծրագրերի ընթացիկ մշտադիտարկման և պարբերական վերանայման նպատակներն ու խնդիրները, դրանց ներկայացվող հիմնական պահանջները, կիրառվող ընթացակարգերը, հիմնական դերակատարներին ու համապատասխան ժամանակացույցները։ Կարգը տրամադրում է նաև կրթական ծրագրերի ընթացիկ մշտադիտարկման հաշվետվության ձևաթերթը, որում ներառված են հաշվետվության հիմնական բաժիններն ու ծրագրի կատարողականի արդյունքային ցուցանիշների կազմը։ Կրթական ծրագրերի ընթացիկ մշտադիտարկումն իրականացնում են ԵՊՀ ուսումնական ստորաբաժանումները (ՈՒՍ՝ ֆակուլտետ, կենտրոն, ինստիտուտ)՝ բակալավրի ծրագրերի համար հնգամյա, իսկ մագիստրոսի ծրագրերի համար՝ եռամյա պարբերականությամբ։ Կրթական ծրագրերի պարբերական վերանայումը համաբուհական գործընթաց է, որի իրականացման պարբերականությունը որոշվում է սույն կարգով՝ հիմք ընդունելով ծրագրի կրթական մակարդակը (բակալավր/մագիստրոս), բնույթն (ակադեմիական/կիրառական) ու մասնագիտական ոլորտը։
«ԵՊՀ» հիմնադրամի կրթական ծրագրերի մշտադիտարկման (մոնիթորինգի) և վերանայման կարգ
Երևանի պետական համալսարանը (ԵՊՀ) ապահովում է դասախոսների շարունակական մասնագիտական զարգացումը՝ հիմնվելով կրեդիտային համակարգի վրա։ Դասախոսների որակավորման բարձրացման կրթագիտական ծրագիրը նախատեսված է արդի գիտական ու մեթոդական պահանջներին համապատասխան մասնագետների պատրաստման և վերապատրաստման համար։
Կրեդիտային համակարգով դասախոսների որակավորման բարձրացման կրթագիտական ծրագրի կառուցվածքը և բովանդակությունը (26.05.2016 թ․)
Երևանի պետական համալսարանը (ԵՊՀ) ապահովում է իր պրոֆեսորադասախոսական կազմի շարունակական մասնագիտական զարգացումը և որակի վերահսկումը՝ կիրառելով գործունեության գնահատման և ատեստավորման համակարգված մեխանիզմներ։ 2024-2026 թվականների ընթացքում ԵՊՀ-ն կիրականացնի պրոֆեսորադասախոսական կազմի գնահատման և ատեստավորման նորացված ընթացակարգ, որը կնպաստի կրթական գործընթացի արդյունավետության բարձրացմանը։ ԵՊՀ-ն նպատակ ունի շարունակաբար բարելավել դասախոսական կազմի որակավորումը, ինչը կնպաստի կրթության բարձրացմանը և համալսարանի մրցունակության ամրապնդմանը։ 2024-2026 թվականների ընթացքում կիրառվող այս համակարգը միտված է ապահովելու ուսուցման և հետազոտությունների բարձր որակ՝ համապատասխան միջազգային կրթական չափանիշներին։
ԵՊՀ-ում ինստիտուցիոնալ հավատարմագրման գործընթացը մեկնարկել է 2012 թ․ մարտին և իրականացվել է ՀՀ Կառավարության կողմից 2011 թ․ հունիսի 30-ին հաստատված «ՀՀ միջին և բարձրագույն մաuնագիտական հիմնական կրթական ծրագրեր իրականացնող ուuումնական հաuտատությունների պետական հավատարմագրման կարգի» համաձայն (Ինստիտուցիոնալ ինքնագնահատման զեկույց)։
Երևանի պետական համալսարանը (ԵՊՀ) Հայաստանի Հանրապետության առաջատար բարձրագույն ուսումնական հաստատություններից է, որը կարևոր դեր է խաղում երկրի գիտակրթական զարգացման գործում։ Համալսարանի որակավորման և կրթական ծրագրերի համապատասխանությունն ապահովելու նպատակով այն անցնում է ինստիտուցիոնալ հավատարմագրում, որը համարվում է ուսումնական հաստատությունների որակի գնահատման կարևոր գործընթաց։
Երևանի պետական համալսարանը (ԵՊՀ) վերջին անգամ ինստիտուցիոնալ հավատարմագրում է ստացել 2022 թվականին՝ 6 տարի ժամկետով։ Այս հավատարմագրումը վկայում է համալսարանի համապատասխանությունը ազգային և միջազգային կրթական չափանիշներին։
Հավատարմագրման գործընթացը ներառում է ներքին ինքնագնահատում, արտաքին գնահատում, զեկույցի հրապարակում և վերջնական որոշում։ Այս գործընթացի արդյունքում ԵՊՀ-ն ստանում է առաջարկներ և ուղղորդումներ՝ իր կրթական ծրագրերի և կառավարման համակարգի շարունակական բարելավման համար։
Հավատարմագրումը նպաստում է ԵՊՀ կրթության որակի բարձրացմանը, միջազգային ճանաչմանը, ուսանողների հնարավորությունների ընդլայնմանը և համալսարանի շարունակական զարգացմանը։
Երևանի պետական համալսարանում ծրագրային հավատարմագրման գործընթացի շրջանակում 2024 թ․ առաջին անգամ հաջողությամբ միջազգային հավատարմագրում ստացան չորս կրթական ծրագրեր: Այս ծրագրերը ընտրվել են՝ հաշվի առնելով նրանց արդիականությունը, յուրահատկությունը և աշխատաշուկայում մեծ պահանջարկը:
Կրթական ծրագրերի հավատարմագրումը գերմանական «ASIIN» գործակալության հետ համատեղ սկսվեց 2022 թ․։ Իրականացված այդ գործընթացի ժամանակ ներդրված մեծ ջանքերի, ռեսուրսների ու նվիրումի արդյունքում գերմանական «ASIIN» միջազգային գործակալությունը հավատարմագրել է Կենսաբանության ֆակուլտետի և Ֆարմացիայի ինստիտուտի «Կենսաքիմիա և կենսատեխնոլոգիա» (բակալավրի), «Ընդհանուր և բժշկական կենսաքիմիա» (մագիստրոսական), «Ֆարմացիա» (բակալավրի), «Ֆարմացիա» (մագիստրոսական) կրթական ծրագրերը: Այժմ ընթացքի մեջ է Մաթեմատիկայի և մեխանիկայի ֆակուլտետի 6 կրթական ծրագրերի միջազգային հավատարմագրման գործընթացը։
«ASIIN» գործակալության կողմից իրականացվող հավատարմագրման գործընթացը ներառում է հետևյալ հիմնական փուլերը.
Ինքնագնահատում: Համալսարանը պատրաստում է ինքնագնահատման զեկույց, որտեղ ներկայացվում են կրթական ծրագրերի ուժեղ և թույլ կողմերը, ինչպես նաև զարգացման հնարավորությունները:
Արտաքին գնահատում: «ASIIN» գործակալության փորձագիտական խումբը այցելում է համալսարան՝ հանդիպելով վարչական անձնակազմի, դասախոսների և ուսանողների հետ՝ գնահատելու կրթական ծրագրերի համապատասխանությունը միջազգային չափանիշներին:
Զեկույցի ներկայացում: Փորձագիտական խումբը պատրաստում է զեկույց՝ ընդգծելով հայտնաբերված դրական կողմերը և բարելավման առաջարկները:
ԵՊՀ ուսումնառության ռեսուրսների և ուսանողների աջակցության ծառայությունների գնահատման և պարբերական բարելավման նպատակով մշակվել է համապատասխան ղեկավար ձեռնարկ (ուղեցույց), որը հասանելի է համապատասխան կառույցներին:
