Շվեդիայի Թագավորության արտակարգ և լիազոր դեսպանը դասախոսություն կարդաց ԵՊՀ-ում Հայաստանում Շվեդիայի Թագավորության արտակարգ և լիազոր դեսպան Պատրիկ Սվենսոնը համալսարանում անցկացրած դասախոսության շրջանակում ներկայացրեց Շվեդիայի և Հայաստանի դիվանագիտական հարաբերությունների պատմությունն ու համագործակցության ուղիները, ինչպես նաև Շվեդիայի արտաքին քաղաքական մոտեցումը աշխարհաքաղաքական ներկայիս իրավիճակում։
Մարդու արժեքային կողմնորոշումների ուսումնասիրությունը՝ հոգեբանների հետազոտության տիրույթում Միջմշակութային և ներմշակութային հետազոտական նախագծերի շրջանակում Անձի և սոցիալական միջավայրի գիտահետազոտական լաբորատորիայի հետազոտական թիմը կատարում է «արժանապատվություն», «պատվասիրություն» և «դեմքը չկորցնելու» արժեքային կողմնորոշումների ուսումնասիրությունը:
Քննարկվել են Կոլորադոյի համալսարանի և ԵՊՀ-ի միջև գործակցության նոր ուղիները ԱՄՆ-ում ՀՀ դեսպան Լիլիթ Մակունցն ապրիլի 26-ին և 27-ին աշխատանքային այցով Կոլորադո նահանգում էր՝ Դենվեր, Ավրորա և Բոլդեր քաղաքներում։ Կոլորադոյի համալսարանում (Դենվեր) անցկացված հանդիպմանը Լիլիթ Մակունցը ներկայացրել է ԵՊՀ ռեկտորի՝ համագործակցության նամակ-առաջարկը, գործընկերների հետ քննարկել ԵՊՀ-ի և Կոլորադոյի համալսարանի միջև համագործակցության ուղիներն ու կրթական հատուկ ծրագրեր կազմելու հնարավորությունները։
Գիտության անվտանգությունը՝ ժամանակի մարտահրավեր Միջազգային բաց ու թափանցիկ հաղորդակցությունը, գիտական տեղեկության և տվյալների տարածումը, հետազոտական նյութերի փոխանակումը կարող են ոչ միայն ապահովել համաշխարհային գիտական մտքի զարգացում, այլև դառնալ նոր մարտահրավեր ու սպառնալիք՝ տվյալների ոչ պատշաճ մշակման, տարածման ու կիրառման դեպքում: Այս հարցերն են արծարծվել «ASCE-2024» միջազգային գիտաժողովին, որին մասնակցել է նաև ԵՊՀ իրավագիտության ֆակուլտետի դասախոս, ի․գ․թ․, դոցենտ Տաթևիկ Դավթյանը։
ԵՊՀ-ի ու Արբիտրաժի և հաշտարարության հայաստանյան կենտրոնի միջև կնքվեց համագործակցության հուշագիր ԵՊՀ իրավագիտության ֆակուլտետի ու Արբիտրաժի և հաշտարարության հայաստանյան կենտրոնի միջև կնքվեց համագործակցության հուշագիր՝ նպատակ ունենալով խթանելու վեճերի այլընտրանքային լուծումների բնագավառում իրավական կրթության և գիտահետազոտական ոլորտի կատարելագործումը։
Դասախոսություն՝ նվիրված հայ-սերբական դիվանագիտական հարաբերությունների 30-ամյակին ԵՊՀ միջազգային հարաբերությունների ֆակուլտետի ուսանողները հանդիպեցին ՀՀ-ում Սերբիայի արտակարգ և լիազոր դեսպան Տատյանա Պանայոտովիչ-Ցվետկովիչի հետ: Հանդիպման շրջանակում դեսպանը հանդես եկավ դասախոսությամբ՝ ԵՊՀ ուսանողներին պատմելով Սերբիայի վարած քաղաքականության, հայ-սերբական հարաբերությունների, ինչպես նաև գործակցային կապերի հետագա զարգացման հեռանկարների մասին:
ԵՊՀ-ն՝ «Գիտություն» ցուցահանդեսի մասնակից ՀՀ գիտությունների ազգային ակադեմիայի տարեկան ընդհանուր ժողովի շրջանակում անցկացվեց «Գիտություն» ցուցահանդեսը՝ մեկ հարթակում համախմբելով գիտական կազմակերպությունների, ՀՀ պետական բուհերի ներկայացուցիչներին, կրթության և գիտության ոլորտում ՀՀ ԿԳՄՍՆ և ԳԱԱ գործընկերներին: ԵՊՀ-ն նույնպես մասնակցեց ցուցահանդեսին՝ առանձին տաղավարով ներկայացնելով բուհի գիտական գործունեությունը, հաջողությունները, ինչպես նաև կրթական ծրագրերը:
Կրթություն, աշխատանք, սեփական բիզնես նախագիծ. ԵՊՀ ուսանող Լիանա Խաչատրյանի պատմությունը ԵՊՀ տնտեսագիտության և կառավարման ֆակուլտետի 3-րդ կուրսի ուսանող Լիանա Խաչատրյանը, կարևորելով ակադեմիական կրթությունը, համատեղում է ուսումնառությունն ու աշխատանքը․ նա ներգրավված է բազմաթիվ բիզնես ծրագրերում և աշխատանքներում։ Լիանան մասնակցել է մի շարք մրցույթների, որոնցից մեկն էլ այս տարի Արաբական Միացյալ Էմիրություններում կայացած «Seaside Startup Summit» միջազգային բիզնես ֆորումն էր։
Ֆրանկոֆոնիան, Ազնավուրի արվեստը և ԵՊՀ-ն․ անցկացվեց «Շառլ Ազնավուր-100» խորագրով միջոցառում Նրա երգերը գերել են միլիոնավոր մարդկանց սրտեր, արվեստի ուժով շատերի համար դարձել արժեհամակարգի ձևավորման ուղենիշ, նպաստել ճանաչելու և սիրելու Հայաստանն ու Ֆրանսիան՝ դառնալով նաև յուրահատուկ կամուրջ հայ-ֆրանսիական բարեկամության։ Տարին հոբելյանական է Շառլ Ազնավուրի համար։ Աշխարհահռչակ շանսոնյեի 100-ամյա հոբելյանին նվիրված միջոցառումների մեկնարկը տրվեց ԵՊՀ-ից։
ԵՊՀ-ում անցկացվեց դասախոսություն՝ նվիրված հուշարձանապահպանության հիմնահարցերին ԵՊՀ պատմության ֆակուլտետում «Հուշարձանապահպանություն. երիտասարդության ներուժը» թեմայով դասախոսությամբ հանդես եկան ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի աշխատակիցները։ Դասախոսությունը նվիրված էր Հուշարձանների և տեսարժան վայրերի միջազգային օրվան։
