Թաղանթների կիրառման նոր ուղիները. պրոֆեսոր Վոյցեխ Կույավսկու դասախոսությունը ԵՊՀ-ում Երևանի պետական համալսարանի կենսաբանության ֆակուլտետում հյուրընկալվել էր Թորունի Ն. Կոպեռնիկոսի անվան համալսարանի (Լեհաստան) ֆիզիկական քիմիայի և պոլիմերների ֆիզիկական քիմիայի ամբիոնի վարիչ, պրոֆեսոր Վոյցեխ Կույավսկին։ Պրոֆեսորը հանդես եկավ «Անդրադարձ թաղանթային բաժանման մեթոդներին» թեմայով դասախոսությամբ՝ ներկայացնելով թաղանթների պատրաստման տեխնոլոգիաների և դրանց կիրառման ոլորտներում ունեցած իր փորձը։
ԵՊՀ-ն՝ ի նպաստ շարունակական մասնագիտական զարգացման․ ինժեներ-երկրաբանները կկատարելագործեն հմտությունները Երևանի պետական համալսարանում մեկնարկել է «Ինժեներային երկրաբանություն» շարունակական մասնագիտական զարգացման (ՇՄԶ) դասընթացը, որը հաստատվել է ՀՀ քաղաքաշինության կոմիտեի կողմից։ Ծրագրի շրջանակում մասնակիցները հանդիպում ունեցան կոմիտեի ներկայացուցիչների հետ՝ քննարկելու ՇՄԶ գործընթացի օրենսդրական կարգավորման մանրամասները, ինչպես նաև իրենց հուզող մասնագիտական հարցերը։
ԵՊՀ-ի և Բուրգունդիայի համալսարանի համագործակցության շրջանակում ուսումնասիրվում են բնակչության կողմից չօգտագործվող եթերայուղատու բուսատեսակների արժեքավոր հատկությունները Հայաստանում զգալի տարածքներ են զբաղեցնում կիսաանապատները, տափաստանները, տափաստանային թփուտները, որոնց ֆլորան եթերայուղատու բույսերի արժեքավոր աղբյուր է։ Այս մասին նշում է ԵՊՀ բուսաբանության և սնկաբանության ամբիոնի դոցենտ, կենսաբանության գիտահետազոտական ինստիտուտի գիտաշխատող Նարինե Զաքարյանն ու հավելում, որ եթերայուղատու բույսերը կազմում են Հայաստանի ֆլորայի 9 տոկոսը: Նա ներկայում իր գիտական խմբի հետ ուսումնասիրում է ՀՀ բնակչության կողմից չօգտագործվող բուսատեսակների տնտեսական նշանակությունը՝ բացահայտելով դրանց հակասնկային, հակաբորբոքային, հակատարիքային և այլ արժեքավոր հատկությունները։
ԵՊՀ-ում դասախոսությամբ հանդես եկավ ԵԽԽՎ նախագահ Թեոդորոս Ռուսոպուլոսը ԵՊՀ-ում հյուրընկալվեց Եվրոպայի խորհրդի խորհրդարանական վեհաժողովի նախագահ Թեոդորոս Ռուսոպուլոսը՝ ԱԺ պատգամավոր Վլադիմիր Վարդանյանի և Եվրոպայի խորհրդում ՀՀ մշտական ներկայացուցիչ, արտակարգ և լիազոր դեսպան Արմեն Պապիկյանի ուղեկցությամբ: Եվրոպայի խորհրդի խորհրդարանական վեհաժողովի նախագահը հանդես եկավ դասախոսությամբ՝ ներկայացնելով ԵԽ-ի դերը, նպատակը, միաժամանակ խոսելով մարդու իրավունքներից ու ժողովրդավարության կարևորությունից:
ԵՊՀ-ում անցկացվեց էկոկրթական միջոցառում՝ նվիրված Երկրի օրվան ԵՊՀ կենսաբանության ֆակուլտետի էկոլոգիայի և բնության պահպանության ամբիոնի ու «Հայանտառ» ՊՈԱԿ-ի համատեղ նախաձեռնությամբ համալսարանում անցկացվեց էկոլոգիական ու կրթական բնույթի միջոցառում, որի նպատակն էր բարձրացնել իրազեկվածության մակարդակը շրջակա միջավայրի պահպանության մասին և ներգրավել երիտասարդներին բնապահպանական նախաձեռնություններում։
Ուսանողների ակադեմիական ներգրավվածությունը՝ ի նպաստ կրթական գործընթացի բարելավման Երբ խոսում ենք բարձրագույն կրթության որակի և արդյունավետության մասին, պետք է նկատի ունենալ, որ այդ հարցում առանցքային դերակատարում ունի նաև ուսանողի ներգրավվածության աստիճանը։ ԵՊՀ փիլիսոփայության և հոգեբանության ֆակուլտետի դոցենտ Լուսինե Ստեփանյանը կատարում է ուսումնասիրություն, որը նպատակ ունի բացահայտելու ուսանողների ակադեմիական ներգրավվածությունն ու բարեկեցությունը պայմանավորող միջավայրային և անձնային հիմնական գործոնները։ Այս ուսումնասիրությունն արժեքավոր հիմք կարող է դառնալ ուսանողակենտրոն կրթական մոդելների մշակման համար՝ նպաստելով երիտասարդների անձնային և մասնագիտական զարգացմանը։
ԵՊՀ-ում կայացավ «Հոգեբանական վերնիսաժ» գիտագործնական միջոցառումը ԵՊՀ փիլիսոփայության և հոգեբանության ֆակուլտետում տեղի ունեցավ «Հոգեբանական վերնիսաժ» գիտագործնական միջոցառումը, որը կազմակերպվել էր ԵՊՀ ընդհանուր հոգեբանության ամբիոնի և «Հայաստանի հոգեբանների միություն» ՀԿ-ի համատեղ նախաձեռնությամբ։ Ամեն տարի գարնանը կազմակերպվող միջոցառման նպատակն է փորձի փոխանակման, համագործակցության և նոր նախաձեռնությունների շուրջ միավորել հոգեբանության ոլորտի մասնագետներին, ուսանողներին և հոգեբանական կենտրոնների ներկայացուցիչներին։ Այն հնարավորություն է տալիս հոգեբանության ոլորտում թե՛ սկսնակ, թե՛ փորձառու մասնագետներին հանդես գալու իրենց ծրագրերով և գործունեությամբ, իսկ ուսանողներին՝ գտնելու մասնագիտության հեռանկարները։
Հայկական խաղողի կեղևները՝ սննդի անվտանգ փաթեթավորման հումք Արհեստական pH ինդիկատորները, որոնք ապրանքի փաթեթավորման ներքին կամ արտաքին հատվածում տեղադրված թաղանթներն են, ունեն թունայնություն, ինչը սահմանափակում է դրանց կիրառությունը սննդի փաթեթավորման մեջ։ ԵՊՀ երիտասարդ գիտաշխատող Հայկ Պետրոսյանն իր գիտական խմբի հետ ուսումնասիրում է խաղողի մի շարք տեսակների կեղևներից բնական pH ինդիկատորների ստացման գործընթացը: Նա նշում է, որ հնարավոր է օգտագործել, օրինակ, գինու արտադրությունից մնացած խաղողի թափոնները՝ նվազեցնելով նաև հումքի ծախսերն ու նպաստելով տեղական վերամշակման զարգացմանը։
Ներկայացվեցին Դեղապատրաստուկների որակի հսկման և մոնիթորինգի գիտաուսումնական կենտրոնի գիտամեթոդական կարողությունները ԵՊՀ-ում կայացավ Ֆարմացիայի ինստիտուտի դեղապատրաստուկների որակի հսկման և մոնիթորինգի գիտաուսումնական կենտրոնի հնարավորությունների ներկայացման աշխատաժողովը, որի ընթացքում անդրադարձ կատարվեց կենտրոնի վերլուծական փորձարկման լաբորատորիայի գիտամեթոդական կարողություններին, նյութատեխնիկական հագեցվածությանը և առաջարկվող ծառայություններին:
ԵՊՀ արևելագիտության ֆակուլտետը՝ հայ-ղազախական գիտակրթական և մշակութային կապերի զարգացման հարթակ ԵՊՀ այցելեցին Հայաստանում անցկացվող «Ղազախստանի մշակույթի օրեր» ծրագրի ղազախ մասնակիցները, որոնց ուղեկցում էր ՀՀ-ում Ղազախստանի արտակարգ և լիազոր դեսպան Բոլատ Իմանբաևը։ Ղազախական մշակույթի ճանաչված գործիչները, հանդիպելով համալսարանի ներկայացուցիչների հետ, ԵՊՀ արևելագիտության ֆակուլտետի Աբայի անվան ղազախերենի, Ղազախստանի պատմության ու մշակույթի կենտրոնին նվիրեցին ղազախերեն և ռուսերեն հրատարակված բազմաթիվ արժեքավոր գրքեր: Դեսպան Բոլատ Իմանբաևը և ղազախ հյուրերը ընդգծեցին ԵՊՀ-ի բացառիկ դերը հայ-ղազախական ոչ միայն գիտակրթական, այլև մշակութային ու հումանիտար ուղղություններով համագործակցության ամրապնդման գործում:
