Միջազգային գիտաժողով՝ նվիրված ԵՊՀ տնտեսագիտության և կառավարման ֆակուլտետի հիմնադրման 90-ամյակին ԵՊՀ տնտեսագիտության և կառավարման ֆակուլտետում մեկնարկեց «Փոխակերպվող տնտեսություն. թվային տեխնոլոգիա, տարածական անհամամասնություններ և կյանքի որակ» խորագրով միջազգային եռօրյա գիտաժողովը՝ նվիրված ֆակուլտետի հիմնադրման 90-ամյակին: Գիտաժողովի նպատակն է ստեղծել հարթակ նորարարական հետազոտությունների արդյունքների հանրահռչակման համար՝ նպաստելով աշխարհի գիտակրթական տարբեր հաստատությունների և փորձագետների միջև գործակցային կապերի ամրապնդմանը։
ԵՊՀ-ում դասախոսությամբ հանդես եկավ Հայդելբերգի համալսարանի պրոֆեսոր Բերնդ Բրաունը ԵՊՀ Պալեանների անվան դահլիճում «Հարավային Կովկասը Գերմանիայի արտաքին քաղաքականության համատեքստում» թեմայով դասախոսությամբ հանդես եկավ պատմաբան և քաղաքագետ, Գերմանիայի սոցիալ-դեմոկրատական կուսակցության ակտիվ գործիչ, բազմաթիվ գիտական հրապարակումների հեղինակ, «Ֆրիդրիխ Էբերտի տուն-թանգարան» հիմնադրամի գործադիր տնօրեն, Հայդելբերգի համալսարանի դասախոս և պատվավոր պրոֆեսոր Բերնդ Բրաունը։ Դասախոսության նպատակն էր ներկայացնել հայ-գերմանական գիտակրթական կապերը՝ ուղենշելով երկու երկրների կրթական հաստատությունների միջև առկա գործակցային հարաբերությունների զարգացման հեռանկարները։
Հայաստանի ջրային պաշարների արդյունավետ կառավարման ուղիները՝ ԵՊՀ գիտնականի ուսումնասիրության առարկա ԵՊՀ աշխարհագրության և երկրաբանության ֆակուլտետի ֆիզիկական աշխարհագրության և ջրաօդերևութաբանության ամբիոնի դոցենտ Վարդուհի Մարգարյանի ներկայացրած նախագիծը հաղթող է ճանաչվել ՀՀ ԿԳՄՍՆ հայտարարած «Կին ղեկավարների առաջխաղացմանն ուղղված ծրագիր-2024» մրցույթում։ Նախագծի նպատակն է գտնել ՀՀ ջրային պաշարների արդյունավետ կառավարման ուղիներ:
Դասախոսության առանցքում՝ մրցակցության պաշտպանության դերը շուկայի կարգավորման մեջ ԵՊՀ շրջանավարտների և կարիերայի կենտրոնի, ԵՊՀ մաթեմատիկայի և մեխանիկայի ֆակուլտետի ակտուարական և ֆինանսական մաթեմատիկայի ամբիոնի և Մրցակցության պաշտպանության հանձնաժողովի համագործակցության շրջանակում ուսանողների համար անցկացվեց «Արդար խաղի կանոնները. մրցակցության պաշտպանության դերը շուկայի կարգավորման մեջ» խորագրով դասախոսություն։
Մեկնարկեց ԵՊՀ ՈՒԳԸ միջազգային 10-րդ գիտաժողովը ԵՊՀ-ում մեկնարկեց Ուսանողական գիտական ընկերության (ՈՒԳԸ) միջազգային երիտասարդական 10-րդ գիտաժողովը՝ նվիրված ԵՊՀ հիմնադրման 105-ամյակին։ Այս տարվա գիտաժողովը նշանավորվում է նրանով, որ կառույցը տոնում է ստեղծման 77-ամյակը։
Շեքսպիրի գործերն արդի համատեքստում. միջազգային գիտաժողով ԵՊՀ-ում ԵՊՀ-ում հյուրընկալվեցին արտերկրից ժամանած շեքսպիրագետներ՝ մասնակցելու «Շեքսպիրը իշխանության, իշխանության չարաշահման և բռնապետության մասին. երեկ, այսօր և վաղը» թեմայով միջազգային գիտաժողովին, որը կազմակերպվեց Արտասահմանյան գրականության ամբիոնի ու Հայ շեքսպիրյան միության նախաձեռնությամբ։
ԵՊՀ-ն՝ «Գիտության շաբաթ» փառատոնի մասնակից Ազատության հրապարակում հոկտեմբերի 1-6-ն անցկացվեց «Գիտության շաբաթ» փառատոնը, որին իր մասնակցությունն ունեցավ Երևանի պետական համալսարանը: Փառատոնի շրջանակում գիտության կարևորության և ոլորտի նորարարությունների մասին պատմեցին ԵՊՀ ֆիզիկայի և ֆարմացիայի ինստիտուտների, կենսաբանության և քիմիայի ֆակուլտետների, ՍԹԵՄ ավագ դպրոցի և մարքեթինգի բաժնի ներկայացուցիչները:
Հոգեբանական արդի խնդիրները՝ արտերկրի մասնագետների դիտարկմամբ «Էրազմուս+» դասախոսների շարժունության ծրագրի շրջանակում ԵՊՀ փիլիսոփայության և հոգեբանության ֆակուլտետում անցկացվեց «Հոգեախտորոշումը կազմակերպությունում, սպառողական վարք և որոշման կայացման հոգեբանություն» խորագրով դասախոսությունների շարք։ Ծրագիրն իրականացրին ԵՊՀ-ի և Աալենի տեխնոլոգիական համալսարանի (Գերմանիա) մասնագետները։
«Ինստիտուցիոնալ հետազոտությունների դերը ռազմավարական պլանավորման գործընթացներում»․ վերապատրաստման դասընթաց և աշխատաժողով Օլդենբուրգում ԵՊՀ պատվիրակությունը «KPI4HE» նախագծի շրջանակում Գերմանիայի Օլդենբուրգի համալսարանում մասնակցել է վերապատրաստման դասընթացի և աշխատաժողովի, որի շրջանակում հնարավորություն է ընձեռվել ծանոթանալու ԵՄ բուհերի ինստիտուցիոնալ հետազոտությունների դերին ռազմավարական պլանավորման գործընթացներում, որոնք նպաստում են բուհերի գործունեության առանցքային ցուցանիշների արդյունավետության բարձրացմանը։
Համատեղ իրականացրած ծրագրերի արդյունավետությունը՝ Լյուվենի կաթոլիկ համալսարանի հետ գործընկերությունը շարունակելու խթան Երևանի պետական համալսարանը և Լյուվենի կաթոլիկ համալսարանը (Բելգիա) համագործակցում են «Էրազմուս+» դասախոսների շարժունության ծրագրի շրջանակում: Ակադեմիական միջավայրում ամրապնդելով գործակցային կապերը՝ կողմերն իրականացրել են մի շարք ծրագրեր, այդ թվում՝ փոխայցելություններ, դասախոսությունների անցկացում։ Համատեղ արդեն 4-րդ ծրագիրը կյանքի կոչվեց ԵՊՀ փիլիսոփայության և հոգեբանության ֆակուլտետում։
