Մարդու ոսկորը՝ անհերքելի տեղեկություն կրող. բրոնզ-երկաթեդարյան խմբային թաղումների ֆենոմենը կուսումնասիրվի նոր մեթոդով Մարդկային ոսկորի մնացորդների կենսահնագիտական ուսումնասիրության շնորհիվ հնարավոր է վերակազմել հին հանրության կենսակերպը: Այդ ուսումնասիրությունը ենթադրում է ժամանակակից մեթոդներով պեղումներ, մարդաբանական գտածոյի փաստագրում, ճիշտ ախտորոշում: ԵՊՀ պատմության ֆակուլտետի մշակութաբանության ամբիոնի դոցենտ Ռուզան Մկրտչյանը ոսկորի ուսումնասիրությունից կարող է պարզել տվյալ ժամանակաշրջանի մարդաբանական տիպը, վերականգնել մարդկանց արտաքին տեսքը և բնութագրել, թե որ հարևան ցեղախմբերի հետ են նրանք ժառանգական կապ ունեցել: ԵՊՀ դոցենտն իր հետազոտություններում եկել է այն եզրահանգման, որ Սևանի ավազանի բրոնզ-երկաթեդարյան ժամանակաշրջանի բնակիչները տեղացի են եղել: Նա ներկայում իր գիտական խմբի հետ ուսումնասիրում է Սևանի ավազանի բրոնզ-երկաթեդարյան խմբային թաղումները:
Նոր գիտելիքներ, փորձառություն․ ԵՊՀ լավագույն ուսանողի հաջողության ճանապարհը ԵՊՀ եվրոպական լեզուների և հաղորդակցության ֆակուլտետի մագիստրանտ Ստելլա Շահինյանը միշտ ցանկացել է լեզուներ սովորելու միջոցով ստեղծել նոր հնարավորություններ, որոնք կնպաստեն մասնագիտական և անձնական աճին։ Ուսումնառության ընթացքում նա հասկացել է, որ լեզուներն ու միջմշակութային հաղորդակցությունը կարևոր դերակատարում ունեն գործարար աշխարհում։ Միջմշակութային «պատնեշների» հաղթահարումը, միջազգային գործընկերների հետ աշխատելու հնարավորությունը, ինչպես նաև գործարար ոլորտի աշխուժությունն ու դինամիկան միշտ գրավել են նրան և դարձել խթան՝ կրթությունը շարունակելու մագիստրատուրայում։
Տիեզերակայաններում կենսամիջավայրի ստեղծման հնարավորությունները. հայ գիտնականների նոր նախագիծը Տիեզերական միջավայրում բույսերի աճը գիտական համայնքի ուշադրության կենտրոնում է, քանի որ այն անմիջականորեն վերաբերում է տիեզերագնացների սննդի, թթվածնի և խցիկում խոնավության վերահսկման հարցերին։ Թեմայի ուսումնասիրությամբ զբաղվում են Հայաստանի գիտական համայնքի «Ամենամյա ամփոփիչ գիտաժողով-2024»-ի միջգիտակարգային մրցույթը հաղթած գիտական խմբի անդամները։ «Կենսաբանական միջավայրի ձևավորումը տիեզերական կայաններում» նախագծի նպատակն է ստեղծել կենսամիջավայր տիեզերագնացների կայաններում՝ ապահովելով վերջիններիս սննդային պահանջը:
«Հաջողության գրավականը ոչ միայն ստացած կրթությունն է, այլև շարունակաբար ինքնակրթվելը»․ ԵՊՀ ուսանող Էմմա Նոնինյան ԵՊՀ հայ բանասիրության ֆակուլտետի մագիստրատուրայի երկրորդ կուրսի ուսանող Էմմա Նոնինյանը, սովորելով «Հայոց լեզվի պատմություն և լեզվաբանություն» մագիստրոսական կրթական ծրագրի երկրորդ կուրսում, իր կարևոր նպատակներից է համարում կրթությունը շարունակելը, որպես մասնագետ կայանալը՝ ձեռք բերելով նոր գիտելիքներ, հմտություններ և փորձ։ Նա մատնանշում է ինքնակրթության կարևոր դերը որակյալ մասնագետ դառնալու ճանապարհին, ինչը նոր դռներ է բացում գիտակրթական ոլորտում՝ նպաստելով մասնագիտական հմտությունների զարգացմանը։
Մանրէաբանության և էներգետիկ փոխանակության ժամանակակից դասերը՝ պրոֆեսոր Նաթի մեկնաբանությամբ Մանրէաբանության և կենսաքիմիայի ոլորտներում գիտահետազոտական համագործակցության ընդլայնման, փորձի փոխանակման և ոլորտի արդիական թեմաների շուրջ դասախոսություններով հանդես գալու նպատակով ԵՊՀ էր հրավիրվել Դելիի տեխնոլոգիական ինստիտուտի (Հնդկաստան) ճանաչված գիտնական, պրոֆեսոր Սունիլ Նաթը։ ԵՊՀ ներքին գիտակրթական դրամաշնորհային ծրագրի շրջանակում կատարած այցի ընթացքում նա ներկայացրել է նաև դասախոսություն՝ «Մանրէների ֆիզիոլոգիայի և կենսաքիմիայի սկզբունքներ» թեմայով։
Համառության, նպատակասլացության և ընտրած մասնագիտությունը սիրելու շնորհիվ հնարավոր է կյանքի կոչել երազանքները ԵՊՀ կենսաբանության ֆակուլտետի մագիստրատուրայի 2-րդ կուրսի ուսանող Լուսինե Բաղդասարյանը ՀՀ բուհերի լավագույն առաջադիմությամբ ուսանողների անվանական կրթաթոշակների տրամադրման 2024 թ. մրցույթի («Լավագույն ուսանող») հաղթողներից է։ Մրցույթում նա հաջողել է սեփական ուժերին հավատալու, աշխատասիրության, նպատակասլացության, գիտության ոլորում ցուցաբերած ակտիվության և նվիրումի շնորհիվ։
Կուսումնասիրվեն վայրի կաթնասուններից մարդկանց փոխանցվող հիվանդությունների հարուցիչները Մարդկանց կողքին ապրող սինանտրոպ կաթնասուններից կարող են մարդկանց փոխանցվել նոր հիվանդությունների հարուցիչներ: Այս երևույթի դեմ պայքարելու համար նախ պետք է ուսումնասիրել, թե այդ կաթնասուններն ինչ հիվանդությունների հարուցիչներ են կրում: Ներկայացված խնդիրը Կենսաբանության ֆակուլտետի դոցենտ Աստղիկ Ղազարյանի հետազոտության տիրույթում է:
«Լավագույն մասնագետ դառնալու ճանապարհի առաջին քայլը սկսվում է ուսանողական նստարանից». ԵՊՀ ուսանող Նազելի Եսայան Մշակույթը, լեզվի հնչյունական գեղեցկությունը, հանճարեղ ստեղծագործությունները մշտապես գրավել են ԵՊՀ ուսանող Նազելի Եսայանին, իսկ դասախոսներն ամրապնդել են սերը նրա ընտրած մասնագիտության հանդեպ: Նրա գլխավոր նպատակն է դասավանդել Երևանի պետական համալսարանում՝ շարունակելով նպաստել գիտության և կրթության զարգացմանը:
Աշխատասիրություն, ժամանակի ճիշտ կառավարում և համառություն․ ԵՊՀ ուսանող Լիդա Եղիազարյանի հաջողության պատմությունը Ուսանողական կյանքը լի է մարտահրավերներով, ինչպես նաև մեծ հնարավորություններով, որոնք նպաստում են մասնագիտական զարգացմանը: ԵՊՀ ուսանող Լիդա Եղիազարյանը պատմել է ուսանողական տարիների, որպես մասնագետ կայանալու ճանապարհին հանդիպող խոչընդոտների և հաջողությունների, նպատակասլաց լինելու և մշտապես լավագույնին ձգտելու կարևորության մասին:
Սուրճի թափոններից դեպի «կանաչ» ապագա․ ԵՊՀ գիտնականներն ուսումնասիրում են սուրճի թափոնների արդյունավետ վերամշակման ուղիները ԵՊՀ կենսաբանության գիտահետազոտական ինստիտուտում կատարվող նոր հետազոտությունը ցույց է տալիս, որ սուրճի թափոնները կարող են դառնալ կենսավառելիքի ստացման հիմք՝ նպաստելով շրջակա միջավայրի պահպանմանը և «կանաչ» տնտեսության զարգացմանը: Հետազոտության վերաբերյալ մանրամասներ է ներկայացրել Կենսաբանության գիտահետազոտական ինստիտուտի տնօրեն Կարեն Թռչունյանը։
