«Իմ հաջողություններում առանցքային դերակատարում ունի ԵՊՀ բիզնես ինկուբատորը»․ ուսանող Սաթի Թադևոսյան ԵՊՀ տնտեսագիտության և կառավարման ֆակուլտետի ուսանող Սաթի Թադևոսյանը «Տվյալների գիտությունը բիզնեսում» մագիստրոսական կրթական ծրագրի 2-րդ կուրսի ուսանող է։ Նա համոզված է, որ տվյալագիտությունը կարող է տարբեր ոլորտներում նորարարությունների ու արդյունավետ որոշումների կայացման լայն հնարավորություններ ստեղծել: Բազմաթիվ մրցույթների մասնակից Սաթին իր հաղթանակների գրավական է համարում ԵՊՀ-ում ստացած կրթությունը և Բիզնես ինկուբատորում գաղափարների իրագործման հնարավորությունը, որոնք եղել են իր մասնագիտական զարգացման հիմնաքարերը։
Գիտական համագործակցություն բնապահպանության ոլորտում. բնապահպան, անվանի գիտնական Լորենցո Վիլիզիի փորձառությունը Օտարածին կենդանիները և բույսերը երբեմն աննկատ, սակայն վտանգավոր փոփոխությունների են ենթարկում շրջակա միջավայրը, ուստի դրանց հետազոտությունը կարևոր է թե՛ բնապահպանական, թե՛ տնտեսական և թե՛ առողջապահական խնդիրների կանխարգելման տեսանկյունից։ Անվանի գիտնական և բնապահպան, Լոդզի համալսարանի (Լեհաստան) պրոֆեսոր Լորենցո Վիլիզին, որը երկար տարիներ ուսումնասիրում է օտարածին տեսակների ազդեցությունը շրջակա միջավայրի վրա, «Օտարածին ինվազիվ տեսակների ռիսկերի գնահատումը Հայաստանում» խորագրով աշխատաժողովի շրջանակում հյուրընկալվել էր ԵՊՀ կենսաբանության ֆակուլտետում՝ իր գիտելիքներով ու փորձով կիսվելու ֆակուլտետի մասնագետների հետ։
Կրթությունը՝ նոր հնարավորությունների ուղենիշ ԵՊՀ եվրոպական լեզուների և հաղորդակցության ֆակուլտետի չորրորդ կուրսի ուսանող Արփինե Ղազարյանին օտար լեզուների նկատմամբ սերն ու հետաքրքրությունը բերեցին համալսարան։ Ուսանողական ակտիվություն, ձեռք բերած գիտելիքներ, հնարավորություններ, նոր փորձառություն․ Արփինեն պատմում է համալսարանական կրթության կարևորության, արտերկրում ուսում ստանալու, ինչպես նաև ապագա ծրագրերի մասին։
Քաղցկեղի բուժման բարելավմանն ուղղված հետազոտություններ` հինգ երկրների առաջատար հետազոտական կենտրոնների համագործակցությամբ ԵՊՀ-ում մեկնարկել է քաղցկեղի բուժման բարելավմանն ուղղված հետազոտությունների առաջին փուլը, որի շրջանակում Ֆարմացիայի ինստիտուտ են այցելել Օպոլեի համալսարանի (Լեհաստան) քիմիայի և ֆարմացիայի ինստիտուտի գիտաշխատող, դոկտոր Պավել Լենարտովիչը և Առողջապահական գիտությունների ինստիտուտի փոխտնօրեն, դոկտոր Պժեմիսլավ Դոմաշևսկին: Նշյալ հետազոտությունները կատարվում են Լեհաստանի, Իտալիայի, ԱՄՆ-ի և Ավստրալիայի առաջատար հետազոտական ինստիտուտների հետ համագործակցությամբ` Եվրոպական հանձնաժողովի կողմից տրամադրված դրամաշնորհի շրջանակում:
Ինֆորմատիկայի օլիմպիադայի հանրապետական փուլը ԵՊՀ-ում Երևանի պետական համալսարանում կայացավ Ինֆորմատիկայի օլիմպիադայի հանրապետական փուլը։ Օլիմպիադան անցկացվում է ամեն տարի՝ նպատակ ունենալով զարգացնելու դպրոցականների հետաքրքրությունը ծրագրավորման և տեղեկատվական տեխնոլոգիաների նկատմամբ, բացահայտելու տաղանդավոր մասնակիցներին և ամրապնդելու կրթական հաստատությունների միջև առկա համագործակցությունը։
Արժեքներ, պատմություն, անցած ճանապարհ. ԵՊՀ տնտեսագիտության և կառավարման ֆակուլտետի ուղին՝ գիրք-ալբոմում ԵՊՀ տնտեսագիտության և կառավարման ֆակուլտետի 90-ամյակի առթիվ հրատարակված գիրք-ալբոմն ամփոփում է տնտեսագիտական դպրոցի անցած երկարամյա ճանապարհը, արժեքները, որոնք ձևավորել են ֆակուլտետի կրթական ու գիտական ժառանգությունը։ Գիրքը պատմում է ոչ միայն 90 տարիների ընթացքում տեղի ունեցած կարևոր իրադարձությունների մասին, այլև անդրադառնում համալսարանի մեծարժեք ձեռքբերումներին ու նվաճումներին՝ ընդգրկելով լուսանկարներ, պատմական փաստեր ու տեղեկություններ, որոնք կարևոր են ֆակուլտետի բոլոր շահակիցների՝ ուսանողների, դասախոսների, շրջանավարտների և գործընկերների համար։
Բնապահպանության, հիդրոօդերևութաբանության և կլիմայի փոփոխության հիմնախնդիրները՝ միջազգային գիտաժողովի օրակարգում ԵՊՀ-ում մեկնարկեց միջազգային երկօրյա գիտաժողով` նվիրված Անտառագետի, Ջրաբանի և Օդերևութաբանի մասնագիտական տոներին: Գիտաժողովի շրջանակում Հայաստանի և արտերկրի գիտաշխատողներն իրենց զեկույցներում անդրադառնում են հիդրոօդերևութաբանության, շրջակա միջավայրի մոնիթորինգի և էկոլոգիական անվտանգության ապահովման բնագավառում գիտական ձեռքբերումներին, հիդրոօդերևութաբանության ոլորտում ծառացած գերակա խնդիրներին, շրջակա միջավայրի արդի վիճակին, կլիմայի փոփոխության հիմնահարցերին:
ԵՊՀ-ի և ՀՀ գլխավոր դատախազության միջև կնքվեց հուշագիր՝ ի նպաստ կրթություն-գիտություն-փորձնակություն արդյունավետ համագործակցության ՀՀ գլխավոր դատախազ Աննա Վարդապետյանը, Երևանի պետական համալսարանի ռեկտոր Հովհաննես Հովհաննիսյանը և իրավագիտության ֆակուլտետի դեկան Հարություն Խաչիկյանը ստորագրեցին համագործակցության հուշագիր՝ կարևորելով իրավաբանական կրթության, գիտության և պրակտիկայի արդյունավետ, կառուցողական ու շարունակական համագործակցության մշակույթի զարգացումը։
Բնագիտամաթեմատիկական ուղղվածությունը և արվեստը՝ համատեղ․ կոտրելով կարծրատիպերը ԵՊՀ Շառլ Ազնավուրի անվան մշակույթի կենտրոնում ԵՊՀ ՍԹԵՄ ավագ դպրոցի սաների մասնակցությամբ բեմադրվեց Հովհաննես Թումանյանի «Անուշ» պոեմը։ Բնագիտամաթեմատիկական հոսքի աշակերտները, որոնք սովորաբար հետաքրքրված են մաթեմատիկայով, ֆիզիկայով, քիմիայով և կենսաբանությամբ, այս անգամ իրենց կարողությունները դրսևորեցին արվեստի ոլորտում՝ համատեղելով արվեստի ու բնական գիտությունների հանդեպ ունեցած սերն ու իմացությունները։
Համահունչ լինելով միջազգային պահանջներին․ ԵՊՀ-ն շարունակաբար բարելավում է կրթական ծրագրերը Երևանի պետական համալսարանը շարունակաբար բարելավում է բակալավրի կրթական ծրագրերը՝ այս ուստարվանից նաև դրամաշնորհներ տրամադրելով դրանց բարելավման համար: Այս նախաձեռնությունը հնարավորություն է տալիս ծրագրերի ղեկավարներին ապահովելու փոփոխվող պահանջներին համապատասխան նորամուծություններ։
